يامدلعه

[حنان الكون]

يامدلعه لا تدعين الضيق و انتي في سعه
الضيق للي ما اتسع له صدر محبوبه لضاق

القلب نفسه عند مـتـبـهـذل و عند مـدلـعـه
الفرق في صدق المشاعر و الاحاسيس الرقاق

الله ياكم لي وانا منك الوفاق استـطـلعــه
والحين لانتي ولا قلبك ولا حتى الوفاق

اخر حكاية حب و اول جرح كنت اتوقعه
اللي برواق تحبني تقدر تفارقني برواق

احساسك اصلا مايناسبني و انا ما انفعه
ما دام لي مبدأ ولك نيه تبيعين الرفاق

الناس قالت من يبيعك و اشترى غيرك بعه
لا تلحق اللي منك ما يستاهل اسباب اللحاق

اخترت اموت و لا يقولون الخلايق امعه
واخترت افراق و الصدق ياكره كرهي للفراق

اصبحت مثل اللي يدور للجهات الاربعه
راح الجهات الاربع ومازال في نفس النطاق

المشكله وده يفضفض مير كلٍ يصفعه
من حيث ما وجه بوجهه للاسف يلقى طراق

الحزن يجتاحه و شكل في حياته زوبعه
واحساس باهمال الجميع يضاهي احساس المعاق

الظاهر ان الناس في قلب المواجع مبدعه
و الظاهر اني صرت ممن لا يطيق و لا يطاق

الحب من ذا اللي يقول الحب دنيا ممتعه
في ذمتي ما يقولها لو كان مما ذقت ذاق

ان شاف نفس اللي اشوفه و ماسمعته يسمعه
يختار له نار الفراق و لا يجي جنة عناق

العاشق اللي مامعه غير انتفاضة مدمعه
الله يكون بعون قلبه و احتراقه احتراق

ان جيت تلقى حالته حاله وشبه مضيعه
احيان يتنفس و لكن اغلب الحال اختناق

انهد حيله و انجرح و احتاس في هالمعمعه
محتار مايدري على ويش الزعل و الانشقاق

انصب تفكيره على ماذا وراء الاقنعـــــــه
مسكين كان اخر ضحيه للخيانه و النفاق

الحين يا ضده تكون الناس والا يا معه
مايعترف بالاوسطيه و الثقه و الاتفاق

ارثي لحاله عندما يكتب على الرمل اصبعه
هذي نهاية مايسمونه محبه و اشتيــــــــاق

مجنون ليلى يتبع هواه وحـنـــا نـتـبـعــــه
يعني انا و الاف غيري نندرج ضمن السياق

الصدق لو هم الرجل في كلمتين تقلعـــــه
ماتمنعه احيان كلمة يبغض الله الطلاق

السالفه اكبر من انه يمتنع او تمنعــــــه
ما دامت الدعوه مصير انسان مربوط بوثاق

ان حب حب الله يعينــــــه والحشى متولعـــه
ومن وين ماقلبه يسوقه من ورى خشمه يساق

الود ودك لا وصل للوضع هذا تقنعـــــــه
مهما استمر الحب يبقى اخر الحب افتراق

اكبر غلط لو شخص متـبـهـذل يحب مـدلـعـه
والاخت... ماتقدر توسع خاطره لو يوم ضاق




لـــ الشاعر محمد الشهري

[الفرقدان]

الناس قالت من يبيعك و اشترى غيرك بعه
لا تلحق اللي منك ما يستاهل اسباب اللحاق

اخترت اموت و لا يقولون الخلايق امعه
واخترت افراق و الصدق ياكره كرهي للفراق





صحّ لسان القايل والناقل .. عزّ الله هالبيتين اعجبنن بالحييييل

مشكوره حنونه على هالقصيده .....

[د.الاسطورة]

جزاكي الله خير
ويعطيكي العافية
حلوة حنون

[نداوى]

[حنان الكون]

اهلللللللين فيكم حبيباتي

يسلموو