اعترافات جنيه مصرى...!!!!
________________________________________
صمت مميت ،وقع أقدام يملؤصوتها ظلام المكان ،يد تشق الظلام، تقترب من الباب الفولاذى
صوت يشبه صوت مفتاح يدخل من فتحة الباب....دار به داخل الباب مرتين...أزيز باب يفتح ببطء ،يدخل سيادته،يقف المخبر متصلبا ..."تمام يا فندم"
تقدم سيادته خطوتين للأمام ،لا صوت سوى صوت فقاعات الماء التى تخرج من الإناء الكبير
حيث وضع رأسه،
فجأة
صوت خرير الماء ممتزج بصوت شهيق كمن أراد أن يتنفس هواء الدنيا كله.
لهاث شديد كمن جرى مئة ميل...هدء لهاثه شيئا فى شيئا نظر أمامه وجد سعادته ينظر إليه نظرة ملؤها التهكم والإستهزاء
-قائلا: لسه برضه مش عايز تعترف؟
طأطأ المسكين رأسه فى يأس، ثم رفعها ناظرا إلى سعادته
وقال: أعترف بإيه يا باشا.
آه...مش عايز تعترف
-يا باشا أنا معملتش حاجه
-إسمع السؤال ورد عليه بس.....سمعت..؟
-حاضر يا باشا
س- إسمك وسنك وعنوانك...؟
اسمى: جنيه مصرى..
سنى: 7 آلاف سنه
العنوان :البنك المركزى المصرى
س: مهنتك؟
ج: العمله المصرية..يا باشا
س: إيه هى تهمتك؟
ج: والله ما انا عارف..أنا كنت نايم فجأه دخل على جماعه قبل الفجر, قلت لهم فين إذن النيابة؟
قال لى الباشا الكبير ....إنت هتتلامض يالاااااااااااا
قلت لا ..بس عايز أعرف
قال ماشى ....يا روح أمك...فى البلد حاجه إسمها قانون الطوارىء
س- إنت متهم بزعزعة إقتصاد البلد...........
ج: انا يا باشا اللى متهم بزعزعة إقتصاد البلد....ولا إنتم اللى مصيتوا دم الشعب..لحد الزعزوعه............!!!!!!!!!!!
-بص يا باشا..عاوز أقولك حاجه أرضى بها ضميرى..واللى يحصل يحصل
أنا بقالى 7 ألاف سنه عايش فى البلدى...إتغيرت على حكومات كتير..ونظم كتيره
ملكى على جمهورى على ديموقراطى على رومان وعثمنيين ومماليك وحتى فرعونى
بس عمرى ما شفت فرعنه زى فرعنتكم......
-يعنى إتسرقت كتير وإتنهبت كتير...بس عمرى ما حد سرقنى كده وعلى عينك يا تاجر..قبل سعادتك....!!!!
س- إنت بتقول إيه..............؟
-بقول الحقيقه....!!!!
-بقول إنك عومتنى وغطستنى لحد ماغرقت وبعدين بعت شركات البلد"اللى بتكسب بس"
وإتقسمت فلوسها على العيال-أمهم-اللى هيسكتوا لما يشوفوا اسلرقه أدام عنيهم-وعلى اللى هيهللوا ويكبروا..ويقولوا...هشتكنا وبشتكنا يا ريس............!!!!!
-إحمرت عينا سعادته وأسود وجهه كجاهلى بشر بالأنثى ..حاول أن يكظم غيظه
لم يستطع....فتح درج مكتبه"إرتفع إيقاع الموسيقى التصويريه"
أخرج مسدسا ..صوبه تجاه صاحبنا
يده تقترب من الزناد
إنخلع قلب صاحبنا..تسارعت دقات قلبه..."هدأت الموسيقى التصويريه"
أغمض عينيه...ردد فى صوت خفيت"أشهد أن لا إله إلا الله ..وان محمد رسول الله"
إستعد لتلقى رصاصة فى رأسه..كاد يرى موقع من الجنه
بينما كان الثور الهائج قد لامس إصبعه الزناد..يضغط عليه..فجأه..أنزل يده على مكتبه
أغمض عينيه..أخذ نفسا عميقا ثم أخرجه..
فجأه
إنفجرت ضحكه هيستيرية بددت صمت المكان...
فتح صاحبنا عينيع فى زهول..وقال له مستنكرا
إضرب.......إقتلنى وريحنى
ظل صاحبنا يضحك ويضحك..بطريقته التى تشبه نهيق الحمير
ثم قال مستهزءا أقتلك...هـــه إزاى
طب لما أقتلك أسرق مين
هاهاهاهاها
آخر 10 مشاركات
نور النادي بالعضوة الجديدة
العرض العادي
