واليا مشيت من الدلع ترسم خطاك..

[بشموخي اتحداهم]

لي قلب مايدري وش الحب لولاك
ولي عين يغنيها وجودك النور
لك وسط قلبي حب وأشواق واملاك
مافيه أحد قبلك بنا بقلبي قصور
يفداك ياسيد المزايين يفداك
قلب تعلق فيك مارد لي شور


مالوم شعر ماكمل في مزاياك
وبيت تعذر عن وصايفك معذور
لك بسمة لأرسلتها من شفاياك
تجبر بها الخاطر ليا صار مكسور
ولك ضحكه لا وخرت عن ثناياك
تسحر بها قلب من العام مكسور


ولك نظرة لاصوتت للغلا جاك
لو دونك جبال ومسافات وبحور


واليا مشيت من الدلع ترسم خطاك
الملح كله والحلا فيك منثور


اللي مدح لوقال ماقال ما اوفاك
واللي تكلم فيك مسكين مقهور


للحاسد اللي بالغرور يتبلاك
اضحك وقل من حقي اصير مغرور


وجدي على حطة يميني بيمناك
وجد الضرير الي يبي شوفة النور


أفرح بصوتك وانتظر واتحراك
فرحة ربيع العمر بآخر الوسم ممطور


ماتدري أني منتظر يوم لقياك
دقايقي ساعات وايامي شهور


وماتدري اني ماتصورت فرقاك
الا بيوم كل ماحولي قبور


يمكن يجي لي يوم واتركك وانساك
في يوم مايبقى على البال مذكور


ايش رايكم في كتاباتي <<< هوايتها البكش ومصاحبه الكذب

[shimw]

الله وش هالابداع

من جد
كلام رائع

اشكرك شموخي على الاحساس المرهف

[هبه هباش]

فعلا شعر جميل جدا
يعطيك العافيه

[الفرقدان]

يا عيني ع الكتابات >>> هوايتها مجاراة الكذّابين ههههههههههههههههه

تسلمين حلوه *_%

مع تحيات القائد فرفر خخخخخخخخخخ

[ضي القمر]

قصيدة في منتهى الروعة

سلمت أناملكِ لنقلها وصح لساان شاعرها

دمتِ بخير

[شـمـوع الـغـلا]

شموووخي

رووووعه يعني انتي اللي كاتبتهااا >>>مو مصدقه خخخخخخخخخخ

بس والله حلوووه يسلموووو

[الفراشة الوردية]

صح لساااااااااانك


مشكوووره ع القصيده

[منال]

تسلمين يالغلا عالطرح الجميل