صرخه في وجه كل عابث

[ماجدة]

أول شي الموضات في اللبس و الا غير اللبس تطلع في كل مكان و زمان قبل

العولمة و بعد العولمة ( و العولمة سالفتها سالفة هذا مو مكان مناقشتها)

انت و غيرك من الشاب اذا جو يشتروا سيارة يبونها على الموضه الثياب على

الموضه و حتى الأكل صار على الموضة البيوت يبنونها على الموضة و يأثثونها

على الموضة اشــمــعنى ثياب البنات اللي تبغاها مو على الموضة

أقول لك شي المصونات في عائلتك الكريمة يتعطروا بنفس العطر اللي

كانت جداتهم تتعطر فيه ?? ....

هذي ســــــــوق حبيبي و كل بايع يحرّج على بضاعته و حـنا مجتمع

اسـتهلاكي نسـتهلك اللي ينتجوه الآخرين ثياب و سـيارات و كمبيوترات

و أفكار و اعلام من صحف و أفلام و عد حق بكرى

و اخواننا أهل العولمة تجار شطار يبيعونا كل شي

أما حكاية الحرام و الحلال فكل عالم له رأيه اللي يبنيه حسـب مرأياته

و تقييمه لأوضاع المجتمع يعني بعضهم يقول لك كشف الوجه ليس حرام

للنساء لكن في مجتعات ما تعودت على هالشيء يصير حرام اذا كان يثير

الفتنه ........طيب يا بو الشباب مو حرام عليك ما تغض بصرك

يعني بصراحة الشباب الذكور ما يقصروا من محطات على الساتيلايت الى

مواقع على الانترنت الى الى ما أعتقد الأمر يخفى عليك

يعني عباية ســـــــــودة تمشـي في الشارع ماتجي شي عند اللي ذكرناه

................ زمان يا بو الشباب أول ما جت الملابس الحديثة من الغرب

كان ايقولون عن المرة اللي تلبس الملابس الداخلية الحديثة (الكلوت و

الستيان) انها ... فجرت .... و أول ما طلعت الدشــوش اللي يركب دش

ايكفرونه و يقولون عنه بلاوي و كل شي جديد يثير بالعادة بلبلة و ياما

ناس في الظاهر آخر تمام بس من وراء المجتمع .........؟؟؟


بس اللي أهم ان الواحد يحافظ على الأخلاق

و يبدا الواحد بنفسـه قبل أهله ... يعني يربي نفسه على الأخلاق الفاضلة

و يكون قدوة الى أهله و ناسـه

و العباية عزيزي تسـتر الجســم فقط لكن النفس يسـترها الأخلاق

انما الأمم الأخلاق ما بقيت ****** فإن هم ذهبت أخلاقهم ذهبوا

و ســـــــ0ـ0ـــــــــــلامــتــكـــــــم


بوواسطه ماجدة

[قمرهم كلهم]

جزاك الله الف خير