صغر حجم البويضة

[نـــــــور]

السلام عليكم ورحمة الله وبركاته,,

انا عضوه جديده وهذا اول موضوع اكتبه واتمنى منكم المساعده....

واتمنى من الدكتوره دخول موضوعي وايرشادي في سؤالي,,

انا عمري 17وصار لي متزوجه سنه وخمس شهور بديت اعلاج بعد 10 شهور من تأخر الحمل
في البدايه رحت لدكتور وقال لي انه ما فيني شي بس الحويصله ما اطلع بويضات..وصار يعطيني حبوب وبعدها بشهر ما صار حمل ورحت له ونفس الكلام عطاني حبوب وبعد شهر رجعتله لانه ما صار حمل فعطاني ابر يوم ايه ويوم لا وكانت اربع ابر ومع ذلك ما صار حمل ورجعتله وضاعف لي الابر يعني في اليوم ابرتين لمدة 8 ايام يوم ورى يوم وبعدها عطاني ابره تفجيريه ومع ذلك ما نفع فأنا يأست ((وانا استغفرالله من هالكلمه))المهم قلت اترك الدكاتره لمده الشهرين يمكن يصير حمل ومع ذلك ما في فايده فتوجهت لطب الشعبي رحت لمساده معروووفه عندنا بالدوحه وامسدتني وبعدها طلع الرحم مايل ومرتفع فوق وامسدتني ونزل الرحم وتعدل لوضعه الطبيعي وكانت تعطيني عسل طبيعي اهي تخلطه مع مواد ثانيه,,المهم,, بعد 3 شهور من العلاج مع المساده قالت لي اروح اكشف واشوف فيه بويضات ولالا لانه كانت ايام تبويض كان يوم 13 لي ورحت لدكتوره ثانيه اول مره اجيها غير دكتوري اللي كنت اتعالج عنده في البدايه,,واكشفت علي طلع انه مشكلتي اهي صغر حجم البويضه وكانت اكبر بويضه حجمها 6 واللي اصغر منها 4 فأنا انصدمت لانه دكتوري ما قالي انه هذي مشكلتي,,وطلع بعد معاي التهابات داخليه ,,بيني وبينكم انا ارتحت لما قالت لي هالكلام لاني عرفت شنو مشكلتي وفي نفس الوقت تضايقت لان اخاف انه علاجه يبي له وقت طويييل وفيه ناس قالوا لي انه تسبب عقم ((لاسمح الله))فأنا ما توجهت الا لكم بعد الله والدكاتره تكفوووون طمنوني حالتي صعبه او لا ؟؟؟؟؟؟؟؟؟؟؟؟


وشنو العلاج؟؟

وهل علاجه ياخذ وقت؟؟؟؟؟

واكون لكم شاكره اذا ارشدتني الدكتوره الفاضله ؟؟


((ادري بستغربون اني اصغيررره مره على الزواج والانجاب بس انا اتمنى اليوم قبل بكره انه ايكون عندي اطفال ,,وتكفوووون لا احد ايعقدني انتي اصغيره وتو اناس لاني سمعت هالكلاااااام واااااااااجد وايضايقني من كثرر ما سمعته))
واسمحولي لو طولت عليكم,,



انا كتبت هالموضوع في قسم ثاني بس لما اتصفحت المنتى شفت انه هو هذا القسم المناسب له ,,

[عزي في حجابي]

حبيبتي الغاليه

دالاسطوره في اجازه دحين واكيد اول ما ترجع راح ترد عليك

وابشرك تقريبا سبعين في الميه من عقم النساء له علاج

ومشكله البويضات الصغيره اعتقد انها سهله مادام انها لها علاج انتي استمري على الدكتوره مادام ارتحتيلها

وحاولي تريحي نفسيتك لان الرحه النفسيه لها تاثير كبير في الحمل

واكثري من الاستغفار والله انه باب للرزق سواء اولاد او مال وغيره

اكثري منه

والله يرزقك الذريه الصالحه عاجلا غير اجل

ويسر عينك بهم ويجعلهم بارين فيك وفي ابوهم

[نـــــــور]

يعطيك الف عافيه اختــــي,,

كلامك ريحني ,,نورتي سماء صفحتي


جوزيتي خيرا

[ام عاااامر]

ماعندي اي معلومات بس الله يرزقك الذريه الصالحه يارب

[الحب اسمى عاطفة]

اختي انا مثل حالتج بس عندي ولد قبل


يلي اعرفه انه لازم تروحين عند دكتوره تشووف حالتج و بتكتبلج أدوية منشطة ومحفزة لعمل المبيض وتابعي معاهاا

واذا ما نفع معاج الادويه يعطونج ابر لتنشيط المبيض

اختي نصيحه لا تكثرين علاجات توج صغيره وترى الادويه لهاا مضاااار وانا اختج

ــــــــــــــــــــ


اختي انا تعالجت بحبوب كلوميد ( clomid )

الدكتورة كتبتلي في البدايه حبه لمده خمس ايام من ثاني يوم الدوره طبعا في البدايه تاخذيه بــو 50 mg وشوي شوي تزيد الجرعه

بعدين في ايام التلقيح تروحين تاخذين ابره طبعا الدكتورة تحددلج الموعد

تكملين مده ثلاث اشهر لين يصير حمل بأذن الله

عن نفسي استعملتهاا من اول استعمال فادتني وبانت نتايجها ممتازه وحجم البويضه صار طبيعي بس ما حملت ههههههههههه

والحين وقفت علاج ... لاني ملييييييييييييييييييييييييييييت من اللادويه و المواعيد



وكلى امرج لله ،،، والله يرزقج بالذريه الصالحه

[نـــــــور]

ام عامر يعطيك البف عافيه,,

الحب اسمى عاطفه,,>>>عاجبها النك خخخخ

يعطيك الف عافيه ,,وانا سويت نفسك احبوب كلوميد بعدين ابر بعدين ابره تفجيريه وعلاجات ؟؟؟؟


بس ما اقول الا الحمدالله الا على كل حال,,


عالعموم نورتوني والله يرزقكم من حيث لا تحتسبون,,

اختـــكم..

[الحب اسمى عاطفة]

حبيبتي لا تحاتين

الله يرزق من يشااء

خالي من بعد زواج داام اكثر من 10 سنوات ومن بعد حرماان من العياال والدكاتره قطعوا لهم الامل

الله كتب له ان تحمل حرمته سبحان الله ربج يرزق من يشاء

ادعي الله ودامج بخير الحمد لله ما عليج باس

[نـــــــور]

ول ول ول ,,,

كلا هالفتره وما ردت علي الدكتوره,,

[عزي في حجابي]

حبيبتي نور

الاسطوره في اجازه

واكيد لمن ترجع ما راح تقصر معاك ابد

لاتستعجلين يا قلبي

[الحب اسمى عاطفة]

اختي مثل ما قالت عزي الاسطورة في اجازه

مهلج عليهاا يا الغلا

ان شاء الله بترد عليج