يابوي ياغالي..............

[شوق القصيم]

اخواتي المنولات عزيزاتي الغاليات ...............عامة


وام رند ونداوي والفرقدان

والحب اسمى عاطفة ..................خاصة

اقدم لكن هذه الابيات المتواضعه التي كتبتها في عتاب لوالدي بعد زواجه ...................

يابوي ياغالي في القلب مقدارك =بعدك ترك في القلب هموم واحزان
حنيت لك يا بوي حنيت لجوارك=من لي انا غيرك انت يا اعز انسان
ما اطلبك تفسير !مالي بأعذارك=همي على قلب خسر رفقة الخلان
حزني على ورد ذبل من قسوة افكارك=غرقت مجاديف الامل حملتها النسيان
من هو سبب فرقاك؟الشاهد اسفارك=بدلتنا بقلوب في جوفها نيران
حيرت فيك عقول بالحب تختارك=حنيت انا لايام صوتك بها رنان
شميت انا ريحك !موجوده في دارك= ناديت يالغالي يمكن تكون ندمان

بانتظار ردودكن وتعليقكن...............

[شوق القصيم]

بناااااااااااااااااااااااااااااااات وين الرد تكفون ابي اعرف رايكن بالابيات .....................

[اميرةفي دنياحقيرة]

صح السانك شوق القصيم والله يهديه

[ريحة الجنة]

شوق والله ان هذه الابيات بكتني مادري ليش بس يمكن ؟؟؟؟؟؟؟؟؟
على العموم تسلم يد من كتبها اختي طول عمرك مبدعه ماشاء الله عليك

[الفرقدان]

رااااااااائعة يا شوق : (( لا فض فووووووك )) .. سلمتي لنا يالغالية

مبدعه دااااائما و الله يوفقك وابوك لما يحبه ويرضاه .. النص رائع وحزين

مشاعرك فيّاضه جدا ً فيه .. و السبب طبعا ً واضح ..

كلماااتك خالجت القلب ..

أنا عندي ملحوظة بالبيت :

حنيت لك يا بـوي حنيـت لجـوارك.......... من لي انا غيرك انت يا اعز انسـان

كلمة { أنت ) ((((( من وجهة نظري ))))) كسرت بالوزن .. لو وخرتيها كان تمام .. هذا اللي لاحظته و الأفضل تنتظري أم رند الشعر النبطي تخصصها

و طبعا الملحوظة ما تذهب بريق القصيدة راااائعه رااائعه جدا ً ... الله يخليك لنا شواقه ... أنتظر جديدك قلمك و مشاعرك دائما ً ...

أدري انه مو أنا اللي أنقدك بس لاتعتبريه نقد اعتبريه همسه .. واذا بتضايقك ازقفيها وراك وانسيها ولا كأن شي صار بس اهم شي لاتتضايقين ... الله يخليك

[مهاااا]

//
\\
//

وااااااااااااااااااااااااااااو

رااااااااائعه ومؤثررررة

مثل ما تعودنا عليج شواقة ابداع وتميز ومشاعر فياضة

الله يهدي الوالد ان شاء الله

واشكرج يالغالية انا من أشد المعجبين بقصائدج

//
\\
//

[أم رند]

يسعدك ربي ويسلم يديك

ماشاء الله عليك ياشوق

كل قصيدة أفضل من اللي قبلها


كل يوم تستفيدين من أخطائك اللي قبلها

قصيدتك بدون ماأتمعن فيها روووووووووعة

لأني أعرف قدرتك في الكتابة

وبتكتبين أحسن وأحسن تدرين ليش؟


لأنك ممن يصعد سلم الإبداع وبحماس

وستصلين بإذن الله

ملاحظتي إن شاء الله بسيطة : وهي بعض الأخطاء البسيطة في الوزن

لكن ماعليك ياقلبي بتتلافينها مع مرور الزمن وزي ماكنت أقول لك دائما: لحنيها بينك وبين نفسك وبتعرفين مواضع الزيادة والنقص

شواااااااااااااااااااقة ياغااااااااااااااااااااالية

تكفيك مشاعرك الصادقة بالنص عسى ربي يطول بعمر الوالد ويهديه ويرجعه لك سااااااااااااااالم وتشمين ريحته منك له مو بداره يااااااااااااااارب

أشكر قلمك وحسك وعسى ربي يريحك من كل هم وينور لك طريقك



ومن إبداع إلى إبداع إن شاء الله

[بسمه امل]

اختي شوق الابيات روووووووووعه
الله يعطيك العافيه

اهداء لك........ الابيات لعائض القرني...

عسى الله أن يشفي المواجع إنه
إلى خلقه قد جاد بالنفحات


لك ودي.....

[الحب اسمى عاطفة]

صح لسانج

رائعه شواقه اختي

الله يهدي ابووج ويرده لكم ان شاء الله

ما ادري خانتني كلماتي عن التعبير !!!!!

[شوق القصيم]

المشاركة الأصلية كتبت بواسطة ريحة الجنة

شوق والله ان هذه الابيات بكتني مادري ليش بس يمكن ؟؟؟؟؟؟؟؟؟
على العموم تسلم يد من كتبها اختي طول عمرك مبدعه ماشاء الله عليك

اسفه حبيبتي ..........


الحال من بعضه

هذي ابيات حطيت فيها احاسيس عتاب مني لابوي