ام رند يعطيج العافيه
اسمحيلي بهالراي
اللي فهمته انك حاولتي مع الام وقريبتك يتيمه ومتعلقه بصديقتها
الام رافضه استمرار علاقة البنات ..ودام البنت الثانيه ما صدر منها موقف يتراوالي انها تقبلت رفض والدتها واكتفت بالمعقول
ونا برأي تخلي قريبتك ترضى بواقع مفروض وتذكر قول الله تعالى(( وعسى ان تكرهوا شيئا وهو خير ))
يمكن تكون فرصه لقريبتك انها تحاول بناء علاقات جديده و تركز على اهتماماتها قراءات او نشاطات اخرى تنمي قدراتها
مع الوقت بتتعود منهج حياتها اليومي .. من ناحيتي افضل في هالسن ان ما يكون التركيز على صديقه وحده
مو معقول ان ما في بنات غير هالبنت ومثل ما ينقال لو خليت لخربت
قريبتك حساسه حاولي تقربيها لك اكثر واكثر اشغليها بموضوع بعمل شجعيها للخوض في مجالات كثيره
متنوعه
واكيد بتحصليها اهتمت بنشاط معين وبتنشغل فيه وتنسى مع الوقت ان شاء الله
اما الاصرار على هذه الصديقه فقط ما اشجع هالفكره لانك يام رند حاولتي مع الام
وهي مب راضيه وبراي انك لو حاولتي مره ثانيه بتتمسك الام برأيها اكثر وبتضيع فرصه ان الام تتراجع عن
قرارها
يام رند .. اللي ما نقدر نحله الحين الايام كفيله بحله مع مرور الوقت ان شاء الله تهدا النفوس وربنا يهدي الام وتحن على هاليتيمه
ادري ان هالراي صعب .. بحكم العلاقه بين الصديقات .. لكنها خطوه عمليه لتدريب النفس على تحمل الصعاب
اسأل الله ان يفرج هم قريبتك ويهديها لكل خير
والسموحه
تقبلي مروي
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
