02-28-2008, 04:54 PM
|
رقم المشاركة : 1 (permalink)
|
تاريخ التسجيل: Jun 2007 الدولة: قطـــ أرض العز والشموخ ـــر
المشاركات: 6,570
| قصايد ناصر الفراعنـة السبيعي روووعه
| قصيدة نآصر في التصفياتـ :
بسمك اللهم منـزل سـورة الأحقـاف والأعــراف منـزلٍ ( قاف كاف ها يا عين صـاد )
عالم سر العباد ومهلك فرعون ذو الأوتاد عاد هل أرم ذات العماد ومن بنـوا صخـرا بـواد
جيت لا حي ولا ني ميت بين اقبلت بيـن اقفيـت احـط البيـت تلـو البيـت واشـد القيـاد
جيت للحفل اعدي شهلول هملول بردي قامت يدي تصفق يدي طبعي لجيت ابغـى القصيـد
جيت من ظلما قبر بالحفل ما جاني خبر لعيون امير من ملوك اهـل الوبـر واهـل المـدر
مازهمني غير بدر الشمري في الخامسة عصًرا وجيت أجري جري بامر العزيـز المقتـدر
جيت خيروجيت شر سر ضر وحلو مر وبين كر وبين فر انفـذ الايعـاز الـى اليميـن در
في مثل لمح البصر جيت العصر في حفل ابن خالد حفيـد القائـد الوالـد ولا نعـم الحفيـد
فيصل فيصل سمي السيف راع الكيف ريف الضيف برد صيف هيـف هيـف ليـس زيـف
من هل المجد الأبي العود منهم والصبـي مرملـة سـود العبـي نزالـة القفـر المخيـف
فوق قين وفوق خف وكل كف فوق كف الصف تلو الصف لين اشتف مـن شـف شفيـف
يوم تصرخ نارها هل من مزيد مسلسلينـه بالحديـد احمـر وريـد وكـل شيطـان مريـد
في سباق اليوم شفت الخيل خضب ليل راس وذيل قوم وقوم مـا بيـن النيـازك والنجـوم
يارمك زوغة سمك لا شفتها تفتح فمك غوج عطا راسه تقول يدين سابح منديال جا بيعوم
كن تتابع حمرها مع شقرهـا جيـش مـن الرومـان قابـل مـن غـزاة التـرك قـوم
وشفت منها اشقر تقل مشروب خولاني اشقر صخرة في راس عنقر بـل وذو عـزم شديـد
ضوح سيالته فوقه مثل نار الموبذان او دير راهـب ولعـوا بـه شمعـدان ويـش اقـول
والله يا لولا الرسن فوقه يحوفه يانهار أرخى كتوفه ما تشوفه من عيونـك عيـن طـول
ما تقول الا شعاع الشمس في وقت الاصيل او سندس في جوف ليل مرصع جوهـر ولـول
اسمه المرسول كنه بموية التبر مغسول آليا صهل كنـه يقول : انـا هنـا الغـوج الوحيـد
يقفي قفاية جبان ويقبل قبالة شجاع وكن ساقـه فـي سياقـه مـن مساقـه صولجـان
لا عقاب ولا حمامة لا قطاة ولا نعامة مثل أبو زيـد سلامـة لا إنتهـض وسـط المكـان
لا تنشر ما تقول إلا رسول جا يبشر كن سرجـه فـوق مرجـه حـول درجـه طيلسـان
جرتـه يـوم اتتبـع لا مثلـث لا مربـع كالخديـوي متربـع فوقـه الجوكـي مهـيـد
لا تعصب ثم تنصب ما تقول إلا مقصب تاج كسرى ما تغصب عرض طول وطـول عـرض
فزته فزة قريص مونس بالساق لسعة في سباق النخبة التسعـة يـرى إن الفـوز فـرض
كن تفتاله تفتـل روس رهبـان تبتـل ركزتـه حافـر وحافـر زلزلـت فـي كـل ارض
تقل لا طوف حصان يقول له : هاه ؟ اقتنعت ؟ أوكيه ثاني مـرة إعـرف قيمتـك علـم وكيـد
الله اكبر والله اكبر تصغر القالـة وتكبـر يكسـر العايـب ويجبـر يـا بـدر علـم بـدر
الله اكبر والله اكبر يقبل العايـل ويدبـر يبتلـى المسلـم ويصبـر كـل فـوق لـه حـدر
شاعر ضابط مظلي مهندس ملـي بملـي اعبـد المولـى واصلـي ولا طلبـت الجـن در
جت بي أمي في رماده وأرضعتني في حماده يانميـر بن عبـاده جـدي الشاعـر لبيـد
من وأنا حي نسوني وفـي عباتـي كفنونـي هـل اذا مـت اذكرونـي لا ورب العاديـات
لا ورب العاديات الضبـح رب النازعـات الغـرق رب الناشطـات النشـط رب السابقـات
والله لو عندي فراغ إن قد رسمت الشعر صاغ وجبت ما لا جابه وأهل العصور الماضيـات
مير اشغلني الزمان وضرب أنس عند جان وعشرة راحـت ثمـان وصـرف عبـاد عبيـد
شاعر من خلقته ما قد شحذ بالشعر قرش ولا طلب في الارض عرش يموت قبل يقول أبي
من خلق ما شال هم إلأ ثنين ابا وأم الموت عنهـم بعـد كم ورضاهـم أقصـى مطلبـي
ولا هالدنيـا متـاع فرحتيـن ثـم ودآع القبـر بـاع فـي ذراع ولا جهلـه إلا غـبـي !!!
نفخ صـور ثم نشـور من قـبور ثم سعادة أو دبـور المسعـد أللـي ذآلك اليـومَ سعيـد
قصيدته في المسآبقهـ :
ناقـتـي ياناقـتـي لاربــاع ولاسـديـس
وصليني لابتي مـن وراء هـاك الطعـوس
حائلاً رابع سنه مـن خيـار العيـس عيـس
خفهـا لادرهمـت كنـه بالنـار محسـوس
في دجى خالي خـلا لاحسيـس ولانسيـس
تنوخذ من شـدة البـرد طقطقـة الظـروس
في عيوني يكفـخ الطيـر ويطيـح الفريـس
وانتهض جساس من دون خالتـه البسـوس
وفي خفوقي فرخ جنيتاً يضـرس ضريـس
يوم اوردهـا هجـوس واصدرهـا هجـوس
ديرتي دار ابن ضاري وابن غثلـم جريـس
ديرة اللي دوجوا فـي فيافـي نجـد جـوس
ديرتـي يابنـت شيخـاً ومعدنهـا نفـيـس
عيطموسـاً دونهـا دثرتـنـي عيطـمـوس
جادلاً مطرق جسدها مـع الغربـي يميـس
طينتاً مـن تربـة الخلـد والـدم محمـوس
نقشت خمساً من الخمس في يـوم الخميـس
ليـت شعـري مـا ارادت بهـذا دختنـوس
كـم تمنـا إن معـه مثلهـا فتنـه بلـيـس
كان يمكن قد قلـب نصـف إمتنـا مجـوس
كن دماث الصـدر منهـا كنيسـه او كنيـس
صومعـة رهبـان ديـراً يـؤدون الطقـوس
آتقـوس مـع تقـوس نواهدهـا وإقـيـس
قبتين قـاب قوسيـن قوسـاً جنـب قـوس
خصرها يحكي لنـا واقـع القـوم التعيـس
وردفها عن غطرسة بـوش يعطينـا دروس
وبالرغم مـن قصرهـا مايجالسهـا جليـس
تصبح أطول نسوة الارض في وضع الجلوس
العروسه ماتبي غيـر ابـو تركـي عريـس
العروسه نجـد ماهيـب حـي الله عـروس
نجد بنـت المجـد ونسـة مونسـة الونيـس
ماعسفها الا معزي ضحـى اليـوم العبـوس
كل اهل نجد هلي من إجاء حتـى الخميـس
في ذراهم بالتجي عـن مجففـة الرسـوس
وعيشتي مابين أسـوداً ولـو مانـي رئيـس
(خير من كوني رئيساً على شلقـة تيـوس)
وليس عيباً إن خدعنـي بمكـره كـل هيـس
لان مايفهـم بمكـر الهيـوس الا الهيـوس
مصطفى فـي مأدبـة عمـه البابـا لويـس
كبر اللقمه تحـت ضـؤ حمـراء الكـؤوس
وطسم حدتها على حائـط المبكـى جديـس
يـوم شقـت ثوبهـا بنـت عفـار شمـوس
سيدة هـاك القصـر أسمهـا الاول لميـس
دونها سمـر الحناجـر بترهـا حـد مـوس
قسقسـة لاحرارهم.قيس.قيس.قيس.قـيـس
والبستهـم مـن مهانتهـم انـواع اللـبـوس
بين خدعة كعـب اخيـلاً ومولـد ادونيـس
درسونـا الالهـه والمـدرس هـنـا روس
ويش لاقوا من قناة السويس اهـل السويـس
وويش لاقوا من تلمسان قوماً مـن سنـوس
كلهم من شـدة الجـوع راحـوا خندريـس
بين غيبوبة مخدر وصحـوة عـرق سـوس
ثـورة راحـوا سببهـا بتـوع الاتوبـيـس
وش نبي فيهـا وهـي ماتهـز الا الغـروس
آفة المرء اثنتان الـف كـاس وحـب كيـس
والنفوس اليا بغيـت اتعرفهـا ارم الفلـوس
ينكشف زيف الشعارات الى حمي الوطيـس
ترجع الاذناب إذناب وتبقـى الـروس روس
صدق لاقال العرب مايحوص الا الخسيـس
ولايوط الروس شئياً مثـل ضعـف النفـوس | |
|
|  |
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
