اولادي انخطفوا شو اعمل يا عالم حرام هالظلم

[صدى الأيام]

ياربي عورني قلبي اول ماقريت موضوعك
وبيني وبين نفسي اقول ان شاء الله مقلب ولايكون صدق

الله يحفظ لك اولادك ولايحرمك منهم ودائما استودعيهم الله

[غصونة]

إلا قريت اول موضوع و انا اسفة و الله ما كنت ادري

بصراحة كتير وجعني قلبي و حسبي الله عالظالم

و هو شو بستفيد من أنو يخطفهم و البهدلة الي تبهدلوها ولادك و نفسيتهم و غير الأمراض و نفسيتك انتي تعبانة و الي فيكي بكفيكي

حسبي الله عليه - انا من قهري بدعي

و الله اختي ما بيعرف طعمها إلا الي داقها

بس كيف قلبه مطاوعه هيك يعمل لأولادك ( حرق و تهديد و ضرب و إهانات ) يعني الأذى النفسي ما بكفي الأولاد و خصوصي انهم صغار و البهدلة الي تبهدلوها بهدلة مو طبيعية و الحلف بالكزب الله اعلم كم سيئة اخدها عليه و كمان أنتي طبعا كفؤ تكوني ام لأولادك و اكبر دليل انك طرحتيلنا المشكلة و زعلتي على اولادك من الي بسير فيهم

الله يعينك و يقف معك يا رب يا حنان يا منان يجعلهم إلك قرة اعين

رأيي

ما دام هيك بلمحلهم شوفي حقوق الإنسان او ارفعي عليه قضية و خلي الأطفال يصيحو بالمحكمة او لو حتى بالتمسيل يسيرو يبكو - هالزمن ما برحم و احكيلهم كمان أنو اول ما يشوفوه دخل المحكمة يسيرو يصيحو و يبكو يعني يعملو حالهم خايفين منو عشان عالأقل يبان للعالم شو بسوي لأولادك
و هما بدل ما يسمعو من حماكي اولا يسمعو من الأولاد و هادا شكله حماكي متعود عالبكا و الحلف و الرشوة من زمان و شكله محترف فيها بحق و لا ليش المحكمة مسدقاه و الله ييسر لبنتك تكمل تعليمها و يجعلها من احسن الناس يااااااااااااا رب

و وريهم الدليل الي عندك و ان شاء الله يا رب يكون لمصلحتك

اه و بالمحكمة و انا ما بعرف و يمكن يطلع كلامي مستحيل بس ليش ما تحاولي تبعديهم عنو نهائيا عن طريق المحكمة و خلي اولادك يحكو شو صار معهم يعني لو بنفع خليهم هما الي يحكو و اكيد القاضي نفسه رح يحزن و بالنسبة للرشوة بس ادعي انو ما تنجح كل خططه بكل الأحوال

و ادعي في هالأيام الفضيلة و صدقيني ما بتيجي إلا مرة بالسنة فاستغليها

الله ينصرك عليهم

الله يرد كيدهم بنحرهم

الله لا يجعل عينهم تعرف النوم و لا الهنا

اختي مالك إلا الدعاء و الإستغفار و اتزكري أنو دعوة المظلوم لا ترد

اسفة عالإطالة بس هالمشكلة كبيرة بحق

و طمنينا عليكي

إلك فترة ما دخلتي

[تفاحه]

اخواتي العزيزات بجد الان ببكي لانه بعد كل الظلم الي انا فيه بلاقي ناس بيخافوا علي وبهمهم امري متلكم اولادي همه الان عندي بيروحوا لبيت جدهم مره اسبوعيا وبيناموا عنده بعد الاتفاق الي وقعت عليه مقابل اني اقدر اشوف اولادي اما بالنسبه للمحكمه فمهما حكيت الهم على الظلم الي انا فيه مع هيك همه ضضدي لانه حماي راشيهم واطفالي بيكرهوا حماي كتيييييييييير ومع هيك مضطرين لانه المحكمه لما اصدرت قرار بانه حماي ياخد الاطفال لعنده مره اسبوعيا مع المبيت اجبرتني اوقع على ورقه بتقول انه اذا ما خليت حماي ياخد الاولاد انا واخي راح انفوت السجن واتهموني انه انا خطفت اطفالي مع انهم همه الي خاطفين والمهم انه المحكمه عارفه كل تفصيل صار معي ومع هيك بتحكم ضضدي انا التجاة لحقوق الانسان وهمه الان بيحاولوا انهم يساعدوني بس لغاية الان كل شي ضل على حاله المهم انه حماي مستمر بالظلم والكل بشد على ايده ضضدي والان هو مهدد بانه يخطف اطفالي ويسافر فيهم عشان ما اقدر اشوفهم بس برجع وبقول الله كبير واكيد حياخد الي حقي
اخواتي العزيزات بتمنى انه ما تحرموني من مشاركاتكم لانه انتوا عزاي الوحيد بالدنيا وبعد كل الظلم الي انا فيه لاقيت انه في ناس متلكم بفكروا بالخير انا بانتظار ردودكم ودعواتكم


تفاحه

[داليدا]

لا حول ولا قوة إلا بالله العلي العظيم
حسبي الله ونعم الوكيل
تفاحه أصبري إن الله مع الصابرين
بس ما أدري ليش أنا حاسه إن حماك يبغاهم عشان فلوس أو ورث أو أي شيء لو يبغى كذا
تنازلي عن حقك ومو مهمه الفلوس الفلوس تروح
وتجي بس الأولاد لا
الله يصبرك إن شاء الله

[تفاحه]

داليدا اختي انتي معك حق هو فعلا بده المصاري او الورثه مع انه الورثه الي تركها زوجي يادوب هي البيت الي انا كنت ساكنه فيه والي انا حطيط كل ما املك عشان ينبنى البيت ويتجهز يعني هو ما دفع شي كتير فيه بس اولادي لهم ثلثين البيت لهيك حماي بفكر انه اذا اخد الاولاد ممكن ياخد مصرياتهم

[داليدا]

طيب تنازلي عن حقك وحق أولادك
وزي ما قلت لك الفلوس تروح وتجي أما الأولاد لا
والله يصبرك

[تفاحه]

داليدا وكا الاخوات كل عام وانتوا بالف خير بمناسبة حلول عيد الفطر اتمنالكم كل سعاده اما بالنسبه لموضوع حقي فانا ما بدي منه اي شي كل الي بدي اياه هو فقط اولادي وما بهمني اي شي من الفلوس بس حماي لا راضي يتركلي اولادي وياخد الفلوس بده ياخد كل شي وبالنهاية انا ما عندي اي ميراث ممكن اخده لانه ما فاضلي شي غير شوي من بيتي ومع هيك انا مستعده اتنازل عنه بس يتركني بحالي

بعين الله والله على الظالم

[غصونة]

كل عام و نتي بالف الف خير ان شاء الله

الله يعينك و يصبرك

معليش الله ينصرك عليهم

و نصيحة مني حاولي إنك تبكي صيحي اعدي مسلي

اولادك هدول

و خلي الفلوس بحالها الفلوس بتيجي من اي اشي اولادك لا و حسبي الله عالظالمين

الله يعينك و يصبرك

و ادعي في هادي الأيام الفضيلة و استغفري و اتزكري ان الله يمهل و لا يهمل

و ادعي في كل صلاة

الله يعينك