طريقة للحمام المغربي ناجحه والنتائج مذهله
طبعاً كل اللي تحتاجينه صابون مغربي سائل ماهوب جاف في الصيدليات والعطارة وفي كل محلات التجميل، ليفة مغربيه تباع لدى نفس المحلات السابقة بس انتبهي للأصلي من التقليد الأصلي غالبا خشنه وقماشها ثقيل انا من كثر ماتعبت ادورها شريتها من خبيرة بمركز تجميل ويفضل ان يكون هذا التدليك بواسطة السونا وليس من الضروري توفرها فبإمكانك تنفيذ ذلك بخطوات بسيطة في منزلك ...
الطريقة:
أفضل طريقة انك تسوينه في الإسبوع مرتين والطرق كثيرة بس باقولكم طريقتي وهي فعلاً نجحت ونتائجهما مذهلة وراح اقولكم طريقتين وحده بالبانيو والطريقة الثانية لو ماعندك بانيو
أولاً: لازم يوم تدخلين الحمام تقفلين كل منافذ الهواء خلصي من غسل شعرك وغطيه وخلاص تفرغي لجسمك
في حال انه عندك بانيو تعبينه مويا حار ولو كان ينقفل تقفلينه عليك وراح يمتليء بخار لين ينزل منك الملح اقصد ترشحين مره يعني عبي ربع البانيو وحاولي تتحملين الحراره شوي ولو مره ماقدرتي عادليه شوي بمويا بارده المهم تجلسين بالبخار هذا لمدة ربع او نص ساعة عشان تنفتح كل المسام وبعدين تغسلين جسمك بالمويا الحار همن تجيبين الصابون المغربي وتدهنين فيه جسمك كله حتى الوجه بس لاتقربينه من عيونك لانه يعور تخلينه شوي وتصبين على نفسك المويا الحار بس مب حار لدرجة اني تحترقين خلك ذهينه وبعدين ترجعين تدهنين جسمك بالصابون المغربي وهالمره تخلينه عشر دقائق وبهالوقت تستغلينه بتفريش اسنانك او تنظيف رجلينك بالحجر بس بشويش ولا تجرحين نفسك وبعد ماتقضي العشر دقائق تصبين على جسمك مويا حاره كثيرة لين خلاص مايبقى أثر للصابون لازم يكون جسمك نظيف من الصابون عشان يوم تليفين بالليفة تطلع البلاليط اقصد الجلد الميت على شكل شعيرية المهم خلاص صبيتي المويا على جسمك بغزارة تجيبين الليفة وتبدين تدلكي جسمك وتفركين بس بطريقة مب عشوائية كالتالي:
اول شيء امسكي الليفة ومثلا لو بديت بيدك تدلكي باتجاه واحد يامن فوق لتحت يامن تحت لفوق انتبهي ترجعين بالاتجاة المعاكس وترجعين على نفس المنطقة بنفس الاتجاة مثل يوم تقشرين بطاصس << ماقدر انسى المطبخ ?
والنصيحة الثانية للدلك انك ماتضغطي على الليفة وتجرحين نفسك بالعكس خلك ريلاكس ضغطه بسيطة وصلى الله وبارك، ادلكي كل مكان لين تشوفين البلاليط اقصد الجلدالميت باللون الأسود يطلع وراح تطلع بلاوي ادلكي كل جسمك بهالطريقة ويوم تشوفين هالبلاوي افرحي لان جسمك بيصير متجدد ونعومة ونظافة وبياض شيء
بالنسبة للي ماعندهم بانيو او مايستخدمونه بإمكانك تحضرين مويا حار وتصبينه على جسمك كخطوة أولى الفرق بينك وبين اللي ببانيو راح تفقدين البخار لكن تقدرين تعوضينها بالسونا حاولي توفرينها ببيتك واستغني عن المشاغل وهالمراكز المشبوهه هي بحدود 500-800 تراها ماتكلف شيء وباقي الخطوات مثل البانيو والنتائج مذهلة إن شاء الله
بعد ماتخلصين ياتستخدمي اللوشن او انك تدهني جسمك بزيت اللوز المر مثل اختكم في الله وراح تشوفين الفرق
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
