طلبتك ... يمه هاتيلي ... عروسه مالها ... ( رجلين !!

دلوعتي · 03-06-2008, 06:15 PM

يجينا الفرج بكرا يا بنتي بس .. لا تبكين
انا مااستحمل .. دموعك وهمساتك تبكيني

نشف دمعي على خدي يا بنتي من .. ثلاث اسنين
وصارت كل آلامي تعيش .. وتلتحم فيني

يا بنتي .. احبسي دمعك دخيلك اكتميه الحين
حرام الدمعة في عينك تعانق ماضي .. سنيني

تعالي واحظني فرحي وقولي للفرح .. اهلين
وخلي حزنك بقلبي دخيلك .. يابعـد عيني

اشوف الدنيا بعيونك واشوف الفرحة بك يا زين
وانا مالي سواك إنتِ وإنتِ شمعة تضويني

علام الهم في قلبك يابنتي ليه .. ماتحكين
ابيك تكسري همك وانا امك قولي حاكيني

يايمـه [حالتي صعبة ]انا.. والفقر صرنا اخوين
اعيش بظلمة همومي والاقي الهم .. يكويني

معاقة يمه من صغري معاقة تشتكي حق مين
مدام ان البشر تنظر لحالي بعطف يعميني

اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي .. شوفهم زيني

فقيرة حظ يا يمـه وحالي تعمي العينين
من اللي يعشق ويهوى معاقة حظها .. شيني

سألتيني .. وش اتمنى يايمه منيتي شيين
يكون الفرح اولهم بعدها .. تعيش رجليني

انا ودي ومنا عيني يكون لجسمي .. بس رجلين
تساعدني على برك وبرك غايتي وديني

يا ليت الناس ترحمني وترحم .. حالة المسكين
ولا تجلس تناظرلي بنظره تجرح سنيني

تلاقين الفرح .. مظلم ونور الحزن وسط العين
وألاقي الهم والحسرة .. وسمها الوقت بجبيني

معاقة يمه قوليلي علامك .. ساكتة تبكين
كلامي ازعجك ادري وادري الدمع يشكيني

دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!

طلبتك يمه هاتيلي عروسة مالها رجلين
وابيها تكون في كرسي ( معاقة ) مثلي ترثيني؟؟
:

:

[/font][/size]

لانها تحكي واقع نقلتها

حنان الكون · 03-06-2008, 07:39 PM

::

دلوعتي

بكيتني

وذكرتني بوحده

وهذه الفئة غالية على قلوبنا وكثيرين منهم تغلبوا عليها بالاصرار

وتفوقوا على كثير من الاصحاء بس ندعولهم ان يجعل القناعة والتفاؤل والعيش

والتعايش مع بقية المجتمع دون التفكير بأعاقتهم التي قد تكون هي مصدر قوة لهم.

وعلى المجتمع كذلك أن لاينظر اليهم نظرة الشفقة والعطف بل نظرة حب وحث على

حب الحياة ومعاملتهم كذلك معاملة الاصحاء .

مشكورة أختاه على موضوعكـ الرائع

::

rania123 · 03-06-2008, 07:54 PM

دلوعتي رووووووووووعه

حزينة كتير ومؤثرة

تسلم ايدك

الفرقدان · 03-07-2008, 02:46 AM

مشكوره دودو قصيدة توجع القلب

أم رند · 03-07-2008, 03:38 AM

يااللــــــــــــــــــــــــــــــه
قصيدة جدا مؤثرة وتقطع القلب

الله يرحم حال كل شخص من هذه الفئة

يارب ترحمهم وترحمنا وتشفيهم ولاتبلانا ياكريم

يارب تحقق لهم كل أمانيهم
وتمنح كاتبة النص رجلين تحقق فيهم كل أمانيها
ماغيرك أحد نلجأله

حرام عليك يادلوعتي والله إني موقادرة أكف دموعي أحس حيييييييييييييييييييييييييل تأثرت فيها

نداوى · 03-08-2008, 01:45 PM

اقتباس:

يايمـه [حالتي صعبة ]انا.. والفقر صرنا اخوين
اعيش بظلمة همومي والاقي الهم .. يكويني

معاقة يمه من صغري معاقة تشتكي حق مين
مدام ان البشر تنظر لحالي بعطف يعميني

اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي .. شوفهم زيني

فقيرة حظ يا يمـه وحالي تعمي العينين
من اللي يعشق ويهوى معاقة حظها .. شيني

دلوعتي
قصيده رائعه
بجد تطربني سعاده رغم الالم الذي فيها
لانها معبره بأحساس صادق وجميل
أنظر لها من المنظار الادبي ليس من الناحيه الانسانيه
روووووووووووووووووعه
يعطيك العافيه