عــــــ..ــــقد مــ..ـــطبـــ..ـــــخيه ..

[حنان الكون]

.





.
مرحبا ياالسنعات !! .. ماشاء الله جا رمضان

وصرنا نشوف السنع و اشكال حلا جديدة ..


جعلكم فاضيات 24 ساعه خل نستفيد منكم

وبما انننا بأمور الطبخ والمطبخ ..


نبي نشوف خبراتكم عاد




طبعا لما تبدا خبرتس بالمطبخ تبدين تجربين الأساسيات ..

وهمن عاد تبدين تجربين تسوين الشي اللي تحبينه وتكتشفين مهاراتس ..

وانتس تحبين تسوين الشي هذا وتكرهين تسوين الشي الثاني..

لمجرد أن خبرتس مع هالشي هذا مش كويسه ابدا

وبالاخير تنقلب الى عقده نسميها في قاموسنا



عقده مطبخيه

اخبر وحده تحب الطبخ وتحب تحوق ..

لدرجه انها تطلع طرق طبخ من النت ولين اعجبتها طبخه.

. تشوف طريقتها هي تدخل الفرن ولالا ..

وممكن انها تكنسل الطبخه كلها بسبة انها تدخل الفرن

..ووتروح تدور أي شي مايدخل الفرن ..

ليه؟

لانها مره حاولت تولع الفرن وقبع بوجهها بسبب انها فتحت الغاز وماشتغلت الولعه بسرعه .. البنت سليمه طبعا

بس جتها روعه وكرهت الفرن ولا صارت تزين شي بالفرن !! واذا مره مره تسوي كل شي وتخلي أحد يدخله الفرن ويطلعه .. يعني بالعربي البنت تعقدت

وعندكم انا مثلا أحب المكرونه بجميع أشكالها .. لو تسوين حفله لي ترا اطلق بمليون مره.. تحطين لي بدال الكيكه صينية مكرونه اقطعها .. << عندها مرض اسمه مكرونه خخخخ

يووووه يا انا أقدر الشخص اللي يسوي مكرونه

أحس انه يسوي شيء خيالي ..

لين رحت مطاعم ايطاليه انقز للقسم اللي فيه المكرونات واشوف وش عندهم اصناف تجوز لي واختارها قبل مااختار المقبلات

واذا فيه عزيمه وكان فيه بوفيه .. تأكدي إني ادقق على شيئين .. ورق العنب+ اللازانيا وهمن افكر بالسلطات ..

يأنا اتعذب داخليا اذا شفت صورة مكرونه ولا طريقة مكرونه .. ابدا بس اسعبل واندب حظي الأغبر!!

ماااااااااااعرف اسويها ياعااالم .. ماعمري سويتها وضبطت .. الأكلات الشعبيه الصعبه اسهل عندي من المكرونه.. حاولت الف مره اسويها لين صارت عندي عقده

تعرفون حركه تحبين شي وتقدرينه بس لازم احد يتكرم عليتس ويسويه لتس؟ هذي حالتي
لا أحد يجي ويقول اسهل شي المكرونه ! ترا المكرونه عندي صعبه جدا ..


طبعا انا مصيبتي تهون عندي مصيبتي غيري ..اللي عقدتهم انهم يطبخون شي مايحبونه !


ولا تجيكم وحده اول مره تطبخ ونوت على بيتزا للعشاء .. طبعا جهزت كل شي حسب ماقالت لها امها ..

وبقى الشيء الاخير اللي هو الفرن ..

المهم حطت البيتزا بالفرن وميب عارفه تقدر الوقت ..

كل شوي تطل عليها ولاها مطوله أم الشباب فقالت شكلها بتطول..

وتركتها نص ساعه يوم جت شوفوا وش صارت




المهم جا اخوها جوعان يبي يأكل ودخل المطبخ يبي يسأل وشو العشاء على طلعة الصينيه من الفرن ..

وقال يوووه ماجيتي تتعلمين الطبخ الا يوم إني جوعان مررره ! وطلع.. طبعا الكلمه جت عليها زي المويه الحاره .. و تعقدت المسكينه ..وكرهت الطبخ !


ختاما ًطبعا.. لا أحد يقنعني أن مافيكم وحده ماعندها عقده من المطبخ .. !! ذا شي مستحيل

عاد يارب يكثرون المعقدات امثالي عشان تهون علي مصيبتي ( ايقونه تدعي ) << لا يكثر

ميب هاينه دام الدعوه فيها مكرونه

[وله حياتي]

ههههههههههه حنان من جد رحمتك بس صدقيني لو بجربين مرة واثنين راح يضبط معك المكرونه
انا مثلك اول كنت احرق الأكل ولا اخليه مالح او اخليه ماله طعم بس الحمدلله اقولها لك من غير ما امدح نفسي
اهل فقدوني يوم تزوجت بصراحه لأن اختي اللي تحتي ما تعرف تطبخ اكلات منوعه بس محدوده
وبالعكس يا حنان خذي لك طريقه وانت داخله المطبخ سمي بالله وحطي براسك وبداخلك ان شآء الله راح تضبط
ومع التكرار راح تضبطينه وتصيرين احلى شيف حنان
وبصراحه حنون انا عقدتي الحرق باليد يا كثر ما احترق لو اوريك يدي تخافين بس اقول الحمدلله ان الله سلمني جت على الكف من فوق والى الآن فيه اثر بس مع العلاج خف شوي

بس نصيحه مني لا تخلين فشلك في الطبخه الأولى تعيق مهارتك خليك دائما من داخلك الأفضل والأقوى وراح تشوفين النتيجه

دمتي لنا احلى شيف يا حنون

[موزة]

حنووونة


موضوع حلوووو معاكي حق كل واحد لازم يكون عندو عقدة من شيء

انا مافي شيء معين لكن بالاجمال اذا بعمل طبخة وما تزبط معي 100% بنقهر جدااااااااااااااا وبزعل كتييير ودايما زوجي بيضحك علي وبقولي الحق مو عليكي الحق على الغاز هو السبب انو الطبخة فشلت

وأكتر شيء بقلق منو هو طبخ اللبن الزبادي عشان احنا في كتير طبخات نستعمله و مو دايما بزبط معي يعني حسب الظرووووف


مشكووورة على الموضوع



وهذه هديه مني لك اتمنى تعجبك وصحتين على قلبك