كيف نعتني بالاب توب؟؟

[بشرى]

السلام عليكم ورحمة الله وبركاته



أولاً: العناية الخارجية

#اللاب توب في اغلب الاوقات يسخن ولكن عن طريق التهوية والمروحة تبرد .. حاولي قدر الامكان ان يكون اللاب توب

في مكان معتدل الحراره وبارد .. ولا تغطي فتحة التهوية لان احتمال الضرر بيكون كبيييير.


#لا تتركي ابد الاب توب بالسيارة .. اولاً الحرارة بتكون كثير عالية بالسيارة .. وثانياً احتمال سرقته كبيرة .

#حاولي قدر الامكان العناية بالشاشة وعدم لمسها وانه شخصياً ساعات انسى والمسها واخليها تتبقع ! قمت بشراء منظف للشاشات LCD واحاول قدر الامكان عدم لمسها .

#طبعاً وقت ما تروحين مكان دايماً يكون اللاب توب في شنطته وحاولي تكون شنطه آمنه علشان لا سمح الله وقت ما تطيح ما يتضرر الجهاز . ولا تخلي الجهاز على طرف الطاولة وفي كل لاب توب قطع مطاط تقريباً يخلي الجهاز ثابت على الاسطح .. حاولي تحافظين عليها لانها مهمة جداً لتوازنه.

#ابعدي المشروبات قدر الامكان عن الجهاز وايضاً الاكل .. ولا تلمسينه ويدج فيها اي شي سواء رطبه من ماء او كريم واعترف ايضاً ان كنت احط في يدي كريم ولسه باقي منه قليل وتنشف يدي .. استعجل واستخدم الاب توب

#نصيحة قريتها في موقع اجنبي ايضاً ان لا تمشين بالاب توب وهو يشتغل !! اذا كان بعض الخطوات البسيطة لابأس .. ولكن اذا كان اكثر من ذلك سويه في مود النوم خخخخخ لان بحسب اللي فهمته ان الجهاز يدور 5000 دوره بالدقيقة .. وان تحركه قد يسبب اضرار داخليه وهو بالحالة.

#حاسبي وقت ما تنزلين شاشة اللاب توب ان مافي شي ينصك عليه .. بيسبب اضرار كبيره للشاشة.

#ابداً لا تحطين اي شي ثقيل على اللاب توب.

#لا تخلي اللاب توب على الارض .. احتمال يسد فتحات التهوية ويسخن.


ثانياً: العناية الداخلية


#طبعاً ما اوصيكم في برامج الحماية والحائط الناري Fire wall وقت ما يتنهي مده البرنامج قد ما تقدرين جدديه .

. الفايروسات بتكون محصله لها وجبه حلوة اللي هي جهازج !!

#احذري من الاعلانات و ال popups لانها اكيد غير آمنه



#اذا حسيتي ان جهازج بطيءقومي بعمل خطوات لازمه تخليه يسرع ويزيد لج من المساحة مثلا:

Disk clean up :

All programs > Accessories > system tools >Disk clean up

تجزئه القرص الصلب : هاذي الخطوه خليها شهرية

All programs > Accessories > system tools > Disk Defragmenter
وهاذي فائدته مثل ما ذكرت احد المواقع:


منقول

[إبتسامة أمـــل]

الله يعطيك العافيه على هالنصايح الحلوه استفدت منها

[ام عاااامر]

الله يعطيك العافيه

[طيوف الليل]

الله يعطيك العافيه ع المعلومات القيمه

[بشرى]

الف شكر على مروركن منولاتي

[شوق القصيم]

مشكووووره بشوووووره

دائما مواضيعك مميزه


ياليت قريت الموضوع قبل ما يخترب جهازي


على العموم راح اجربها بعد ترميمه

يسلموووووووووووو

[بشرى]

اهلا بمرورك غاليتي شواقة

نورتي يالغلا

[**جيجو**]

مشكووووره حبيبتي على المووضوع
من جد استفدت منه

[سماره]

شكرا لك على هذه النصائح الرائعه
تـــــــسلمي بشرى

[منال]

الله يعطيك العافيه

موضوع رائع