أبدعتي في عرض الأفكار ::::شوفوا أفكارنا اللي سويناها للطفل عن النظافة ( عالم القطن )
موضوع مميز
بهالموضوع جبت تفاصيل نشاطنا اللي سوينا في المدرسة وكان عن الطفل عموماً والهدف من الموضوع عشان اللي تبي أفكار عن هالمواضيع تلقاهن ولا تقعد تدور وتتعب مثلي ... إليكن التفاصيل :
حنـّـا عندنا معلمة مبدعه بكل ما تعنية هاذي الكلمة من معنى .. وكانت ماسكة مجال سمّته ( بانوراما ) هذا المجال ماله موضوع محدد ولا له طالبات مخصصات يعني متجدد
بكل اسبوع يتم اختيار موضوع جديد يتم الابداع فيه .. وكذلك طالبات جديدات غير اللي كانوا ماسكين الاسبوع اللي قبله
بالاسبوع اللي طاف اختارت استاذتنا الفاضلة مجموعة طالبات وكنّا احنا من ضمنهم .. وكانت فكرتها أنها تدعي أطفال
الروضة عشان يزورونا فخلّت يوم المجالات كلّه أركان عن الطفل والأطفال وكل شي يتعلق فيهم ... فقسمت البنات
لمجموعات .. واعطتهم المواضيع .. وكلّفت كل مجموعه يزينون لهم طاولة ترمز لهالموضوع اللي معاهم ..
طبعاً حنّا كان موضوعنا عن نظافة الطفل فـ وش سوينا ؟؟
ثص
أول شي جبنا الطاولة و حطينا عليها قماش ستان سماوي فوقه تل لماع واقف لونه سماوي غامق مايل للتركواز ..
طيب بعد كذا وش سوينا ؟؟ .. ركزوا معي ..
قمنا جبنا قماشة مترين .. أي قماشة متوفره ومو شرط مترين اللي متوفر ... وشرينا قطن كثييييييييير ملي كيس البلدية .. ورحنا نلصق القطن على القماشة .. واضح !! ... يعني صار عندنا الحين قماشة قطن <<< احلفي ههههههه
ورحنا بسطناها على الطاولة فوق القماش السماوي والتل ... وقمنا قصصنا أطرافها على شكل منحنيات .. طلع شكل
قماش القطن كنه رغوة صابون مايعه على القماش السماوي ... بعد كذا جبنا شفاف زهر وأخضر ورسمنا عليه فقاعات
بحجوم مختلفة وقصيناها ولزقناها على التل اللي طالع من تحت القطن ... طلع شكله رووووعه وفكرتها غريبة ...
وحطينا ورانا حاجز >> أتوقعه معروف .. الحواجز الواقفة <<< وسوينا فيه نفس الطاولة حطينا القماش والتل ومن فوق حطينا القطن ... وعلقنا عليه ملابس الأطفال
وقبعات ...
التعديل الاخير بواسطة دلوعتي لوضع الشعار
التوقيع
أبيات من الغاليــــة ((( أم رند ))
أحسنت في نظم القصيد وطرحه
لم أختلق مدحا لك وأزيدُ
بلّغت بالإحسان كل رسالة
بالقاف فكرك شامخ ومجيد
أبرأتي بالأبيات كل جراحنا
دمتي السخية بالعطاء تجود
بقيــــادة :
عزي في حجابي
الأعضاء :
الفرقدان , ندووو المنال , سمو السحاب
التعديل الأخير تم بواسطة : دلوعتي بتاريخ 04-10-2008 الساعة 08:14 PM.
وجبنا مسبح وخليناه بجنب الطاولة ومليناه ماء وفيري عشان الرغوة .. وحطينا فيه كور ملونات ...
وبعثرنا على الطاولة أحجار ملونة سماوية وأزرق ونيلي وبحري وحطينا عليها شامبوات خاصة بالاطفال عطورات صابونات ... فرشاة ومعجون .. مليناها بهالسوالف كلها ...
وحطينا على جنب الطاولة دمية طفل وعنده صابون وليفة وشامبو وحطينا على الطاولة لعبة الأطفال اللي تطلع فقاعات
صابون ..
ويوم جو الأطفال شغلنا أناشيد ولدي وبنيتي للمنشد ابو علي ورشينا عليهم من بخاخات الثلج ... وأهديناهم
الأسفنج اللي يجي على شكل دبدوب ولا فراشات وداخلها صابونه على نفس الشكل طبعاً غلفناهم ...
ووزعنا عليهم علب على شكل مكعبات اللعب حقت الأطفال اللي عليها حروف ومادري ايش ... طبعاً حجمها صغير
حطينا داخلها حلويات وأعطيناهم اياها .. وكذلك تحف على شكل بانيو لونها موف ولصقنا عليها من تحت حلويات مغلفة
ووزعنا على المعلمات والمشرفات منشورة >>> بالمرفق
هذي بس حوسة طاولتنا غير الطاولات والأركان الثانية ... هاه وش رايكم بحوستنا وطاولتنا ؟؟
يمكن .. اقول يمكن ... أنزل أفكار الأركان الثانية اذا انتو حابين ...
التوقيع
أبيات من الغاليــــة ((( أم رند ))
أحسنت في نظم القصيد وطرحه
لم أختلق مدحا لك وأزيدُ
بلّغت بالإحسان كل رسالة
بالقاف فكرك شامخ ومجيد
أبرأتي بالأبيات كل جراحنا
دمتي السخية بالعطاء تجود
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
أبدعتي في عرض الأفكار ::::شوفوا أفكارنا اللي سويناها للطفل عن النظافة ( عالم القطن ) 
العرض العادي
