المقادير:
4 أكواب ونص طحين رقم 2 (الأسمر)
نص كوب سكر بودرة
454 غرام زبده غير مملحة (الكبيرة) لازم تكون طرية
ملعقة ماء ورد
ملعقة ماء زهر
معجون تمر (يبيعونه جاهز) أو أي تمر لين انزعي نواه
ملعقتين صغيرتين قرفة مطحونة (أو حسب الرغبة)
فستق مطحون للتزيين
الطريقة:
نحمر الطحين في قدر مع القرفة..
بعدين ننخله في ملة ونضيف له الزبدة والسكر ونعجنه عدل لين ما يتجانس..
وعقب نرص نص الكمية في قالب ونضربه عدل عشان يتماسك..
وبعدين نسوي من معجون التمر شرايح ونغطي بها سطح الطحين..
وبعدين نرش فوقه ملعقتا ماء الورد والزهر
وعقب نصب باقي الطحين ونضربه عدل عشان تتماسك الطبقات..
ونرش على الوجه فستق مطحون..
بعدين نغطيه بورق ألمنيوم ونحطه في الثلاجة لمدة ساعتين..
وأول ما نطلعه نقصه على طول على شكل مربعات صغيرة..
ونحطها في صينية التقديم..
وممكن تحطون كل مربع في أوراق التقديم الصغيرة..
يطلع شكلها حلو ومرتب..
أتمنى تعجبكم ........... ردوا عليه إذا جربتوها..
آخر 10 مشاركات
العرض العادي
