وسأحكي لكم قصتي مع ولدي في طريقتي انا ووالده لتحفيظه قصار السور حفظه الله تبارك الله اللهم زده من فضلك وأنا أكتب تجربتي حتى تستفيد الأمهات ولايستهينوا بقدرات أطفالهم..
والطريقة إني أستغل أوقات لعبه وأبدأ أقرأ وهو يقرأ ورايه وعند النوم نسمع له اللي حفظه بالنهار وأيضا في السياره أبوه يقرأ له وهو يردد وراه وحتى وهويلعب ع المراجيح يسمع لناالسور اللي حفظها ويكون مبسوط لأنه يguf..المهم حفظ الحروف أيضا وطريقتي أني مخصصة له دفتر أبو ميتين خاص له ودائما أكتب له فيه اي شي يطلبه وبعدين أكتب أنا الشي اللي أبغاه يحفظه لحد ماحفظ الحروف الهجائية والأرقام طبعا بطريقة مشوقة أحط دائرة على كل حرف يموت بالدوائر وبضحك ثملا أقول له شوف كيف الخاء شايل نقطة على راسه شوف الحاء ماعنده نقطه والجيم في بطنه نقطه وكل حرف حاولي تعلقي عليه حينبسط وهكذا علميه بمرح ولعب ..هذا بالنسبة للتعليم ..
وفيه اسلوب اتبعته حديثا لجل يسمع الكلام إذا نهيته عن شي وهوأسلوب التخيير بين شيئين هذا الأسلوب فعاااااااااال مثال..الطفل طلع على دولاب المطبخ ومعند مايبغى ينزل قولي له معليش أنا ماحسمح لك تطلع ع الدولاب أساعدك تنزل؟ ولا تنزل بنفسك ؟ هو حيقول لا أنا أنزل بنفسي ..حطي الخيار اللي ودك يختاره بالأخير.
وهكذا أي شي ودك يسويه خيريه..
وشي ثاني لوكنتي تبغي شي مثلا المناديل قولي وين المناديل وانتي أصلا عارفه بس القصد لفت انتباه الطفل وين المناديل كأني شفتها هنا ايوه شفتها حبيبي ممكن تجيب المناديل لو قالك ما ابغى لاتجبريه قولي طيب خلاص أنا حقوم أجيبها حيجي يقول لالا أنا أجيبه.
وسلامتكم ..إن شالله تستفيدوا من تجربتي وبانتظار تجاربكم حتى نستفيد..والله يعيننا على تربيتهم.
آخر 10 مشاركات
نور النادي بالعضوة الجديدة
أنا افضل أم ،حدثينا عن منهجيتك في التربيه ،،ولك وسام 
