كيـكة السحر الأسود

[جواهر عبدالعزيز]

سبب التسمية : لان لونها أسود وطعمها لذيذ وساحر

المقادير
كوب و ثلاثة ارباع كوب طحين
كوبين سكر
ثلاثة ارباع كوب مسحوق كاكاو
2 م ص بيكنغ صودا
1 م ص بيكنغ باودر
1 م ص ملح
بيضتين
كوب قهوه قوية (يعني 2 م ك نسكافيه في كوب واحد ماي)
كوب لبن
نص كوب زيت
1 م ص فانيلا

الطريقة
* شغلي الفرن على 350 و ادهني القالب بالزيت و رشي بالطحين
* انخلي كل المقادير الجافة و ضيفيلها المقادير الباقية
* و اضربيها بالخلاط دقيقتين على سرعة متوسطة (العجين بيكون سائل)
* اخبزيها في الفرن مدة 30 - 40 دقيقة

تلبيسة الكراميل
كوبين كريما مخفوقة
ثلاثة ارباع كوب سكر اسمر
1 م ص فانيلا
شوية كاكاو مبشور

الطريقة
اخلطي كل المقادير-ماعدا الكاكاو- بالخلاط الكهربائي يلين ما تصير غليظة شوي
صبيها على الكيكة و رشيها بالكاكاو المبشور

ملاحظة
* الأفضل تقطعين الكيكة قبل لا تصبين عليها التلبيسة .. عشان ما تكون صعبة في التقطيع بعدين



-------------------------

منقول

[ام عزوزي]

يمي يمي

تسلم الايادي غاليتي

[جواهر عبدالعزيز]

بنات جربت الكيـــكة هذي أمس العصر -----

والله تجنن بس ما حطيت بكينج الصودا ......... وخليت الباكينج باودر ملعقة كبيرة
وزدت عليه ملعقة حليب مدري ما خش مزاجي كيك بدون حليب بودر

وحرارة الفرن قالت 350؟؟؟؟ ما فيه في فرننا 350 بس إلى 260 وحطيته على 250 وبعد نصف ساعة جهزت الكيكة

بس والله شيء طعمها

[شوق القصيم]

جزاك الله كل خير


من صورتها شكلها وطعمها يجنن


الف شكر

[سماره]

وااااااااااااااااااااو
روعه تسلمي جواهر على هذا المنظر

[ام عاااامر]

الف شكر ياحلى حلوه على الكيكه

[جواهر عبدالعزيز]

تســـلمون على المرور

بس والله بجد بنات جربوها والله حلوه وخاصة وهي باااااااارده