07-04-2006, 08:00 PM
|
رقم المشاركة : 1 (permalink)
|
تاريخ التسجيل: Feb 2006
المشاركات: 56
| قصة زواج غريبه
|
بقول لكم عن قصه زواج فتاة زواج غريب مضحك هذي البنت سلمكم الله
عندها خوات أكبر منها وأصغر منها وهي توها
متخرجه من الثانوي المهم بالبيت ماعندهم خدامه كل يوم الدور على وحدة
منهم تطبخ وبعدين ترمي الزبالة الله يكرمكم عند الباب المهم جا
دورهالبنت اللي نتكلم عنها كانت سهرانه مع أخواتها الين الساعة 2 الصبح
وبعدها أخواتها طلعوا ينامون فوق.. وهي قعدت تنظف المطبخ وتشطبه.. قامت
وطلعت الزبالة عند الباب..المهم البنت قالت ليش أحطها عند الباب وتجمع
الذباب خليني أتشجع وأرميها بالزبالة بره أحسن..** وطلعت بره بالشارع
وكان الشارع فاضي مرة وكانت الساعة حوالي ثلاث الفجر
بعد مارمت الزباله الهوا قفل الباب عليها . وقعدت المسكينه
بالشارع...فكرت ترن الجرس خافت أبوها يغضب ومايرحمها ويفسر خروجها تفسير ثاني ومايصدقها . ويسوي لها شي
(لأن أبوها محافظ) ... وهي بالشارع ماعليها إلا ثياب البيت .
سمعت المسكينة أن فيه صوت يقرب منها .. أثره صوت سيارة !! قامت مسكت
الزبالة وقلبتها ودخلت فيها !! المهــــــــــم كان اللي جاي ولد
الجيران .. كان توه جاي من استراحة أخوياه..المهــم جا ولد الجيران وقف
السيارة وطلع المفتاح علشان يدخل للبيت إلا يسمع صوت يتحرك بالزبالة
خاف منها !!
وأستغرب إن الزبالة مقلوبة قام وقرب من عندها... وجا بيرفع الزبالة
إلا صرخت وقالت : لالالالا.قال : بسم الله الرحمن الرحيم..أنت إنس ولا جن
قالت: إنس قال إنت وش جابك هنا ؟؟
وقالت له القصة وهي متغطيه بالزبالة وترجت ولد الجيران يساعدها قال خلاص
لاتخافين قام قرب سيارته من باب البيت وركب فوق السيارة ونقز وفتح للبنت
الباب.. وقالها:ادخلي بسرعة لاحد يشوفك قامت مسكينة ماصدقت رمت
الزبالة.. وطلعت كذا قدام ولد جيرانهم المهــــــم
دخلت وقفلت الباب على طووول...وولد الجيران واقف ماتحرك
يناظر فيها... المهم. مامر على هالسالفة يومين إلا جاء وخطبها
من أبوها وتزوجها والله قصة زواج غريبة وبنفس الوقت حلوه
وعلى فكرة حقيقية وحصلت بالفعل نقلتها لكم عشان ازرع الابتسامه وتشوفون بعد سبحان الله كيف النصيب يجي
::::::::::::::::::::::::::
منقووووووووووول
| |
|
| |
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
