سعود أهـــان الفتاه ريــــم وحولها الي علبة بيبسي ..........

[تعبت اشكي]

سعود أهان الفتاه ريم وحولها الي علبة بيبسي ( منقول )
--------------------------------------------------------------------------------
السلام عليكم ورحمة الله
اخواني اخواتي الكرام اسعد الله اوقاتكم بالخير والمسرات
لقد اطلعت علي هذا الموضوع باحد المنتديات بعد طرحه من قبل احد الاخوان الاعزاء واعجبني كثيرآ واحببت نقله اليكم
وامل من الجميع المشاركه واليكم القصه .........
/
/
تقدم سعود لخطبة ريم هي رفضت في البداية بحجة كل البنات إنهابتكمل
دراستها لكن امها وابوها اقنعوها في الأخير لان الولد اخلاق ومستقيم
ووظيفة محترمة ومن عايلة كبيرة والكل يمدح فيه ويتمناه لبنته
المهم جا وشافها وشافته واعجبو بعض... واخذ موعد من ابو ريم
علشان يجي مع ابوه ويتفاهمون
على باقي الامور الروتينية... جا الموعد المحدد وحضر سعود مع ابوه
واثنين من اعمامه... ومعهم المهر...
قام وفتح علبة المهر واخذ منها ريال واحد فقط ورجع الباقي
وقال
حنا
نشتري
الرجال!!
عجز المعرس واهله يقنعون ابو ريم فاستسلموا
واخذوا فلوسهم ومشوا...
>> >> > >>
>> >> > >>
>> >> > >>
مرت الايام وريم ابوها عوضها المبلغ اللي رجعه وجهزت نفسها
وجت
ليلة
العرس...
اول ما دخلت ريم على عريسها استقبلها وقالها (هلا يا ام ريال!!!)
البنت طاح وجهها ساعتها بس عدتها... مو حلوة تسوي مشكلة من اول
ليلة... ومن ذاك اليوم وسعود ما تعدي ريم من عنده الا يعايرها
بالريال... بعدين تطور الموضوع وصار يقارنها بكل شي بريال...
لين
قال
مرة: ( تشوفين علبة البيبسي هذي؟ تراها تسواك كلكم بريال
خخخخخ!!!)
وكمل ضحك وهي تغلي...
بس ريم كانت كتومة ما تحب تشكي لاحد حتى اقرب الناس لها امها...
ومرت الايام وهو ما يناديها
الا ام ريال او علبة البيبسي!... هو ما يقصد يهينها بس المزح الثقيل
الله يفكنا من شره
المهم راحت لامها مرة وأمها كانت ملاحظة عليها إنها متضايقة من شي
فحلَّـفتها تقولها وش فيها...
بعد محاولات كثيرة من الأم فضفضت لها ريم وهي تبكي وقالت لهاالشئ
الوحيد اللي منكد عليها حياتها... وطلبت من أمها إنها ما تجيب
سيرة
لأبوها...
لكن الأم قالت: (لا يا بنيتي أبوك غلط ولازم يصلح غلطته وياما
قلت له
إن هذا يقلِّل من قدر بنتك ما يرفعه
لان الناس الحين يقيسون بعض
بالفلوس بس ما سمعني... خليه يشوف وش سوى...
أنتي يا بنتي لك كرامة وإحنا ما بعناك... تطمني وخلي الموضوع
علي)
وراحت طيران لزوجها وهي تغلي بتنفجر من القهر وحكت له
السالفة...
أبو ريم انهبل من اللي سمعه وحلف ما تطلع ريم من بيته إلا راد
لها
اعتبارها..
جاء سعود بياخذ زوجته كالعادة بس ريم ما طلعت طلع ابوها
بدالها
وسلم
عليه وطلب منه ينادي أبوه وأعمامه يجون يتقهوون عنده... وانه
بعد
المغرب حيكون في انتظارهم... الولد ما شك
في شي
راح ونفذ اللي قاله ابو ريم وجاب أبوه وأعمامه... استقبلهم أبو
ريم وجلَّسهم في المجلس بدون ما يحسون بشئ...
طلع أبو ريم من جيبه ريال ونادى ولده الصغير محمد وقال له: (
محمد
أبوي رح للبقالة وجب لي علبة بيبسي...!) الرجال استغربو وضحكو
فيما
بينهم على تصرف أبو ريم أما سعود ما وصلته الرسالة لسه...
جاب محمد البيبسي وحطه على الطاولة...
شوي قام وطلع ريال ثاني نادى محمد وارسله يجيب له علبة بيبسي
ثانية...
سعود بدا يعوّره قلبه... كنه شم ريحة تلميح...
جا البيبسي وحطه أبو ريم جنب الأول...
وعمل نفس الشي مرة ثالثة وجاب بيبسي ثالث وحطه مع الباقين...
وقال( الحين الله يحييكم اقدر أقولكم ليه أنا مناديكم... أنا
أخذت
منكم مهر بنتي ريال واحد
بس ولدكم ما قدر هالشئ وقعد
يعايرها بعلبة البيبسي... أنا الحين
غيرت
رأيي... أنا باخذ بنتي... وانتم خذو بدال
ريالكم ثلاث علب بيبسي)!!!
الرجال ما يدرون وين يودون وجيههم من كلام ابو ريم تفاجأوا
وفشلهم سعود بعمايله بجد أما سعود الله اعلم بحالته شوي ويغمى
عليه هو
كان يتميلح وريم تبلع بس ما توقع إنها بتكبّر الموضوع...
أبو سعود قال: ( والله ما لي وجه أقول شي بس أتمنى انك تمسحها
بوجهي
أما سعود أنا بتفاهم معه... وبنتك على راسي... ترجع بيتها
معززة
مكرمة
واضمن لك انه ما راح يعيد اللي سواه
رد عليه أبو ريم :
كلامك على عيني ورآسي يابو سعود بس والله ما تطلع بنتي من
بيتي
الا
بثلاث مية ألف ريال مهر زيها
زي غيرها أنا يوم رفضت أول مرة اخذ
الفلوس توقعت أنها بتكبر بعيونه لكن مع الأسف أكتشفت العكس)
طبعا الجماعة ما قدرو يقولون شي الا إن هالشي من حقك وحق
بنتك...
وجمعوا المبلغ وقدموه للبنت وكذا ما عاد فيه شي يضايق ريم بس
سعود ما
عاد له عين يحطها بوجه
ابوها...............
انتهت القصه
اخواني ارجو التكرم من الجميع ابداء وجهة نظركم عن
با لاب اللي يوافق على مهر بنته بريال ؟؟
وأيهم أفضل اللي مهرها غالي أو.... اللي مهرها ريال او القليل من المهر ؟؟
؟؟؟
بماذا تصف ابو ريم من حيث تصرفاته من بدايه تحديد المهر الاولي الي ان قام بتحديد مهر ابنته الثاني
بماذا يوصف سعود وكلامه للريم ..:

تقبلـــــو تحيــاتـــي

[ام عزوزي]

اهلين تعبوبه مررررره القصه حلوه

با لاب اللي يوافق على مهر بنته بريال

بصراحه انا مايد انه يقبل بس بريال ما ادري احس انها راح تقل بعيونه

وأيهم أفضل اللي مهرها غالي أو.... اللي مهرها ريال او القليل من المهر ؟؟

والله التوسط زين في كل شي يعني لا افراط ولا تفريط

بماذا تصف ابو ريم من حيث تصرفاته من بدايه تحديد المهر الاولي الي ان قام بتحديد مهر ابنته الثاني

هو زي ما قال يشتري رجتال لبنته بس هالرجال ما يستاهل

اما تحديد المهر الثاني صح بالغ شوي بس يستاهل

بماذا يوصف سعود وكلامه للريم ..:

بصراحه وقح وقليل ادب ولاهو رجال<<<<<<حاقده ومصدقه من جد

ولا يستحي بعد وما يستاهل البنت اللي تزوجها واكرموه

ويسلموا تعبوبه على القصه مررره ثانيه

[بنت سكر]

مشكوره قلبي

[قمرهم كلهم]

مشكوره حياتي

[تعبت اشكي]

اسعدني مروركم وياهلا فيكم


وصادقه اختي ام عزوزي وانا اقراها احس اني مقهوره