من باقة أشعاري وردة لك000تفضلي

[أم رند]

ليا تضايقت رحت بكل مافيني
للي أبأرتاااااح لاقربت أنا لمّه
أبيه من بين خلق الله يداويني
وأدري دوايا سهل لو يستخف دمه
واليوم رد الفؤاد ومدّة ايديني
وأصبحت من باد حيله من كبر همه
جيته وأنا ميتة والهم كاويني
والحال ******* أبوه وحييييييييل مغتمّة
حالي حطام وعزاي إنه يواسيني
قال: الأسف ماعرفتك!!!!!!!!! - دونما ذمة-
مآلوووووم قلبه ، تناسى إنه يخاويني
وأحرق فؤادي وربي جرّعن سمه
تدرين يمه من أول همته عيني
لاهلّت الدمع كفكفها لي بكمّه
ثم انتشلني من أكوان المحازيني
ثم حط رأسي على صدره وأنا أضمه
شفتي وش أعذب من أحضان المحبيني
لافاح ريح الغلا واستعطروا شمه؟
هذي حياتي قبل لا ينغدر فيني
(حظي ) غدر بي وأنا اللي عالي الهمة
يمه تناسى حروف(ن) في عناويني
وياكيف يذكر فبعدك عهدنا واسمه؟!!!!
يمه فبعدك عثرت بخطوة سنيني
تغطرس أقرب قريب ولو حكى فمّه
وأقفيت أحاول أبانزع من سكاكيني
وألملم شتات طفلة فارقت أمه
وأكفكف الدمعة اللي هزّت يديني
وأقنع لأن القناعة ترفع الأمة
يمه وأبأدفن همومي والذي فيني
صدق أنجرح لكن أبقى بالرضا ((((قمّـــــــــة))))

حنــــــــــــــــــونــــــــــــــــــــكــــ

[دلوعتي]

أبيه من بين خلق الله يداويني

تدرين يمه من أول همته عيني
لاهلّت الدمع كفكفها لي بكمّه
ثم انتشلني من أكوان المحازيني
ثم حط رأسي على صدره وأنا أضمه
شفتي وش أعذب من أحضان المحبيني
لافاح ريح الغلا واستعطروا شمه؟
حنــــــــــــــــــونــــــــــــــــــــكــــ




رووووووووووعه ام رند

بجد فيها دف كثير على الرغم انها تحكي ماساة

لاحرمنا نبض قلمك


واعذريني حذفت الكلمة

[أم رند]

الله يسعدك يادلوعتي


هذا بعضا مما عندكم

بجد هذي تحكي مأساة ربما تكون واقع وربماتكون من وحي الخيال والأكيد أنها نابعة من صميم القلب وأتمنى أن تصل إلى قلوبكم جميعا"

شاااااااااااااااااكرة مرورك وإطرائك

وصدقوني أنا صدري رحب رحب رحب رحب جدا جدا ويسع أي انتقاد


والله يجزاكم خير يارب

[نداوى]

هذي حياتي قبل لا ينغدر فيني
(حظي ) غدر بي وأنا اللي عالي الهمة
يمه تناسى حروف(ن) في عناويني
وياكيف يذكر فبعدك عهدنا واسمه؟!!!!

أم رند

رووووووعه

أحساس صادق رغم الجرح والالم

كلمات تنعش الوجدان

بمعاني عميقه وسلسه الهضم

ما أروع الغيث عندما تأتي المصائب والنخل شامخ

يطوف بين الاحزان بأروع الكلام

أحسنتي يا غاليه

وبارك الله فيك

[الفرقدان]

تسلميييييين يام رند صراحه كلمات روووووعه ووزنك متقن ..

والعبارات صادقه ...


لكن بهالبيت :

والحال ******* أبوه وحييييييييل مغتمّة
حالي حطام وعزاي إنه يواسيني..

أحس ان الشطر مكسور ... ما أدري انتي متعمده تغبين كلمه كذا ولا كذا ؟؟؟ ... لأن القصيده كله موزونه عدا هالبيت ...

واذا انا فاهمه شي غلط قولي لي >>> خلاص

لأني أحس ان مكان هالنجوم كلمه >>> ولا انا غلطانه ..؟؟

على العموم الملاحظه لا تنفي انسجامي مع روعة كلماااتك .. أول قصيده نبطيه أقراه بالمنتدى تكون محكمه الوزن بهالشكل

لا فظّ فوك ...

[أم رند]

الله يخليك يانداوي ألف شكر ع المرور وهذا من ذوقك ياالغلا

[أم رند]

الله يخليك ياالفرقدان ورضاك عن نصي وإطراؤك وسام على صدري أعتز فيه

أما بالنسبة للنجوم كلمة حاذفينها مراقبي النادي

لأنها ماتجوز وهي (ينعن) سب وشتم لم أنتبه له لأن وجداني من يبوح وليس أنا

أسأل الله العفو وأشكر الحاذفة على هذا التنبيه المؤدب

دمت ناقدة ومتذوقة للإبداع يافرقدان النادي

[همس القلوب]

ماشاء الله لا حول ولا قوة الا بالله
بسم الله عليكي
رااااااائعة بل واكثر من ذلك حبيبتي
استمري في ابداعك
وفقك الله وبارك فيك
وبارك في قلمك المبدع
ألف شكر لك غاااااااليتي
تحياتي العطرة

[أم رند]

هلا وغلا نورتي ياكل الذوق

وأنت أروع والله

وإن شاء الله بيكون نصيبك من كلماتي الأرقى والأسمى

شااااااااااااكرة مرورك