كنت تعبانه حيييييييييييل ورحت نص عيادات و مستشفيات الدوله ،،بس ما فاد والكل كان يقولي روحي عياده ******
كنت متماسكه و متحمله التعب لانه العياده يلي دلوني عليهاا ما فيهاا الا دكتور وما كنت ابي اعالج عند الدكتور
بس بالاخير رضخت للمرض و لضغط ابوي عليا
ورحنا العياده
طبعا لبس الغشوه لاني ما كنت البس النقاب ذيك الايام و عبايه و شيله
ودخلنا عند الدكتور ،، امي راحت تعالج على ما اضن ،، بصراحه ما اذكر وين راحه امي لاني كنت حيييييل تعبانه
المهم كنت عند الدكتور وما كان معانا غير الممرضه وكانت مواطنه
شلت الغشوه وجلس يسالني اش فيني ،، وانا ما كنت قادره ارد
شاف ضغطي و الحراره وانا ساكته وهو يتكلم وانا ساكته وهو ما زال يتكلم
وانا بديت احس قلبي يدق بسرعه
هو حط يده على عيني ويقولي طالعي فووق
وانا لا حراك ولا همس ولا كلمه
وهو يتكلم وانا ما زلت ساكته
والا الممرضه تقول وش بلاه وجهج شاحب ومصفر
واخيرا فتحت فمي ونطقت بثلاث حرووف وليتني ما قلتها
قلت :
د خ ت
انا خوافه ،، ومن البدايه ما كنت موافقه اني اعالج عند دكتور
المهم ما حسيت بنفسي والا طحت من على الكرسي للارض
وما فتحت لقيت الدكتور ساندني بيده ويرش وجهي بالماي ( بالاصح غرقني بالماي )
>>>>> فكرني اني متت ( بسم الله عليا )
الفشيله الكبري
الشعر كله طااااالع
انبهت على نفسي وعلى طوول قمت و ساعدتني الممرضه وتمددت على الكنبه لاني ما كنت قاادره حتي اوقف
جلست شوي لين قدرت اتماسك واوقف على رجولي عشان اروح السياره
طلعت من العياده ما كان عندي جوال وانا امشي وادور على السياره حسيت بشي طاح مني ولا اهتميت مع ان الناس كانت تطالع بس ما اعطيت وجه لاحد
وانا طالعه في الشارع تدروون وش كان طايح
كان طايح شباصي ( قباض الشعر ) خخخخخخخ وشعري انفتح والبلشه ان شعري طوووووويل كان ماشاء الله
والسياره ما ادلهاا وامي ضاايعه ما ادلهاا كان شكلي غلط في وسط الشارع
موقف ما راح انساه كنت داخل مسجد وقت المغرب ومتأخر والامام يقرا في سورة بعد ما خلص من الفاتحة وكان الميكرفون متعطل المهم دخلت متحمس وبالحق على الصلاة معهم الا وعلى دخلتي اسمع الامام يقول (ضالين ) وانا على دخلتي كبرت وقلت آمين .. الا واللي في الصف الاخير ماتوا من الضحك وقطعوا صلاتهم .. وانا احسب الامام في الفاتحه وهو يقرا سورة ثانية .. وسكت الامام شوي وكأن وده يضحك .. واناما علي قاصر ضحكت معهم المضحك اني كنت متحمس
تم التعديل
التوقيع
//~*¤®§(*§*)§®¤*~ˆ°[fot1][fot1]ابتسم تبتسم لك الحياة [/fot1][/fot1]°ˆ~*¤®§(*§*)§®¤*~ˆ°
انظروا ماذا اهدتني الغالية بثينة
التعديل الأخير تم بواسطة : ام عزوزي بتاريخ 07-24-2008 الساعة 08:58 AM.
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
>> انت في وسط قلبي 
ولا ولا .............
العرض العادي
