| مشكورة ياام عزوزي على الموضوع الحلو
انا سالفتي سالفه في استراليا كنت لسه عروسه كملت اربع شهور وسافرت لاستراليا ولما وصلت المطار كنت لابسه عبايه بنيه قعدوا يطالعون في ويضحكون علي <<<<< زوجي يقول انتي كذا تشوفين
المهم ورحت لمدينتي بتاكسي السواق لبناني عرفني بعباتي وجاء يعرض خدماته علينا وصلنا لمدينتنا حتى باب الفندق وكان اصدقاء زوجي في الفندق ينتظرونا وكنت انا اول سعوديه تدخل هذه المدينه <<<سجلوها في كتاب التاريخ
وكنت مغطيه وجهي وبعد مرتحنا بدأت الانتقادات لزوجي <<<ليش مغطيه وجهها زوجتك هذا تخلف بس زوجي كتمهم وما عاد يفتحون فمهم بهذا الموضوع وبعد يوم جت وحده ثانيه وبعد اربع ايام جت الثالثه <<<قعدنا حنا المهابيل الثلاثه لمدة اربع شهور نترقب متى يجبون المتزوجين زوجاتهم وكل اسبوع نسير على بعض لين جت ام عزوزي وفرحنا فيها وعزمتها عندي وبعدها هل الغيث جوا البنات وكثرنا والحمد لله
ومن المواقف اللي صارت لي اني كنت اعاند الاستراليين والبس العبايه السوداء بالنقاب لين طيرت قلوبهم لمدة شهر لاني ما تعودت على الرمادي لكن رجعت لها وتعودت عليها حتى ما الفت الانتباه وصارت السوداء للرسميات
واذكر كنت مرة في السوق ورحت ركن الالعاب اتفرج ولابسه لثمه وكان قدامي ولد يدور لعبه وصدمني وهو ما يدري ولما التفت وشافني من الخوف قال لي هااااااي مره رحمته
واذكر كل مارحت للسوق قعدوا شيابهم يتكلمون مدري وش يقولون بس يهاوشوني انا وصديقتي انا كنت اخاف لاني مو متعوده بس هي متعودة لانها كانت عايشه في كندا
المهم الحين هذا اللي اقدر اقوله الحين لاني مره مشغوله لي اسبوع مغيره سكني وقاعدة اثث علشان كذا ما ادخل النادي الا شوي واطلع على العموم اكمل سوالفي بعدين لاني مثل ما يقولون انا العمدة <<<<حاطته لنفسها ومصدقه
وقصصي كثيرة احكيها بعدين
تقبلوا تحياتي |
التعديل الأخير تم بواسطة : غادة الكاميليا بتاريخ 08-17-2006 الساعة 05:24 AM.
| 
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
