مشاعر صـــــــــــــــــادقة اقتطفتها لكن من رســـــــــــالة أخوية ..
يقول فيها الشاعر :
جتني رسالة من صدى خافق الروح = وقريتها باحساس قلبي وروحي
قريتها وانهدّت قصور وصـــــــروح = و أنا من أول عالياتـ( ن ) صروحي
تشكي تقول القلب ياحمود مجروح = ما تدري انّي غايراتـ( ن ) جروحـــي
تهلّ دمع وترفع الصوت بالنــــــّـوح = واللي فقد غاليـيـِـه لازم ينـــــــوحي
ما كلمتني يمكن الصوت مبحـــــوح = من النـّـوح ولا ّ ما استطاعت تبــوحي
جتني رسالتها بها دموع وجـــــروح = وانهدّ باسبــــــاب الرسالة طموحـي
تقول يا حمود الزمـــن صـــار مفضوح = والشيب فينـــي لو تشوفـــه يلوحي
يابو علي ما لــي بالاغـــراب مصلــوح = ما دام قلب اللي نحبــــــــــه شحوحي
ودّي بشوفك دام الأعمـــار بفســــوح = قبل الرحم ياخوي منّا يروحـــــــي
زلّ الزمـــــــان اللي به افراح ومـــزوح = أنخاك .. تكفى لا تظنـّـه مزوحــــي
و بعد الرسالة صار بالقلب ذابـــــــــوح = طار المنـــــــام و صار فكري يشوحي
اختي رسالتها لهــــــا القلب مفتــــــوح = كلـّــي لهـــــــا و القلب ينصت و يوحي
أقولها ودمــــــــوع عيني لها بـــــــوح = وسط المحــــــــاجر دمع عيني يفوحي
أجاوب الورقا على عـــــــــالي الدوح = و أنوح من فرقــى الرفيق السمــوحي
و الله لو اني وسط الاطباق مذبــــــــوح = لاظهر كما خطو الحصان الجمـــــــوحي
و أقول يا عين المهـــا ما به شـــــروح = لو تطلبيـــــــن الروح تفداك روحـــي .
################################################## #
ان شاء الله تعجبكن .. وشوي شوي على الدموع ... | 
آخر 10 مشاركات
العرض العادي
