اغيثوني( معاملة أخي )تم تعديل العنوان

[اميمة]

السلام عليكم ورحمة الله
اخي عمره 19سنة شاب اناني ومغرور ومتسلط ترك هالسنة دراسته مع ان امي موفرة له كل مايحتاج واكثر كمان .اللي اكرهه فيه انه اذا شافني مع صاحباتي يجي قدام الكل ويقول اميمة البيت ايش قاعدة تعملي مع هذول ويحرجني مع البنات انا صرت اكره وضعي وماعدت اتحمل يهينني ارجوكم اغيتوني بحل
اختكم اميمة

[حمرة الورد]

هلا فيك أختي منورة النادي

ومشكلتك مع اسلوب اخوك هو أنا اشوف انو اخوك يمر في فترة مراهقة صح

يشوف نفسه رجال البيت اللي تمشي كلمته . ومايحب احد يعصيه بشي

ويحب انكم تستشيروه في كل شي . حتى لو كان معصب ورفع صوته . بس صدقيني هذي الفتره راح تعدي .

أولاً اختي عليكِ بالصبر ولاتحاولي تعانديه لأنك لو عاندتيه أو جادلتيه بيزيد في اسلوبه

خليكِ طبيعية جداً وحاولي كمان استشارته في امورك .

وحاولي تبحثي ايش اللي يخليه يترك الدراسه .

وإذا مافاد شي في انوا يرجع لها حاولي انك تمدحي مثلاً اي احد من اهلكم يدرس وممتاز

يكون في نفس عمره أو اصغر ..

لأنه أخوك في هذا السن قابل للتغيير .

وتذكري ان الله لايغير مابقوم حتى يغيروا مابأنفسهم .

يعني حاولي تغيري من اسلوبك معاه وخليكِ الاخت الناصحه له

حتى لو عاندك في البداية راح يرجع أخوك بإذن الله أحسن من أول ..

الله يوفقك ويعينك ويهدي لكم أخوك



أختك حمرة الورد