يرحب بكم الشيخ معكم الشيخ علي قاتل ميه ومعتق ميه
اعتذر عن التأخير
بس شكلكم يا اهل المنتدى ما عندكم صبر
وبعد الله يهديها دوار الشمس تأخرت شوي
بس عادي يا ملحها و تأخيرها
تبون تعرفون وش صار بالشيخ علي
اووووكيك
.................................................. ......................
حنا وين وصلنا
اه ذكرت
....
ركب الفرس وربطوه ربطة الشر ... اخذ سلاحه وقال : وينهم قال في الجهه الشماليه
قال طيب وراح يوم ابعد وهو يفرك جهه الجنوب
ومشى الا والله ان قطاع الطرق قدامه
ويوم تشوفهم الفرس وتقول بسم الله وعليهم
والشيخ علي يحاول ينزل يمين شمال يحاول يوقف الفرس
ما فيه فايده رايحه لهم رايحه وهو مربوط ربطه شينه
وهو يطالع الا شجره قدامه
ويوم وصل جنبها وهو يتمسك بها مضبوط .. لكن الربطه كانت اقوى
وهو يقتلع غصن كبيييييير
ويوم شافوه قطاع الطرق وبيده الغصن الكبير هذا وطريقته في اقتلاع الغصن
خافوا منه وسلموا واستسلموا قالوا هذا الداهيه عز الله بيذبحنا كلنا
اللي قلع ذاك الغصن وراعي هذا الهجوم الخاطف ما لنا الا نستسلم
يوم شافهم الشيخ علي مستسلمين قال : يالله يا ..... واحد منكم يربط البقيه والا والله لاذبحكم ذبح الشاه
المهم ربطهم كلهم وسحبهم وراح للقبيله وهم قدامه مربوطين زي الغنم
ويوم شافوا القبيله قطاع الطرق مربطين قالوا :عز الله شيخ ولد شيخ
ويفكون الرباط اللي مربوط فيه على الفرس ويهنونه ويكرمونه
ويريح الشيخ علي وهو يقول : في نفسه راحت الفرس ورحت انا فيها
جا اختبار الشجاعه
وقالوا له : فيه اسد دايم ياكل حلالنا ونبغاك تقتله
قال : هااااااه .. اسد .. عدلوا بدلوا
قالوا : اسد
قال : طيب اتركوني عليه بس ابغى فرس ...بس غير الفرس هذي .. ما تنفع له يبغى وحده حبيبه ( ما هي حقت مشاكل )
قالوا : طب وتخير يا شيخ علي
المهم لقي وحده هناك شكلها ضعيفه مالها في المشاكل قال هذي
قالوا : يا شيخ علي هذي تعبانه ما هي حقت كر وفر وانت بتقابل اسد
قال : انتوا تعلموني الكر والفر .. وبعدين من هو اللي بيقابل الاسد انا والا انتوا
قالوا : خلاص يا شيخ علي انت ادرى
المهم اخذ الفرس التعبانه ويوم يبغون يربطونه قال : لا لا لا ( خايف من الورطه القديمه )
كل معركه ولها طريقه
اخذ الفرس الحبيبه هذي وتوكل
قال لهم : من وين الاسد هذا اللي يطلع لكم
قالوا : من الشرق
قال : طيب خلاص ازهلوه
ويوم ابعد وهو يروح غرب مشى وهو يقول : قالوا أسد .. مجنون انا ؟
ومبسوط من الفرس تمشي على اقل من مهلها
مشى الرجال الى ان تعب وهو يشوف ذاك الشجره الكبيره قال : اريح هنا
المهم ربط الفرس وطلع هو فوق الشجره ونام
شويه الا والاسد محضر
الله لا يوريكم الشجره هذي بالذات محل ما يتكي الاسد
أما الفرس من يوم ما شمت ريحة الاسد وهي تحط رجولها وتعود لاهلها
والشيخ علي نايم في سابع نومه
نام الاسد والشيخ علي ينقلب ويطيح على ظهر الاسد
وينفر الاسد
لكن الشيخ علي من كثر الخوف تمسك مضبوط
لانه عارف انه لوطاح انه بيروح فيها
ويحاول الاسد يطيحه يحاول .. لكن الرجال متمسك مسكه خواف يعني متسمر فيه
ويحاول الاسد يطيحه يمين شمال ما فيه فايده الرجال مسمر ولا هو ناوي يفكه
المهم وبينما الصراع ( صراع من اجل البقاء ) قائم بين الشيخ علي والاسد
القبيله هناك بعد ما رجعت الفرس عرفوا ان الشيخ علي تعرض لمكروه
وهم ينفرون كلهم ويلحقونه ويجون الا والله الشيخ علي متمسك بظهر الاسد والا سد يحاول يطيحه
ويجي واحد من القبيله ويقتل الاسد ويطيح الاسد ويموت
والشيخ علي متسمر فيه .. ويجون عنده الا وهو زعلان مررررررررره
قالوا الحمد لله على السلامه يا شيخ علي
قال : الله لا يسلمكم
قالوا : ليش
قال : من اللي قتل الاسد ؟
قام واحد وقال انا .. قال الله لا يوفقك
قالوا لييييش
؟؟؟؟؟؟؟؟؟؟؟؟؟؟؟
قال انا كنت قاعد اروضه ابغاه ركوبه لي وتجي تقتله حسبي الله عليكم
المهماعتذروا منه وتسامحوا منه والرجال يسامحهم وياخذونه ويرجعون على القبيله ويعشونهويحتفلون بهالفارس العظيم مروض الاسود
المهم هو يفكر يقول : راحت علي الفرس لانه عارف انه ما بينجح في اختبار الذكاء
لان ما فيه مجال للحظ في هذا الاختبار
جاء موعد الاختبار النهائي ( اختبار الذكاء )
المهم جابوا تنكه وحطوا نصها عسل
والنص الثاني حطوه بصل
وغطوها وقالوا : يالله يا شيخ علي تقدر تقول لنا التنكه هذيك وش فيها
المهم الرجال قعد يفكر في وضعه لانه عارف انه ما راح يعرف
يفكر كيف الكرم اللي كان فيه والامجاد اللي عاشها اليومين اللي راحت مع هذا القبيله اللي نادوه باغلى اسم عنده
وهو الشيخ علي
فكر فكر وكيف بيكون وضعه بعد ما يروح من عندهم
وهو يتكلم مع نفسه .. وهو يتزفر زفراااااااااااات من قلبه
وبدون ما يحس طلع من لسانه جزء من الشي اللي يفكر فيه
قال : اللي اوله عسل اخره بصــل
كلهم صاحوا : صح صح جبتها يا شيخ علي
وهم يحتفلون به وهو ما يدري وش السالفه الا بعد ما فتحوا التنكه
واخيرا تحقق حلم الشيخ علي واصبح شيخ قبيله
الف الف مبروك يالشيخ علي و عقبال الجميع
ان شاء الله اعجبتكم
تحيتي لكم
آخر 10 مشاركات
تبغى تصير شيخ قبيلة........ الحق عجل علينا...
العرض العادي
