ياويل قلبي من الليّ شافتـه عينـي

اميرةالغلا · 10-15-2008, 06:58 AM

ياويل قلبي من اللّي شافتـه عينـي
بعد العصر صدفة(ن)مريت من يمّـه
اشغلني واشغل حياتي وينه وينـي
القلب سالي ودالـه مـا درى عنّـه
ماكنت احسب الهوى يطرق عناويني
الا بعد ما خزرني بنظـرة(ن) منّـه
اصبحت هايم ولا لي مـن يدارينـي
مغير اهوجس وافكر شايل(ن)همّـه
لا جيت ابغفى تصور لـي ينادينـي
يجر من هول ما به خافقـي ونّـه
حبه تمكـن بقلبـي ماكن(ن)فينـي
ليته تنحـى وليتـه ياعـرب حنّـه
يالله عسى الزين يرحمني ويدنينـي
منه وانا حالف(ن) ما اخلف انا ظنّه
يا بنت ردي لـي النومـه يكفينـي
قلب العنى ما تهنى من صغر سنّـه
حني علـىّ بالوصـل لالا تخلينـي
دامك بديت الهوى طالبك لـي تمّـه