زوج صريح جدا؟.؟

[احاسيس ناعمه]

السلام عليكم ورحمة الله وبركاته:اختصر قصة صديقتي بهذه السطور تقول /مضى على زواجي تقريبا تسع سنوات كلها سعاده وحب ولله الحمد وزوجي من النوع العاطفي جدا ويحن علي بشكل كبير ويخاف علي لكن هناك مشكله واحده دائما تسبب لي الاحباط في عيشتي وهي ان وزني 89 وزوجي 111ودائما يقول لي اعملي رجيم لايعجبه جسمي ويقول ان جسمه افتح لونا مني بالرغم ان سماري مقبول ويقارنني باجسام غيري من نساء روسيات وامريكيات واذا تكلمت عن جسمه قال انه رجل لا يعيبه ذلك وفكرت كثيرا ان اترك له المنزل ليتزوج من تنطبق عليها مواصفاته ولكنه يرفض بشده ويقول احبك وماقدر اعيش مع غيرك والذي يجرحني اكثر انه يقول لي اثناء الجنس احاول قدر المستطاع ان لا انضر الى جسمك اي الى السمار والسمنه 0 تكفن بنات ساعدني وش اسوي معاه بالرغم لا استطيع ان اجرحه باي كلمه لانني احبه جدا وانا الان حامل بالشهر الاخير وناويه بالنفاس اعمل رجيم وادور على خلطات زينه للجسم دعواتكن لي لانني بحاجه للراي والمشوره ماذا افعل ؟؟.؟؟؟؟؟؟؟؟؟؟؟؟
/اخواتي اطرح بين ايديكن مشكلة صديقتي واتمنى ان ارى حلا لها لانها تمر بحاله نفسيه سيئه بسبب زوج بقدر محبته لها يجرحها بحجة (المصارحه الزوجيه )

[احاسيس ناعمه]

ياالله ست عضوات ادخلن ولا وحده ردت افا والله اني قلت لصديقتي ابشري بالحل من العضوات بس للاسف خيبتن ضني سسسسسسسسسسسسسسسسسلام

[الحب اسمى عاطفة]

اختي انا بصراحه ما عمري ولله الحمد عانيت من السمنه بالعكس اعاني من النحافيه ,,,

فما عندي خبره بالريجيمات ,,,

بس انصح اربيعتج انهاا مثل ماهي ناويه عليه في النفاس تحاول تعدل من جسمهاا,,,

بالنسبه للسمار انا اعتقد ان السمار حلوو على بعض البنات والبعض يتمنا السمار,,,

واعتقد نعومه الجسم تهم اكثر من السمار ,,,

بس بامكانهاا تستخدم كريمات تبيض ((( للاسف ما عندي خبره بهالسوالف )))

واما بالنسبه للريجيم ,,,

اعتقد المفروض يكون بمتابعه طبيه لانهاا بتكون في فتره نفاس ولازم تتغذي زين


اختي والله اني بودي اساعدج بس ما عندي خبره بهالمواضيع

اتمني ان المنولات يفيدونج وتن شاء الله مخاويات شمه ما يقصرن

[ريماني]

أحاسيس ناعمه

أختي سمحيلي دخلت من قبل بس ما عرفت شو اقول من زود ما تأثرت بالقصتها

الغاليه خليها تتكلم وياه أول تقوله يصبر عليها على الأقل لين تولد

كذا ما ينفع الحرمه بروحها نفسيتها تعبانه من الحمل

بعدين هي نفسها خليها تكون أقوى من كذا وثقتها بنفسها قويه

لأنه هذا لي متعبنها أكثر من كلام زوجها عنها

بعدين السمراء حلوه والأمريكيات والروسيات يسافرون يدورون السماره من عندنا

والسمرا تراها ما تعجز بسرعه وما يبين عليها العمر مثل البيضا

وأنا رأيي أنه حاليا خلها تركز على لي في بطنها وعلى صحتها

بعد الولاده لا تسوي رجيم قاسي فورا

خصوصا أنها بتكون توها تعبانه وقامت من بعد ولاده وتعب

أنا عن نفسي سويت رجيم وأنا أرضع بس ما كان رجيم بمعنا الكلمه بس مجرد تخفيف

خليها تاكل تفاحتين قبل كل وجبه وتشرب خل التفاح مخفف في ماء دافيء بعد كل وجبه

وأنا دورت عن خل التفاح ما يأثر على الحامل حتى لو بتبدأ فيه من الحين ما يأثر عليها

بس مثل ما قلت تشربه مخفف في ماء دافئ مفيد عشان الدهون

بنت عمتي نزلت أكثر من 15 كيلو خلال أربع شهور بس بهذا الرجيم

فيه رياضه ممكن تسويها بعد الولاده بأسبوعين ( ما جربتها بس يقولون تسوي خصر للمرأه )

عليها توقف مسافه قريبه من الحيط وتخلي ظهرها مقابل للحيط

بعدين تلف يدها اليمين لين تمسك الجانب اليسار من الحيط والعكس

تسويها قد ما تقدر ثلاثين عشرين مرتين أو ثلاث في اليوم

أنا ما جربتها بس ناويه أجربها بعد الولاده ( أنا حامل الحين في السابع)

وفيه خلطه بعد ناويه أجربها بعد الولاده يمدحونها يقولون تخفف الكرش

تاخذ قشر الرمان مجفف ومطحون وتخلطه بعسل

بعدين تكورها وتخليها بحجم حبة البندول

تاكلها في آخر 20 يوم من أيام النفاس كل يوم الصبح على الريق

وفي آخر ثلاث أيام من أيام الدوره بعد

أما بالنسبه للسمار فأنا بعد بشرتي حنطيه أكثر من أنها بيضا

ما متعقده من بشرتي مع أنها تقهرني أحيانا

بس أهتم بتقشيرها شهريا وأشيل الشعر بحلاوه ما أستخدم لا مكينه ولا موس ولا غيره

أستعمل كريمات ترطيب دايما بعد الحمام للجسم أستخدم جيرجنز وللوجه أستخدم فير أند لافلي>>>>>> متعوده عليه ما قدرت أغيره حتى بعد العرس

ورأيي تبتعد عن أي كريمات تبييض وتحاول أنها تنزل وزنها الزايد وتشد جسمها أول

أعتقد أنه زوجها بيغير من نظرته لها من بعد ما تنزل الوزن

ممكن توصينها بعد إذا بتحط مكياج وأساس تختار على لون بشرتها>>>>>لا تحاول تفتح بشرتها بالمكياج

لا تختار ألوان أفتح من لونها لأنه بيطلع عليها غلط ممكن يكون أفتح بدرجه بس

وتنتبه للألوان لي تحطها على وجها لأنه السمرا ما يليق عليها كل شيئ

خليها تحط لها جدول من بعد الولاده بأسبوعين

لأنه الوالده جديد يبيلها سبوعين ترجع شوي صحتها أحسن

سمحيلي أسألج كم طولها هل هي طويله أو قصيره؟؟ >>>>>>>>>بس عشان نعرف كم يبيلها تنزل

بنات لي عندها خبره في الملابس ممكن تنصحها شو تلبس والألوان لي ممكن تناسبها

[شوق القصيم]

غاليتي

احب اقولك ان رضا الزوج غاية لا تدرك>>>>>>>>>>>>>هذا رايي


واغلب الازواج يتمنون عكس ماعندهم يعني الي زوجته نحيفه يتمناها دووبه

والي سمينه يمناها نحيفه ......

وترا هذا حال اغلب الازواج

ورايي ان اسلوب زوجك جارح شوي
وكان يقدر يوصل لك بطريقه ثانيه ........

حاولي انك تناقشينه في هذي النقطه.......وتعرفين منه ليه يتعامل معاك بهذه الطريقه ......وان اروسيات والامريكيات بياضهن يخوف كانه لحمة نيه ........

وان اعتزاز المراءة العربيه بسمارها ......وانها رمز لجمالها

وحاولي انك بعد الولاده تغيرين من شكلك بالذات وزنك وتستخدمين كريمات لتنعيم وتوحيد لون البشره بعد الولاده

[احاسيس ناعمه]

اولا اشكر كل من ابدت حل للمشكله واحب اضيف ان صديقتي حلوه اذا اكشخت وهي متوسطة الطول وتختار مايناسبها منالملابس صاحبة ذوق رفيع في اختيار ملابسها ومكياجها 0

[الحب اسمى عاطفة]

الله يفرج ضيقهاا يارب

[منال]

الله يفرج ضيقها

[ريماني]

الله يكون في عونها ويهون عليها ويقومها بالسلامه

أهم شيء هي تكون راضيه عن نفسها

وزوجها لو شافها إنسانه واثقه وراضيه بنفسها بيعشقها أكثر

[أم رند]

بصراحة أنا رأيي من رأي شووووق
رضى الأزواج غاية فعلا لاتدرك

لكن بالنسبة للسمنة لازم يكون الريجيم عند دكتور والأهم تكون جادة على المحافظة على النظام الغذائي حتى بعد ماتنحف وتنهي فترة العلاج

لكن السمار موضوع آخر

إذا كان السمار طبيعة فهذا مارح يتبدل لو استخدمت الكريمات لأنها رح ترد أسوأ من أول بعد ماتترك الكريمات
يعني لاتحاول بالكريمات>>>>>>>>>هذا رأيي

لكن ممكن تنظم أكلها وغذاءها وتكثر من الماء والفواكه وخاصة التفاح عند الاستيقاظ من النوم كل يوم حبة على الأقل

وتستخدم كريم للنعومة وتهتم في جسمها كلما لاحظت بدء تغيره يعني إذا بدأ الشعر بالظهور _معليش_ تحف وتتزين لأن زوجها يبدو إنسان يحب الاستمتاع بأنوثة زوجته وهذا حق مشروع

أتمنى أكون أفدتك والله يسخره لها ويفرج عنا وعنها يااااااااااارب