مواقفي في استراليا الجزء الثالث والأخير (متجدد)

[ام عزوزي]

المشاركة الأصلية كتبت بواسطة مذهلة اليمن

ام عزوزي اولا حمدالله على سلامتك يالغاليه
ثانيا اشتقنا لمواقفك الي صرنا مانستغني عنها
ثالثا موقفك بالمطار لومنك انفجرت فيها
هم اساسا من يشوفون العرب والمتحجبات يبدون الغلاسه وياهم
بس ماعليك منهم انتي بس كشري في وجهم
اما دخلت الجال ذي سالفه
اشوى ماقمتي عليه بشي يورطونك فيه
الله يبعد عنكم الشر يارب
ويحفظكم بانتظار باقي المواقف الروعه

اهليييييين مذمذ
وحشتيني يالغاليه

الله يسلمك ويخليك
تشتاق لك العافيه ياقلبي
الانفجار صاير داخلي
اي والله صادقه

امين

مشكوره يالغاليه على مرورك شرفتيني ونورتيني

 

 

[ام عزوزي]

السلام عليكم ورحمة الله وبركاته


اعتذروني على التأخير غالياتي

قبل مااجي لاستراليا جاني خبر ان المعهد رجع الكلاس النسائي وراح يبدأ بعد وصولي مباشره
بعد ما سجلت رجعت سالفة عمر عزوزي
المره اللي قبل قالوا لي باقي شهرين ويكمل سنتين ما نقبل اقل من ثلاث سنوات
وهالسنه قالوا باقي شهر ويكمل ثلاث سنوات ما نقبل
وكلها طبعا بس عذر
وسبحان الله خيره من رب العالمين
لاني سمعت انهم معاملتهم سيئه جدا للاطفال

المسؤول السعودي جزاها الله خيرا اتفق ويا حضانة ثانيه وبنفس السعر
صحيح تبعد شويه عن المعهد يمكن خمس دقائق لكنها مره كويسه في مدينه اسمها ((بلمبي))
وهي خاصه بالاستراليين
وهذا افضل طبعا لانها بتكون فيها عناية افضل
مو مثل المعهد فيها جميع الجنسيات والامهات مضطرين يدخلون عيالهم فيها ومررررره مليانه

رحنا بنسجل عزوزي فيها وقلنا للتاكسي <<<لان سيارتنا خربانه
ودنا لحضانه في بلمبي
ودخلنا وألقينا نظره تفتح النفس حضانتهم
وسألناهم كيف برنامجهم وكل شئ
ونقولهم احنا من ضمن السعوديين اللي بيدخلوا اولادهم للحضانتكم
والحرمه تقول ماادري ماعندي خبر المديره تداوم يوم الجمعه قابلها
وانا اتشوف في هالبزارين ادور ولد والا بنت ملامحهم سعوديه
لكنهم كلهم شقر وواحد بس نحيييف مسكين قلت اكيد هذا سعودي <<<طلع مو سعودي يمكن هندي
ووعدناهم بنجي يوم الجمعة نقابل المديرة

طبعا نظام الحضانات عندهم
اللي عمر سنتين وثلاث سنوات قسم وفيه العاب ونشاطات تناسب سنهم
وسن اربع وخمس سنوات قسم وفيه برضوا نشاطات خاصه فيهم
وكلهم طبعا بنفس الحضانه وبعض الحضانات لما تطلعهم بحديقة الحضانه كلهم سوا يلعبون

وبعد مارجعنا مبسوطين من هالحضانه للبيت
جانا اتصال من حضانه ثانيه بنفس المنطقه وقالوا لنا وينكم ؟؟
قلنا جيناكم اليوم وقالوا لنا المديره بتجي يوم الجمعه
قالت : انا مديرة الحضانه ومستحيل ابدا ماطلعت وكل يوم اداوم ومافيه احد جانا اليوم جديد
صرنا مخربطين بالحضانه ورحنا حضانه ثانيه هههههههههههههههههه

قلنا اسفين شكلنا خربطنا واخذنا العنوان مضبوط وقلنا بنجي بكره لان دوامهم خلص

رحنا لهم من بكره واستقبلونا وعارفين السالفه كلها
هذوليك تحسين بروسهم علامات استفهام خخخخخخ
وفيه بنيه سعوديه تبكي وشايلتها مديرتهم

واتفقنا معهم ووقعنا وكل شئ

نظامهم اليومي
اول مايجون الاطفال تقريبا تسعه صباحا يطلعونهم برا يلعبون في حديقه الحضانه
وحديقتهم هذي تطل على الشارع وحجمها وسط وفيها زحليقه وطاوله مظلله وفيها لعبه مثل البزل
وعلى جنب فيه ملعب رمل واغراضه
وفيها سياكل والعاب اطفال
وعلى الساعه عشره عشره ونص يقطعون لهم فواكه <<<وكل طفل كل يوم يجيب معه نوع واحد من الفواكه
وينادونهم ياكلون طبعا اللي يبي اللي مايبي براحته
وكل فتره يعطونهم مويه علشان مع اللعب يعطشون
وفيه وحده تصورهم كل يوم

وعلى الساعه 11 يدخلونهم جوا
هي مثل صاله مقسمه بطاولات قصيره
قسم فيها مكعبات وبزل وفيها طاولة صغيره عليها كمبيوتر فيه العاب
وقسم فيه طاولات طويله ومعها كراسي علشان وجبة اكلهم
وقسم فيه طاوله دائريه حولينها كراسي فيها الصلصال واخرها فيه لوحة الرسم المائيه
وفبها برضوا قسم صغير للبنات فيه سرر صغيره فيها عرايس وخرابيط
وقسم برضوا للجلسه علشان يقصون عليهم القصه

اللي يلعب بالصلصال واللي يلون بالالوان
او الالوان المائية ولها لبس بلاستيكي عشان ماتتوصخ ملابسهم
او يقرون قصص صغيره او يلعبون بالمكعبات على راحتهم
وبعدها يجمعونهم ويعطون كل واحد دف بدناديش وبعضهم قرقشه <<< شئ بيضاوي مفرغ من جوا وفيه اشياء تقرقش وموصل بعصا صغيره للمسكه
ويشغلون اغنيه ويدورون ورى وحده ويطبلون <<<مره ينبسطون واشكالهم حلوه
وبعدها يجلسونهم في الجلسه ويشغلون اغنيه ثانيه بحركات
ووحده ثانيه تغني معهم وتسوي الحركات اللي بالاغنيه
وبعدها تجيب لوحه خشيبه وتجيب قصه وتقصها عليهم

وبعدها يجلسون على طاولة الاكل وياكلون اكلهم اللي جايبينه معاهم
وبعدها يوزعون في هذي الصاله مثل السرر الصغيره
وهي بلاستيك على الاطراف ومرتفعه شويه عن الارض وفي الوسط مثل الشبكه البلاستيكيه لينه
ويفرشون عليها مفرش ويشغلون لهم موسيقى هادئه وينومون الاطفال
الافضل طبعا تجيب كل ام لولدها مفرش خاص مع مخده صغيره

وبعد مايصحون من النوم تقريبا ينامون ساعه ساعه نص على حسب الطفل واحيانا يجون اهله ماقام
يطلعونهم برا يلعبون لما يجيون اهاليهم
وبعض الاطفال ماينامون يخلونهم يلعبون جوا بالمكعبات

تسكر الحضانه الساعه ثلاثه ونص
وفيها وحده لبنانيه مسلمه مسؤوله تقريبا عن عيال السعوديين
انا قلبي مطمن بوجودها
على ان العاملات مره كويسين واغلبهم كبارفي الاربعينات
لكن هذي يكفي تفهم لغتهم وفوق كذا مسلمه

المره الجايه ان شاء الله باحكي لكم عن المعهد بالتفصيل

 

 

[نبض قلبي]

موقف رائع أم عزوزي ربي يخل عزوز لك.

الله يعينكم على الغربه .. وبغيت أسألك عن الحجاب كيف تلبسينه كامل ..وإلا فيه مضايقات

 

 

[حمرة الورد]

ام عزوزي

الحمدلله ولقيتي في الحضانه وحدة عربية ومسلمة .

الله يحفظ لك عزوزي .

بإنتظار بقية مواقفك

 

 

[ست الحبايب سوما]

ماشاء الله حضانة واو ودي ارجع زغينونه ويكون في عندنا في السعوديه حضانة زيها هههههههه

ام عزوزي الاطفال يناموا لوحدهم ولا يعطوهم منوم هههههه لا اخوفك لان الاطفال الله يحفظهم ينومونا قبل لايناموا بس يمكن هناك لكم جدول خاص بالنوم

اهم شئ اللبنانيه المسلمه بس اتأكدي انها مسلمه سنيه ولا شيعيه هههههه اخوفك هئ هئ لا تعلمهم بدع الشيعييين يعني كمان شوفي صلاتها كيف حاولي تلاحظيها بدون سوألها حاولي تكوني في وقت الصلاة في الحضانة المهم انها مسلمه صح ولا لا ان شاء الله ناخذ الخير وربي يبعدنا عن الشر

ام عزوزي الله يخليك لازم تحصني عزوزي قبل النوم في الليل بوضع يدك اليمنى على راسه مثل ما وصانا نبينا محمد صلى الله عليه وسلم وتحصنيه بدعاء التحصين بسم الله اعوذك بكلمات الله التامات من شر ما خلق ومن كل شيطان وهامه ومن كل عين لامه وحاولي تقرئي اية الكرسي في الاذكار يحفظك ربي

تحياتي لك يالغلا ربي يحفظك ويحفظ عزوزي وعائلتك الكريمة اينما تكونوا

 

 

[ام عزوزي]

موقف رائع أم عزوزي ربي يخل عزوز لك.

الله يعينكم على الغربه .. وبغيت أسألك عن الحجاب كيف تلبسينه كامل ..وإلا فيه مضايقات

ياهلا فيك نبوضه

امين الله يخليك

البس عبايه ملونه اما عودي او رصاصي او اي لون
وحجابي ملون
مثل الشالات الخفيفه واتلثم فيه واحيانا احط لثام منفصل

لاالحمد لله مافيه مضايقات تذكر

مشكوره يالغلا مرورك ...منوره

****************

ام عزوزي

الحمدلله ولقيتي في الحضانه وحدة عربية ومسلمة .

الله يحفظ لك عزوزي .

بإنتظار بقية مواقفك

ياهلا فيك حموره

اي والله الحمد لله

الله يسلمك ويرزقك باحلى منه

مشكوره يالغلا على مرورك ...منوره


***********************

ماشاء الله حضانة واو ودي ارجع زغينونه ويكون في عندنا في السعوديه حضانة زيها هههههههه

ام عزوزي الاطفال يناموا لوحدهم ولا يعطوهم منوم هههههه لا اخوفك لان الاطفال الله يحفظهم ينومونا قبل لايناموا بس يمكن هناك لكم جدول خاص بالنوم

اهم شئ اللبنانيه المسلمه بس اتأكدي انها مسلمه سنيه ولا شيعيه هههههه اخوفك هئ هئ لا تعلمهم بدع الشيعييين يعني كمان شوفي صلاتها كيف حاولي تلاحظيها بدون سوألها حاولي تكوني في وقت الصلاة في الحضانة المهم انها مسلمه صح ولا لا ان شاء الله ناخذ الخير وربي يبعدنا عن الشر

ام عزوزي الله يخليك لازم تحصني عزوزي قبل النوم في الليل بوضع يدك اليمنى على راسه مثل ما وصانا نبينا محمد صلى الله عليه وسلم وتحصنيه بدعاء التحصين بسم الله اعوذك بكلمات الله التامات من شر ما خلق ومن كل شيطان وهامه ومن كل عين لامه وحاولي تقرئي اية الكرسي في الاذكار يحفظك ربي

تحياتي لك يالغلا ربي يحفظك ويحفظ عزوزي وعائلتك الكريمة اينما تكونوا

ياهلا فيك سوما

ماشاء الله حضانة واو ودي ارجع زغينونه ويكون في عندنا في السعوديه حضانة زيها هههههههه

هههههههههههههه وانا معك

ام عزوزي الاطفال يناموا لوحدهم ولا يعطوهم منوم هههههه لا اخوفك لان الاطفال الله يحفظهم ينومونا قبل لايناموا بس يمكن هناك لكم جدول خاص بالنوم

خخخخخخخخخ لايالغاليه لانهم يقومون من بدري وهم صغار ومع اللعب يدوخون وينامون
لكن القسم الثاني اللي اربع وخمس سنوات مالهم وقت للنوم لانهم كبار وعادي مايجيهم النوم

اهم شئ اللبنانيه المسلمه بس اتأكدي انها مسلمه سنيه ولا شيعيه هههههه اخوفك هئ هئ لا تعلمهم بدع الشيعييين يعني كمان شوفي صلاتها كيف حاولي تلاحظيها بدون سوألها حاولي تكوني في وقت الصلاة في الحضانة المهم انها مسلمه صح ولا لا ان شاء الله ناخذ الخير وربي يبعدنا عن الشر

ههههههههههههه لاان شاء الله انها سنيه
لان اللبنانيين المهاجرين غالبا سنيين ويبين من الحجاب وطريقة لبسه
والصلاة ماادري عنها لان لهم غرف خاصه على مااعتقد
وعموما الحضانه فيها ناس كثيره فصعب احد يتوحد بالطفل وحتى الحمام نسيت اذكره لكم الله يكرمكم له شبابيك مفتوحه حتى يراقبون الاطفال فيه
وفي الوسط بين الصاله والحديقه مو منعزل لحاله

ام عزوزي الله يخليك لازم تحصني عزوزي قبل النوم في الليل بوضع يدك اليمنى على راسه مثل ما وصانا نبينا محمد صلى الله عليه وسلم وتحصنيه بدعاء التحصين بسم الله اعوذك بكلمات الله التامات من شر ما خلق ومن كل شيطان وهامه ومن كل عين لامه وحاولي تقرئي اية الكرسي في الاذكار يحفظك ربي

تحياتي لك يالغلا ربي يحفظك ويحفظ عزوزي وعائلتك الكريمة اينما تكونوا

الحمد لله انا بعد صلاة الفجر والمغرب اقرأ الاذكار واجمعه معي
والفجر اقرأ عليه المعوذات
بس مااحط يدي عليه مثل ماذكرتي ان شاء الله راح اعمل فيها
جزاك الله خيرا يالغاليه

الله يخليك ويحفظك

مشكوره يالغلا على مرورك .... منوره

 

 

[بشرى]

ام عزوزي

الحمد لله انو لقيتي حضانة مسلمة

والله يعينك على الغربة

ويردك سالمة

ننتظر جديدك غاليتي