بتقولون وين المشكلة ترى عندي مشكلتين مو وحدة

[شوقيتا]

بتقولون وين المشكلة

اوكي انا من النوع اللي اجمع طرق وكاتبه ها الحلا في ورقة كبيرة

قمت رميتها ونسيت اني ما كتبتها على الصغيرة

الحلى عبارة عن 3 طبقات

الطبقة اللي تحت عبارة عن بسكويت مغموس في حليب

الطبقة اللي بالوسط عبارة عن

هذي المشكلة الطبقة هذي نسيتها بس اذكر ان معها بسكويت مطحون واظاهر قشطة وعدد البسكويت على ما اعتقد 17 حبة او 11
ومعهم اشياء

والطبقة الأخيرة عبارة عن كرميل ويا بيالة حليب ويا كاكاو

امس كنت معزومة

المهم عجبني حمامهم

حمامهم لونه ابيض المشكلة ماشفت ولا نقطة وسوداء على الأطراف الحمام كأنه تنظيف فندق

مشــــــــــــــــــــــــــاء الله

ابيكم تعطوني خلطة علشان اشيل السواد اللي بحمامنا

[عزي في حجابي]

شوقتينا

الحلا اعتذر ما عندي فكره عنه

بالنسبه للحمام اكرمك الله

ممكن تستعملين الفلاش بس انتبهي منه لانه يخنق يعني لازم تكون في تهويه قويه في المكان وتلبسي قفازات والبسي كمامه او غطي فمك باي شي

لانه مره خطير بس يخلي الحمام يلق

لاتنسين تبعدين الاطفال اذا عندك

[شوقيتا]

عزي في حجابي
مشكورة على الفائدة

[الحب اسمى عاطفة]

اسفه اختي ما اقدر افيدج

والله كان خاطري افيدج بشي

اتمني ان المنولات يفيدونج

[شوقيتا]

عادي اختي نورتي الموضوع

وان شاء الله الكل ما راح يقصر

[جواهر عبدالعزيز]

الطبقة اللي بالوسط لونها بني فاتح ؟؟
هذي على ما اظن قشطة و نسكافيه وبسكوت ودريم ويب ووو..... ومدري وش بعد خخخخخ
انا اذكرها عندي بس ما ادري كم مقاديرها بالظبط ولا اتذكر باقي المقادير


وبالنســبة للحمام الله يكرمك مثل ما قالت عزي

اذا في دورة المياة صابون او ليفه او شامبو و فرش اسنان ووووو هذا كلها طلعيها برا حتى ما يجيها الفلاش
شغلي مروحة الشفط والبسي كمامة او تلطمي هههه
والبسي قفازات
ورشي الارض و الجدران ماء
بعدها جيبي الفلاش الامريكي الاصلي
و رشية على الجدران و الارضيات و كل طقم الحمام
بعدين اطلعي من الحمام وخليه كذا عشر دقايق ونبهي على اهلك محد يدخل الحمام

وبعد ما تمر العشر دقايق
جــيبي مكنســـة خشنة (عشان تفرك الارض بقوه )
وكبي على الارض تايد
او فيري <---- عشان رغوته كثيره ويشـيل الدهون والاوساخ
وافركي الارض بقوه وركزي على كل مكان ( يمكن تحتاجين انك ترشين شويه ماء عشان يتحرك الصابون )))))
وبعد ما تفركين كل شي الجدار ، الارض ، طقم الحمام

غسلي الحمـــام بالماء وشطفيه زين واخر غسلة للحمام خليها بالمطهر و الماء

والفلاش هذي يمــكن تحتاجين تشتغلين عليه كل شهر أو شهرين على حسب