قصيده ام رموها اولادها فدار العجزه

[الفراشة الوردية]

تكفين ياطيور حرار افزعي لي **** ابي عن ديار الأهل منك الأخبار
تكفين حومي فوقهم وارجعي لي **** والا أن حصل لك حومة داخل الدار
تكفين حول ابيوتهم دوري لي **** سبعة فروخ يوم اخليهم صغار
شوفي ضناي وعودي وانكفي لي **** وشلونهم ياعلهم صارو كبار
نسيوا دفاي ونومهم في شليلي **** وش علمهم ياعلهم طول الاعمار
قولي لهم ان امكم له عويلي **** خمسة سنين دمعها دوم مدرار
وقولي لهم اني على طول ليلي **** انوح وليا قرب الصبح انهار
وقولي عيونه دايم له هميلي **** تبكي لياشافت من الناس زوار
كل يوم اقول أغدي حديخم يجي لي **** راحت سنين مابهم واحد زار
وأنا ا اللي من سبة سوات الحليلي **** حالي تردت كل ماله وتنهار
وفرقى ضناي اللي تردت بحيلي **** كني على شوفتهم أصلي على نار
ياويلي كان الله عجل رحيلي **** وأنا لي سنين ابي لوهي أخبار
ياعونة الله الله من يبي يتكي لي **** جارت على بأمر الولي كل الأقدار
يارب تجعلنا من الأبرار بوالدينا
أن شاء الله عجبتكم الأبيات

منقول

[meme44]

مشكوره فراشه على القصيده
الله يهدي لها عيالها

[همس القلوب]

مشكورة ياعمري الله يسلمك

[نداوى]

قولي لهم ان امكم له عويلي **** خمسة سنين دمعها دوم مدرار
وقولي لهم اني على طول ليلي **** انوح وليا قرب الصبح انهار
وقولي عيونه دايم له هميلي **** تبكي لياشافت من الناس زوار

الفراشه الورديه
قصيده معبره
وياريت في المستقبل ان
تذكري اسم كاتب القصيده
مشكوره حبيبتي على
المساهمات الجميله
والف شكر

[الفراشة الوردية]

[مشكورين على المرور


ندتوي انا اكثر مواضيعي منقوله



بس ولا يهمك اذا عرفت كاتب القصيداو غيره راح اقولك ماراح اقصر باذن الله

[dannah]

مشكورة على النقل عزيزتي

[أم رند]

ألف شكر ياغالية
قصيدة جدا مؤثرة
فالإنسان حينما يتعرض للخيانة من الغرباء يتألم فكيف به من فلذة الأكباد وأقرب الناس إلى الروح

رحم الله حالها وحنن قلوب أبنائها يارب العالمين

[منال]

مشكوره فراشه على القصيده
الله يهدي لها عيالها

[الفراشة الوردية]

امييييييييييييييييين


مشكورين ع المرور