سلالالالالالالامون عليكم...السموحة طولنا عليكم وماعندنا قصصن جديدة نطرحها لكم
........ايييه ما علينا... لحظة شوي بضبط الوضع.
..<<<<< انتو شكو اي وضع ؟
المهم لا يكثر بس ... انا الحين مو باطن كبدي الا شي واحد في الحياة.؟ ليه يعني ما يصير نفحط حنا يا البنات في البر
...؟ هذا كان حديث الساعه في أور هاوس (( يعني بيتنا)) المهم ..كنا قاعدين انا و عيلة 7 نجوم .. مع الوالد طال عمره (قول طال عمره لا افقع خشمك)) وبما حنا قاعدين ..انا بصراحة كنت خايفة افتح موضوع التطعيس مع الوالد...اخاف يحط تيزاب بكشتي وبعدين انتو تعرفون وش راح يصير يعني ماله داعي اقول لكم علشان ما تمصخ السالفه ويصيبي نوع من الاحراج .
. بعدين تتعب نفستي كثير وتصير اذوني واذونكم اربع خخخخخخخخخخخخ..ايه على طاري المصاخه.. من اللي حاب يستههبل وماخذ شباصاتي؟؟؟عيب هالحركات ..ترى من جد اللي ماخذها ما راح يستفيد شي...احسن له يرجعها...المهم... بما انه حنا قاعدين ... والا اخوي الصغير حاط اغنيه شدوا العربان حق الفنان ميحد حمد..عاد تعرفون انخطف قلبي مرة ثانية وانا اسمعها وتحمست حق البر...وهلت دموعي على خدودي..<<<الله والخدود..مخدات جامبو خخ
المهم..والا ميحد يقول شدوا العربان بالكلي ..واتركوا ذا الروح ولهانه...ومادروا وش بالحشى حلي..من فراق وحر نيرانه ..عاد انا ما تمالكت نفسي
وقمت اصااااااااااااااارخ بأعلى صوتي..واقووول وانا واثقه من نفسي... يا بابابا ...والا ابوي ما يرد علي.. قلت جربي مرة ثانية يا اخت العرب ..وقلت مرة ثانية يا دااااااااااااااااداي ..قلت بغير الاسلوب يمكن ينفع معه..والا ما رد...قلت انا وين وهالدلع وين ... مافيه الا اصرخ مرة ثانية واقول... ييييييييييييييييييييييييييييييييييييييييي ييييييييي
يييييييييبه.. والا اسمع صوت يرد علي مثل الصدى..وحطـــبه ..عاد هالكمة أثرت فيني بصراحة.. وشوي وتمالكت اعصابي مو علشان شي ..بس علشان سالفة البر والطعووس..بعد كذا ..قال لي خير وش تبين؟ قلت له ابي حقي الشرعي... والا ما اشووف الا قوطي كلينكس جاي على خدي..خير وش السالفه يا معووووووووووووود.... قال اي حق شرعي؟ قلت له لا تفهمني غلط...لا يروح بالك بعيد يا عزوتي ويا طربتي؟ قال اجل وش تقصدين يا بنت؟؟.. قلت له ابي حقي الشرعي ..ابي اطعس مثل اخواني..قال لي روحي طعسي ...قلت له جد جد موافق .قال ايه روحي عادي...قلت وناسة وناسة طيب وش البس؟والا اشوف قوطي كلينكس ثاني جاني على الجبهه<<< من النظافة عندنا قواطي كلينكس وايد خخخخخ .. والا ابوي يقول لي ..انتي ما تستحين.؟ انتي وين والحيا وين..خلاص ما صرتي تحشمين...عاد انا بدل ما ابكي اضحك ..عاد تعرفون مافي ماي وجه ...والحيا عندي ماخذ اجازة وضع ... الله يخارجنا بس ..والا بعد هالتحطيم اللي جاني من ابوي..قلت مافي الا اني اتلثم واروح مع اخواني... بس المشكلة الحين من وين اجيب شماغ محترم... من الفقر اخواني الشباب عندهم شماغ واحد يعني واحد فيهم يلبسه اليوم..الثاني ما يلبسه ..اما اذا واحد منهم كان معزوم على حدث رسمي الثاني يسلفه مو مشكلة ..<<<< الله والحدث الرسمي والا اخواني يحليلهم ما يعرفون الا مؤيدوو بصله وطقته ..المهم قلت يالله .. بنسرق شماغ ابوي الازلي ..اللي من فتحت عيني وانا اشوف ابوي معلقه في البيت ما يخلي حد يلمسه اثاري هذا ورث العائلة الكريمية .. <<< والله القعاطه وماتسوي .. استغفر الله حسيت ان حنا عايلة غلط وعيب نعيش ونصير أوادم << مو كأنها سبت نفسها؟
المهم سرقته..واتفقت مع اخواني >>>>خوش اخوان والله
المهم ..رحت معهم..وطعست و فحطت .. ونااااااااااااااااسة.. وقمه الفلللللللله ..واستلمت البيكاب ..وادعسسسسسس وادعسسس.. وهاتك يا بريكااات وهجولة .. وشوي اسوي عكسية .. وياهووووووووه والله والله..والله احساس رهيب ولا اروع والا شوي
اسمع صوت سيارة الشرطة..وتيويو تيويو .. احمر ازرق احمر ازرق << سيارة الشرطة ....قلت الحين اللي فيها فيها.... مافي الا اسلم نفسي... خلاص ابوي بلغ عني
وقعدت ..احوس احوس...قلت لاخواني تعالوا ودعوني خلاص بسلم نفسي....قالوا لي لا تستسلمين ... للحين فيه امل
قلت خلاص شافوني
المهم. بما اني فطينة زيادة عن اللزوم .. والذكاء ضارب وواصل حده .لما سلمت نفسي.... لكن بعد كذا اكتشفت اني اغبى خلق الله على وجه الارض والحمار افهم مني ......وكانت القرقعه والزوبعه والصجه والدعثه هاذي كلها ..لانه ابوي يدور الشماغ وعلى باله ضااع يعني الشرطة والدوريات .مو علشاني انا..بس هالمرة صارت الفضيحة فضيحتين..وكالعادة...طلعوني بكفالة بس ما راح اقول لكم وش صار في البيت لا تفرحون خخخخخخخخخخخخخخخخخخخخخخخخ وكالعادة .. من قرادة الحظ..ضربت بالهوى بوووويه ..ورضيت بنصيبي وقسمتي
عاد كل من يقرا هاليوميات يقوم يصلي ركعتين ويتحمد ربه قبل ما يبتلش مثلي
اللهم لا شماته واللهم لا اعتراض
آخر 10 مشاركات
العرض العادي
