السلام عليكم اخواتي ابغي اخذ رايكم في حاجه باعملها وانا اعرف انه غلط وحرام مشكلتي اني نزلت السوق مع اختي واول مادخلنا السوق في واحد يلحقنا كل مادخلنا محل وقف جنب باب المحل لين نطلع منه ويلحقنا مره ثانيه المهم اختي شرت لها خلاط كبير و طبعا انا شلت الكيسه كالعاده وبعد ماخلصنا من السوق وهذا الرجال يراقبنا وقفنا ننتظر اخوي يجي لنا مر هذا الرجل وبكل ثقه حط رقمه في الكيسه وقال هذا الرقم وانا انتظر مكالمه قلت مالت عليك قالت لي اختي بس نروح البيت ارمي الرقم لايشوفه اخوي لايقتلك .... المشكله كل ماجيت ارمي الرقم كأن احد يقول ليه لا ترمينه ودقي انا محتاره وخايفه والله العظيم اني ما ابالغ في كلامي ولو يدرون اخواني كان حرموني من الطلعه من البيت وانا محتفضه بالرقم وبعد ماراحت اختي بيتها اتصلت علي و سألتني اذا رميت الرقم ولا لا وقلت لها اني رميته وانا اكذب عليها ..الهم والوحده الي اعيشها تخليني افكر ادق عليه بس اخاف يسجل صوتي او يحسون فيني اخواني لاني البنت الوحيده في البيت بعد ما تزوجوا خواتي وطبعا الكلمه الاولى و الأخيره للاولاد وانا كل شئ ممنوع لي عل هذا الحال اسبوع وانا افكر ادق اليوم فكرت ارسل له رساله بس خفت في يوم من الايام كنت جالسه في الصاله ودق جوال وما رديت ودق مره ثانيه وكان اخوي جالس وقال ليه ليش مارديتي قلت له رقم ما اعرفه و اخذ اخوي الجوال ورد عليه وهزأه وقال له اذا فيك خير دق مره ثانيه وفتش في جوالي وقرا كل الرسايل وتاكد من كل الارقام الموجوده انها ارقام بنات وش اسوي انصحوني مالي احد اشكيله حالي لاني قلت مشكلتي لاعز صديقه عندي وقالت عادي دقي عليه علشان تقضين وقت الفراغ معه قلت لها اشرايك تأخذين الرقم و ادقين عليه انتي قالت ليه عندي صديق من زمان وانا اكلمه ومرتاحه معها ومستحيل اكلم غيره عاتبتها لانها ما قال ليه و بررت موقفها بأنها لو قالت ليه ماراح ارضى و ما راح اكلمهاوانا والله انصدمت فيها ومن يوم ما قالت ليه السالفه وانا مقاطعتها وما ارد على اتصالها وترسل ليه رساله وتقول ليه فيها لا تضيعن الفرصه عليكي دقي عليه والله ماراح تندمين وذا كنتي خايفه اخوانك يدرون سوي مثلي طول اليوم رسايل بيني وبينه ولا اكلمه الااخر الليل اذا ناموا اهلي ولي فتره طويله على هذا الحال ولا احد من اهلي حس فيني وتقول اتفقي معه انه مايرسل لكي رسايل بس يكلمك اخر الليل اذا اهلك ناموا وانا اقرأ رسايلها وعلى طول امسحها لانا اخوي احيانا ياخذ جوالي واخاف يقرأ الرسايل مب مسأله انه يشك فيني بس طبعه كذا كل ما شاف جوالي موجود في الصاله خذه وشاف الي فيه والله العضيم وانا اكتب لكم المشكله ارسلت ليه رساله تطمن اذا كلمته ولا لا وتقول وناسه وتسليه جربي ما راح تخسرين شئ والله اني ندمانه انه كانت صديقتي ايام الدراسه في الكليه......آسفه على الاطاله بس ما عندى احد غيركم اشكي ليه ارجوكم انصحوني اخاف اتأثر برسايل الي ترسلها وتخليني اكلمه وانا اعرف انه حرام وقلت لها قالت عادي تسليه وانا ما اطلع معه علشان يصير بيني وبينه الحرام مجرد كلام مافيه حرام والله اني خايفه
نور النادي بالعضوة الجديدة
