قصه حياتي ملها معنى دونك ...لاتفوتكم

[قمرهم كلهم]

حياتي مالها معنى من دونك

للكاتبة: an3ona

الجزء الاول
شخصيات القصة :
• ميرة :عمرها 22سنة تدرس في الكلية.
• هند: عمرها 16سنة ثاني ثانوي.
• حمد: اخوهم الكبير يشتغل في شركة بترول.
• فيصل: 17سنة ثانوية عامة.
• راشد والدهم وعنده شركة .
• أم حمد متوفيه .
في صباح يوم جديد اشرقت الشمس.. وانورت دبي دار الحي.. وكالعادة قامت ميرة على صوت المنبه، وميرة بنت طيوبة وحبوبة وجميلة وتحب الدراسة ..... بدت تجهز حق الكلية.. نزلت ميرة تحت ولقت هند معصبة
ميرة : السلام عليكم
هند : .......................
ميرة : بسم الله أصبحنا و اصبح الملك لله شو فيج معصبة؟؟؟
هند : ما اجوفين ويهي ، شو هذي الحبة اللي ظاهرتلي . ( هند بنت اتحب الاعتناء ببشرتها (
ميرة : محد قالج تستعملين هذا الكريم ، قلتلج لا تحطينا ما سمعتي .
هند : أحين ما ريد نصايح شو اسوي ؟
ميرة : عادي take it easy ياعزيزي روحي المدرسة كالعادة .
هند : يا سلام اروح بهذه الحبة ، لاحبيبتي شو ما تعرفين اني لازم اكون احلى بنت في المدرسة .
ميرة : جابلي دراستج بلا هالخرابيط يالله اتاخرنا ابا اسير بسرعة عندي امتحان.
نزل بوحمد و حمد : السلام عليكم .
بو حمد : شو عندكم محتشرين من صباح الله خير؟؟
ميرة : ماشي هذه هند تتحرطم.
حمد : عيل وين فيصل عنكم ؟
هند : هذا راقد فوق.
حمد: انزين روحي وعيه وراه مدرسة .
هند : انزين بروح..
في السيارة ميرة وهند مع الدريول، وصلت هند المدرسة؛ وميرة قاعدة اتراجع دروسها في الطريق، فجأة الدريول عطى بريك قوي بغى اطيرها، خافت ميرة ويوم جافت جدام كانوا داعمين سيارة (رينج (
نزل صاحب السيارة معصب وجاف سيارته و لقى فيها دعمة بسيطة ، و سار صوب السيارة الثانية .
سيف ( راعي سيارة الرينج ) : شو فيك ما اجوف عمي ما عندك عيون ..
الدريول : لا...لا...لابا با هذا ....
سيف : جب ولا كلمة انا براويك .
وميرة اجوف الساعة وكانت متأخرة وماعرفت شو اتسوي وماحست بنفسها إلا وهي فاتحة الدريشة (بس كانت متلثمة (
ميرة : يا اخوي سامحنا الدريول كان مسرع واتأخرنا .
(سيف ما جذبا غير عيون ميرة المجحله بطريقة حلوة وقعد اطالعها) يوم خلصت قال: لا مسموحة الغالية إلا دعمة بسيطة ما يحتاي شرطة خلاص اتوكلوا على الله.. وراح...

الجزء الثاني
وصلت ميرة الكلية وطبعا متأخر نص ساعة ويوم دخلت حصلت ربيعتها الروح بالروح ريم تترياها في waiting room وما دخلت الكلاس الأول لأنها كانت تحاتي ميرة وتخبرتها عن سبب تأخيرها وقالتها السالفة كلها وبعدين دخلوا الكلاس .
وفي الشركة أبو حمد كان السكرتير اللي يثق فيه ويعتمد عليه في كل شيء هو سلطان.. كالعادة ياب سلطان الفايلات اللي تحتاي بس توقيع أبو حمد ووقع أبو حمد وخلص شغله عند آذن الظهر وراح أبو حمد يصلي وبعد ما خلص الصلاة رجع أبو حمد البيت من وقت.
وفي البيت الكل قاعد يتريا فيصل اللي ما رجع البيت من طلعت الصبح اتصلوا في ما يرد عليهم , سمعوا طرقات على الباب .
أبو حمد : حمد قم جوف من عند الباب
حمد : إن شاء الله ابويه
فتح حمد الباب و دخل فيصل الصالة
أبو حمد وهو معصب : وين كنت ؟؟........ وليش متأخر ؟
فيصل وتغيرت ملامح ويه : لا....لا.......لا أبوي كان عندي دروس التقوية وأنت تعرف إني في الثانوية العامة .
وبعدين راحوا يتغدون و أذن العصر وراح أبو حمد وحمد المسيد يصلون , وفيصل قالهم أن هو تعبان من الدراسه وما راح معاهم.
راحت هند حجرتها اصلي وميرة راحت حجرتها اصلي وتكمل بروجكتها.. رن تيلفونها ردت عليه
ريم : مرحبا
ميرة : مرحبتين
ريم : اشحال الحلوين اليوم؟
ميرة : والله يسرج الحال وأنت
ريم : بخير و الحمدالله... ميروه أبا اسألج عن البروجكت عن شو يتكلم ومتى انسلمه
ميرة : في الكلية بفهمج و نسلمه بعد أسبوع أقصى حد
ريم : أوكي ... اتصدقين ميروه من زمان ما طلعت برع شو رايج نطلع
ميرة : ياليت بس ما أقدر تعرفين الوالد ما يخلينا نطلع مكان الا مع body gurad ) تقصد أخوانها(
ريم : انزين شو رايج تقوليه انج تبين تشترين شوية أغراض وتطلعين معاية وبعدين أنا مش غريبة وكل يوم وثاني طايحة عندكم
ميرة : ههههههههه ....... ما تعورتي ؟
ريم : سخيفة شو الحين بتروحين ولا.... ترى ما عندي رصيد
ميرة : ههههههههه قوم المدفوعة مساكين والله
ريم : أفففففففففف .... وبعدين معاج ومتى بتخلصين سخافتج
ميرة : أوكي أوكي ... بكلم أبوي و برد لج خبر مع السلامة حبيبتي
ريم : في حفظ الرحمن
بندت ميرة تيلفون وراحت صوب هند اجوفها شو مسويه في الدراسة و يوم دخلت عليها
ميرة : ما شاء الله عليج الكتب فارتهم مكان و الأغاني بأعلى صوت و حبيبتي متى بتتفيجين تدرسين
هند : لا حول وأنت اشلج .... خليني في حالي و اللي يسلمج ..... و تعالي يا الدحيحة هديتي كتبج ويايه عندي
ميرة : بسج طال لسانج هالفترة أقول شو ها الأوراق
هند : ما شي رسايل معجبات و أنت اشلج
ميرة : اللي يسمع يقول ملكة جمال العالم ........ بسير تحت أبركلي من مجابل ويهج .
العصر الساعة خمس نزلت ميرة عند ابوها في الصالة ..
بوحمد : هلا بالزين.
ميرة : هلا والله أبوي.
بوحمد : خلصت دراسة ؟
ميرة : هيه أبوي خلصت .
بوحمد : تبين شيء ميرة ؟
ميرة : أمممممممممممممم أريد اشتري اشوية أغراض .
بوحمد : تبيني أوصلج ؟
ميرة : لا ربيعتي ريم قالت بتمر عليه وأنت تعرف هيه عندها ليسن.
بوحمد : أها , أنا بخليج اتروحين , بس لا تتأخرين
ميرة : ان شاء الله ابويه ما بتأخر مشكور.
راحت ميرة ادق حق ريم ,وبعد ساعة وصلت ريم البيت وطلعت ميرة مع ريم وراحوا كارفور واشتروا الأغراض اللي يبونها حق الجامعة عشان يسوون ريوق وبعد ما خلصوا ، قالت ريم : شورايج نمشي على البحر.
ميرة طايرة من الفرح : هي هي في خاطري اروح البحر.. تدرين اني من زمان ما رحت البحر.
ريم : يالله بوديج البحر.
ميرة : بس أنا أخاف لو جافني حد من أخواني بروح فيها .
ريم : ما عليج بوديج مكان ماحد من أخوانج بجوفج فيه.

[قمرهم كلهم]

وصلنا البحر ونزلن من السيارة وميرة ما صدقت عمرها أنها على البحر وراحت تعبر عن مشاعرها وتقول حق ريم اللي قاعدة تسمعها.
ميرة : جوفي تدرج ألوان البحر والسحب المتناثر في السما.. وانعكاس الشمس على البحر.......الخ
بعد ما خلصت ميرة كلامها رن تيلفون ريم اللي راحت اترد عليه وميرة يالسه تراقب و فجأة تسمع أصوات قريبه منها ولفت ولقت مجموعه من الشباب راكبين جيتسكي ويايين صوبها (تعرفون الشباب يوم يجوفون البنات ما يصدقون عمارهم) يعنى الزبدة بدوا الشباب يخقون اللي يسوي حركة والثاني يرد عليه ويتراششون بالماي ..ومن بين الشباب كان سيف قاعد يشوف ميرة وحاس بدقات في قلبه غير وحاول يتذكر شيء بس مب قادر ميرة لاحظت ان في ولد يجوفها.
وقالت ميرة حق ريم : ريمو خلاص خلينا انروح البيت اخاف اتأخر
ريم : خلاص ok على راحتج.

الجزء الثالث
سيف مع ربيعه سعيد في السيارة, سعيد يسولف وسيف في عالم ثاني
سعيد انتبه أن سيف مب معاه : وينك يا ريال وين وصلت
سيف : مالوم عيني تسهر عليك و أحلمك في غمضت عيوني
سعيد : اها قمنا انشل شلات بعد , بس عاد حق منو هذي الشلة ؟!
سيف :..............
سعيد : اشفيك ساكت ... اتكلم عاد
سيف : شو اقولك يا بو عسكور
سعيد : قول اللي بقلبك و ريح بالك
سيف : امممممممممم ........ أنا ....... يقولون........ حبيت
سعيد ناقع من ضحك : ههههههههههه ......... من متى ........ مبرووووووووووووووك الحب اليديد
سيف : تطنز ..... اللي يخبرك ....... أنا غلطان
سعيد : لا يا خوي كنت امزح ..... صدق حساس ونحن ما ندري
سيف : تنطم و تسمع و بدون تعليقات
وقال سيف السالف كلها لسعيد
وفي الصباح يوم الأحد راحت ميرة اتوعي فيصل اللي ما يقوم من الرقاد لأنه يرقد متأخر
ميرة : فيصل قوم وراك مدرسة ياالله بتتأخر
فيصل : تعبان ما أقدر اداوم
ميرة : ليش شو فيك ؟!
فيصل : ما شي بس راسي يعورني وايد و هب قادر اقوم
ميرة : خلاص عيل حبيبي ارتاح وأنا بروح الحين
والكل راح الدوام ما عدا فيصل اللي يتظاهر بالمرض , في الكلية ميرة وريم رايحات الكانتين يتريقون وحصلوا حمدة قاعدة بروحها (حمدة ربيعتهم في الكلية من بنات الميلس (
ميرة : هلا حمدوه
حمدة : أهلين شخبار الحلوين اليوم
ريم وميرة : تمام التمام
ريم : ليش قاعدة بروحج؟....... وين عنج سويره
حمدة : لا ما شي أتريا ساروه
ميرة : وينها ؟
حمدة : راحت تشتري تعرفين زحمه وأنا ما اداني الزحمه
ريم : انزين حمدوه ...... عادي نقعد معاكم لأن ما شي طاولة فاضيه
حمدة : أكيد عادي
ريم : تسلمين حياتي
ميرة : اقول حمدة شخبار الدراسة وياج
حمدة : والله الحمد الله
وقعدوا يسولفون وضحك , وبعدين الكل راح كلاساته طبعا ميرة و ريم ويا بعض نفس التخصص
في منزل بو حمد بعد صلاة الظهر بوحمد وميرة وحمد يالسين في الصالة
بو حمد : وين هند
ميرة : فوق في حجرتها ادبدل ثيابها
بو حمد : وين فيصل
ميرة باستغراب : ليش هو مش في حجرته, أنا اليوم الصبح جفته وكان تعبان فما داوم
وهني نزلت هند و دشت الصالة
بو حمد : لا محد فوق
هند : انزين يمكن راح العيادة
بو حمد : لكن أتاخر وايد
حمد : أبوي أنا بتصل فيه و بجوفه وين
حمد يتصل في فيصل : الو مرحبا
فيصل من غير نفس : مرحبتين , شو تبا
حمد : عفانا الله شو فيك تتكلم من غير نفس
فيصل : أوهو , أنت شو تبا مني الحين متصل
حمد : أبوي يقولك رد البيت بسرعة عشان نتغدى
فيصل : أنا اتغديت , ما اريد غدى
حمد : انزين ارجع لأن أبوي يباك
فيصل : انزين يالله باي
بو حمد : ها وينه
حمد : ما عرف والله ما سألته لأن كان يكلمني من غير نفس وما حبيت اساله قلتله يرجع البيت
بعد 10 دقايق وصل فيصل البيت , دخل عليهم الصالة
فيصل : نعم أبوي شو تبا
بو حمد : الناس يوم يدخلون على حد يسلمون أول بادي
فيصل : السلام عليكم
بو حمد : وعليكم السلام , وين كنت يا فيصل
فيصل : كنت مع الربع
بو حمد : و المدرسة
فيصل : اتاخرت الصبح فما رحت المدرسة و كان راسي يعورني
بو حمد : و يوم طلعت مع ربعك راسك ما عورك
فيصل : لا أنا خذت بندول و بعدين أنا طلعت الساعة 12
بو حمد : مرة ثانية ما أباك تتأخر ( بو حمد رجل طيب و يحب عياله(
فيصل : ان شاء الله
اتغدوا وأذن العصر و راحوا الرياييل المسيد أما البنات فراحن حجرهم يصلون
اليوم الثاني فيصل طالع من العصر و رجع البيت الساعة 11 فليل و على حظه أبوه ما كان في البيت كان في الشغل عنده اشوية أشغال
فيصل دخل حصل حمد وهند في الصالة .
حمد : وينك جان ما رديت تو الناس حد يرد الحين
فيصل يصارخ : أنت اشلك
حمد : نعم كيف أنت تكلمني جي , أحترم الأكبر منك
فيصل : ليش منو تكون أنت عشان احترمك
حمد بكل عصبيه : لسانك طال ها الأيام
و فيصل يصرخ و حمد يصرخو اشوي كانوا بتضاربون وهند ما تعرف شو اسوي كانت مرتبكه و فجأة صوت من بعيد
بو حمد : ليش الصريخ ؟....... ها اشعندكم ما تخلون حد يرقد
الكل ساكت
بو حمد : شو صار ليش تصارخون ها ؟
فيصل راح حجرته
بو حمد : حمد شو صار
حمد قال حق أبوه السالفه كلها
بو حمد : انزين أنا يوعان وما تعشيت و انتو أكيد اتعشيتوا
حمد : لا أبوي نحن نترياك و من متى نتعش بدونك
بو حمد : خلاص أنت ازقر خواتك و فيصل و أنا بقول حق الخدامه تحط العشا
حمد : ان شاء الله

[قمرهم كلهم]

الجزء الثالث
سيف مع ربيعه سعيد في السيارة, سعيد يسولف وسيف في عالم ثاني
سعيد انتبه أن سيف مب معاه : وينك يا ريال وين وصلت
سيف : مالوم عيني تسهر عليك و أحلمك في غمضت عيوني
سعيد : اها قمنا انشل شلات بعد , بس عاد حق منو هذي الشلة ؟!
سيف :..............
سعيد : اشفيك ساكت ... اتكلم عاد
سيف : شو اقولك يا بو عسكور
سعيد : قول اللي بقلبك و ريح بالك
سيف : امممممممممم ........ أنا ....... يقولون........ حبيت
سعيد ناقع من ضحك : ههههههههههه ......... من متى ........ مبرووووووووووووووك الحب اليديد
سيف : تطنز ..... اللي يخبرك ....... أنا غلطان
سعيد : لا يا خوي كنت امزح ..... صدق حساس ونحن ما ندري
سيف : تنطم و تسمع و بدون تعليقات
وقال سيف السالف كلها لسعيد
وفي الصباح يوم الأحد راحت ميرة اتوعي فيصل اللي ما يقوم من الرقاد لأنه يرقد متأخر
ميرة : فيصل قوم وراك مدرسة ياالله بتتأخر
فيصل : تعبان ما أقدر اداوم
ميرة : ليش شو فيك ؟!
فيصل : ما شي بس راسي يعورني وايد و هب قادر اقوم
ميرة : خلاص عيل حبيبي ارتاح وأنا بروح الحين
والكل راح الدوام ما عدا فيصل اللي يتظاهر بالمرض , في الكلية ميرة وريم رايحات الكانتين يتريقون وحصلوا حمدة قاعدة بروحها (حمدة ربيعتهم في الكلية من بنات الميلس (
ميرة : هلا حمدوه
حمدة : أهلين شخبار الحلوين اليوم
ريم وميرة : تمام التمام
ريم : ليش قاعدة بروحج؟....... وين عنج سويره
حمدة : لا ما شي أتريا ساروه
ميرة : وينها ؟
حمدة : راحت تشتري تعرفين زحمه وأنا ما اداني الزحمه
ريم : انزين حمدوه ...... عادي نقعد معاكم لأن ما شي طاولة فاضيه
حمدة : أكيد عادي
ريم : تسلمين حياتي
ميرة : اقول حمدة شخبار الدراسة وياج
حمدة : والله الحمد الله
وقعدوا يسولفون وضحك , وبعدين الكل راح كلاساته طبعا ميرة و ريم ويا بعض نفس التخصص
في منزل بو حمد بعد صلاة الظهر بوحمد وميرة وحمد يالسين في الصالة
بو حمد : وين هند
ميرة : فوق في حجرتها ادبدل ثيابها
بو حمد : وين فيصل
ميرة باستغراب : ليش هو مش في حجرته, أنا اليوم الصبح جفته وكان تعبان فما داوم
وهني نزلت هند و دشت الصالة
بو حمد : لا محد فوق
هند : انزين يمكن راح العيادة
بو حمد : لكن أتاخر وايد
حمد : أبوي أنا بتصل فيه و بجوفه وين
حمد يتصل في فيصل : الو مرحبا
فيصل من غير نفس : مرحبتين , شو تبا
حمد : عفانا الله شو فيك تتكلم من غير نفس
فيصل : أوهو , أنت شو تبا مني الحين متصل
حمد : أبوي يقولك رد البيت بسرعة عشان نتغدى
فيصل : أنا اتغديت , ما اريد غدى
حمد : انزين ارجع لأن أبوي يباك
فيصل : انزين يالله باي
بو حمد : ها وينه
حمد : ما عرف والله ما سألته لأن كان يكلمني من غير نفس وما حبيت اساله قلتله يرجع البيت
بعد 10 دقايق وصل فيصل البيت , دخل عليهم الصالة
فيصل : نعم أبوي شو تبا
بو حمد : الناس يوم يدخلون على حد يسلمون أول بادي
فيصل : السلام عليكم
بو حمد : وعليكم السلام , وين كنت يا فيصل
فيصل : كنت مع الربع
بو حمد : و المدرسة
فيصل : اتاخرت الصبح فما رحت المدرسة و كان راسي يعورني
بو حمد : و يوم طلعت مع ربعك راسك ما عورك
فيصل : لا أنا خذت بندول و بعدين أنا طلعت الساعة 12
بو حمد : مرة ثانية ما أباك تتأخر ( بو حمد رجل طيب و يحب عياله(
فيصل : ان شاء الله
اتغدوا وأذن العصر و راحوا الرياييل المسيد أما البنات فراحن حجرهم يصلون
اليوم الثاني فيصل طالع من العصر و رجع البيت الساعة 11 فليل و على حظه أبوه ما كان في البيت كان في الشغل عنده اشوية أشغال
فيصل دخل حصل حمد وهند في الصالة .
حمد : وينك جان ما رديت تو الناس حد يرد الحين
فيصل يصارخ : أنت اشلك
حمد : نعم كيف أنت تكلمني جي , أحترم الأكبر منك
فيصل : ليش منو تكون أنت عشان احترمك
حمد بكل عصبيه : لسانك طال ها الأيام
و فيصل يصرخ و حمد يصرخو اشوي كانوا بتضاربون وهند ما تعرف شو اسوي كانت مرتبكه و فجأة صوت من بعيد
بو حمد : ليش الصريخ ؟....... ها اشعندكم ما تخلون حد يرقد
الكل ساكت
بو حمد : شو صار ليش تصارخون ها ؟
فيصل راح حجرته
بو حمد : حمد شو صار
حمد قال حق أبوه السالفه كلها
بو حمد : انزين أنا يوعان وما تعشيت و انتو أكيد اتعشيتوا
حمد : لا أبوي نحن نترياك و من متى نتعش بدونك
بو حمد : خلاص أنت ازقر خواتك و فيصل و أنا بقول حق الخدامه تحط العشا
حمد : ان شاء الله
راح حمد وزقر أخواته و قال حق هند تزقر فيصل لأن ما له نفس يجوفه , هند راحت حجرة فيصل دقة الباب
فيصل : نعم , ادخلي
هند : فيصل ياالله تعال بنتعشا
فيصل : اذلفي عن ويهي هب فايقلكم , انا متعشي برع
هند : فيصل ... بقولك شيء
فيصل : شو بسرعة
هند : انت متضايق من شيء
فيصل : و اذا كنت مضايق انت شو بتسوين ............ انقلعي احسلج عن ويهي
هند نزلت والكل اتعشي وراحوا يرقدون. (فيصل كان متعرف على أولاد يداد واحتك فيهم وايد وكانوا أولاد قليلين أدب ومهملين دينهم و دراستهم و والدينهم و حياتهم كلها في الشوارع و الكلام فاضي (
ومرة الأيام وفيصل كلا يتأخر وفي يوم من الأيام رجع فيصل البيت الساعة 30و11 الفليل وكان ابوه يترياه , ودخل فيصل الصالة .
فيصل منصدم : السلام عليكم
بو حمد وهو مغيظ : و عليكم السلام وينك متأخر
فيصل : عند ربعي
بو حمد : ولين متى بتتأخر جي
فيصل : انزين حرام أطلع مع ربعي
بو حمد : أنا ما قلت حرام , قلت لين متى بتم على ها الحال
فيصل : الحين شو يعني , ما أروح أرقد بعد
بو حمد عطى فيصل كف على ويها من الغيظ.. وين التربية.. اسمعني يا فيصل ما أريد اجوفك برع البيت بعد اليوم تفهم, بس من البيت للمدرسة.
فيصل : يعني الطلعة بتحرمني منها
بو حمد : فيصل أنا عمري ما حرمتك من شي و خليتك اتسوي الا تباه لكنك ما أهنيك لهذا الشيء والحين ما بتطلع من البيت لين ما تصطلب تفهم . وراح حجرته .
دخل فيصل حجرته وانسدح على الفراش ويتم يفكر بالكلام اللي قاله أبوه واذكر الكف اللي عطاه أبوه وما حس الا الدموع تنزل من عينه لأن هذه أول مرة بو حمد يمد ايده على ولده.

الجزء الرابع
في اليوم الثاني الكل قام عشان يروح الدوام و يوم نزل بو حمد تحت حصل ميرة و هند و حمد .
بو حمد : وين فيصل
ميرة : فيصل راح المدرسة مع الدريول قبلنا
ومرت الأيام و فيصل ما يطلع أبد بس من البيت للمدرسة , مرة راح عند هند دق عليها الباب و دخل
فيصل : هند انت مشغولة
هند : لا تعال , تبا شي ؟
فيصل : هند أنا آسف لأني رفعت صوتي عليج هذاك اليوم
هند : لا يا فيصل عادي نحن أخوان وبنتم أخوان
فيصل : يعني مب زعلانه صح ؟
هند : لا هب زعلانه و انا كم فيصل عندي
فيصل : خلاص عيل أنا بروح عند حمد الحين
وراح ودخل عليه واتاسف منه وحمد استغرب من أخوه المهم قعدوا سوالف مع بعض , ميرة يالسه تقرا المجلة ورن تيلفونها
ميرة : هلا والله بريماني
ريم : أهلين شخبار الحلوين ؟
ميرة : تمام الحمدلله و انت ؟
ريم : الحمد لله زينه
ميرة : زينه و لا نحول..هههههههههه
ريم : وااايد يضحك هههههههه..... انزين اسمعيني حبيت اقولج اني باجر ما بداوم
ميرة : ها... ليش ؟! شو استوى
ريم : لا ميرة ما استوى شيء بس ملجت اختي ورا باجر فبكون مشغولة وتعرفين الملجة بنسويها في البيت وانت أول المدعوين
ميرة : مبروووووك وعقبالج حبيبتي
ريم : الله يبارك فيج وعقبالج , خلاص عيل بخليج
ميرة : ok , باي
ميرة راحت عند هند وقالتها انها معزومة عند ربيعتها ريم على ملجة أختها وأنها تبا تطلع مع هند طبعا لازم يكون واحد من أخوانها معاهم عشان تشتري شيء تلبسه في الملجة وعاد هند ما صدقت يوم ميرة قالتها بتطلعين معاي اول وحدة اجهزت.
وهذا يوم ملجت فاطمة أخت ريم, طبعا ميرة راحت عند ريم من العصر لأنها بتتعدل معاها واتكشخوا وكانوا أحلى بنتين في الملجة, بس مب أحلى من العروس , وبعد صلاة العشا الناس بدوا ايون وصلت خالة ريم وعيالها وعمتها وعائلة عمها والمعزومين, وكان البيت ربشة و أم ريم ترحب بالمعزومين وفرحانة وايد وريم ما كان عندها اخوان غير فاطمة واخوها اكبرمنها .
المهم بدى الرقص والأغاني وميرة كانت في البداية مستحيه بس شجعتها ريم وبدوا يرقصون والكل عيونهم على ميرة وريم , ميرة كانت عطشانه فقالت حق ريم اتوديها المطبخ تبا تشرب ماي وراحوا المطبخ, أم ريم زقرت ريم وراحت ريم عند أمها وتمت ميرة بروحها في المطبخ, وكان ولد خالتها عند المطبخ بس عند الباب الثاني (كان يتريا سهيل أخو ريم) وأي واحد يدخل المطبخ يجوفه, فميرة دخلت المطبخ وحليلها يوم صدت جدام جافت ولد خالة ريم ما عرفت شو اتسوي (كانت بدون شيلة ولا عباء وشعرها ما شاء الله عليه) تم ولد خالة ريم واللي اسمه سيف يطالع ميرة وقال في خاطره ها البنت انا جفتها مكان بس وين ..اذكر عند البحر, وميرة كانت منصدمة ركضت بسرعة داخل وقالت حق ريم حد عند المطبخ وراحت ريم وعرفت أن ولد خالتها ويابتلها ماي وشربت, ورجعت ميرة وهند البيت متأخرين وعلى طول رقدوا , اما سيف فقعد يفكر فيها طول الليل .
اليوم الثاني قامت ميرة ويلست على اللابتوب تشتغل فجأة اذكرت الموقف البارحي وتمت اتفكر واذكرت ان نفس الولد اللي جافها عند البحر . رن تيلفونها و انقطع التفكير
ميرة : هلا
ريم : اهلين , شخبارج عساج بخير
ميرة : الحمدلله , وانت
ريم : الحمدلله , الصراحة ميرة أمس كنت روعة الكل استانس عليج و يسالوني عنج
ميرة : و الله و انت كنت أحلى مني بوايد
ريم : صدق ولا اجاملين
ميرة : يا الله عاد من متى أنا اجامل
ميرة : الا اقول ريم شو اسم ولد خالتج اللي كان في المطبخ
ريم : سيف , بس ليش
ميرة : لا ما شي بس جي
ريم : علينا ها الحركات ميروه شو السالفة لا يكون .........
ميرة : جب انزين شو بعد ما في شيء بس حرام اسأل
ريم : لا هب حرام , بس غريبة انت تسالين اكيد في شيء , و بعدين ليش اتخبين عليه.
ميرة قالت حق ريم انها يوم راحوا البحر جافته وكان يطالعها وهذه ثاني مرة اطالعها .
ريم : اها جي السالفة ok ما تبيني اوصله سلام
ميرة : نعم , طبعا لا و ياويهج
ريم : ok يا الله بخليج , بخبرج اليوم نترياهم بيون عندنا
ميرة : ok باي
وتمت ميرة اول مرة فحياتها تفكر في شاب, ومن صوب سيف كان يالس مع سهيل اخوه ريم في بيتهم يسولف . ونزلت ريم الصالة و في نفس الوقت طلع سهيل فوق و استغلت ريم الموقف و راحت عند سيف
سيف : اشحالج ريم
ريم : بخير وانت
سيف : بخير , ريم ابا أسألج
ريم : شو وانا بجاوبك
سيف : اكيد
ريم : اكيد بس اسال
سيف : ريم البنت الي دخلت أمس المطبخ كانت لابسة وردي منو هاذي
ريم : يا فضولك , اشعليك من البنت خلها في حالها
سيف : ما عليه وانت قلتي بجاوبيني , انت هب قد كلمتج
ريم : ok هذي ربيعتي ميرة بنت راشد الشامسي
سيف : هيه وهي قدج صح
ريم : اكيد قدي , شو ناوي تخطبها
سيف : ياليت و الله
ودخل سهيل عليهم و قامت ريم و راحت فوق و خلتهم بروحهم يسولفون على راحتهم .تموا يسولفون لين ما أذن المغرب وراحوا المسيد يصلون بعد ماخلصوا صلاة ردوا البيت، كان سيف قاعد في الميلس وسهيل سار عنه لأن الوالدة كانت تبغي تتخبر اذا سيف بتغدى عندهم ولا لا ، خبرها سهيل ان سيف بتعشى عندهم و سارت الوالدة صوب المطبخ اجوف إذا خلص العشاء..أذن العشاء وراحوا صلوا في المسيد و رجعوا البيت و بعد ساعتين راح سهيل صوب المطبخ ايقول حق امه احطون العشاء ؛ حطوا العشاء و اتعشوا و سيف عيبا عشاهم و بعدين طلع سهيل مع سيف وراحوا صوب الشباب يلعبون معاهم ورق و بعدين رجع كل واحد بيته.
سيف اللي ما قدر يرقد وكل تفكيره في ميرة ويقول في خاطره واخيرا عرفت اسمها والله اسم على مسمى وقعد الحبيب إشل (مالوم عيني تسهر عليك واحلمك في غمضت عيوني طبعك حلو ميت انا فيك واللي شراتك من يكوني ملاك لكن من يساويك انت الذي ساكن عيوني اغليك يالمحبوب و اغليك غصب على ناس اعذلوني..........(
وبعد ما خلص راح سيف في سابع نومه.وما قام سيف الا على دقات قوية على الباب اشوية وكان الباب بنكسر فز سيف من نومه وراح يفتح الباب.
سيف : شو عندكم ليش الازعاج من صباح الله خير..
أم سيف : يا غناتي الساعة الحين وحدة الظهر و انت ما نزلت من الصبح و ما رحت الدوام و خفت عليك وقلت يمكن الولد طاح مريض .
سيف : شو الساعة كم احين اماية انت متاكدة ان الساعة وحدة الظهر !!!!
ام سيف : هي روح و شوف الساعة بعد
سيف يشوف الساعة ومب مصدق ان هو رقد لين الساعة وحدة ... (طاعوا الاعجاب شو يسوي (
أم سيف : ها حبيبي شو عندك عساك بخير يالغالي.
سيف : لا ماشي الحمدلله بس الفليل ما ياني رقاد و رقدت متاخر عسب جي ما قمت الصبح
ام سيف: الحمدلله طمنتني ...بغيت اموت من الزيغ عليك اقول اشبلاه الولد اليوم ما قام ..
وراحت ام سيف..سيف قام واسبح و صلى الظهر و نزل شافته امه قعد معاها اشوي و طلع و اتصل حق الشغل و خبرهم على اللي استوى وخذا اليوم اجازة.
ميرة وريم قاعدات في الميلس يسولفون، دخلت عليهم حمدة وسارة
ميرة وريم : هلا والله بالغالين
حمدة و سارة : تسلمون يا حياتي
حمدة : شو عندكم بريك؟
ميرة : هي اخيرا بعد هاالتعب كله
سارة : شو رايكم انروح نتغدى ويا بعض ؟
ريم : اوكيك ما عندي مانع
حمدة : تحريت بعد
وراحوا الكانتين وتغدوا ورجعوا الميلس لان بنات الميلس مسوين حفلة وطبعا قوم ميرة مدعوات على الحفلة لان بنات الميلس ربيعاتهم ، حضروا الحفلة وكانت تهبل فعلا وما قصروا البنات من رقص ورزيف ويوالة ، الكل كان مستانس ، خلصت الحفلة الساعة ثلاث و نص ؛ طلعت ميرة و ريم وساروا صوب waiting room واتصلت كل وحدة بالدريول و راحن البيت.
وصلت ميرة البيت و غيرت ملابسها ورقدت اشوي لين ما اذن العصر صلت و نزلت تحت .
في الصالة ابو حمد و حمد يالسين يشوفون التيلفزيون
ميرة : السلام عليكم
ابو حمد وحمد : وعليكم السلام
ميرة : شخباركم شو امسيتو ؟
ابوحمد : الحمدلله بخير و عافية و انت
ميرة : الحمدلله بخير
ميرة : وين عنكم هند و فيصل ؟
ابو حمد : هند وفيصل فوق في غرفهم.

[قمرهم كلهم]

الجزء الخامس
ميرة وبو حمد وحمد يلسوا يتقهويون ويسولفون لين ما أذن المغرب, الكل قام يصلي طبعا الرياييل في المسيد والحريم في البيت, خلصت ميرة صلاتها بعد ربع ساعة رن تيلفونها اتنط ميرة و تشل تيلفونها
سارة : هلا
ميرة : اهلين وسهلين ....... زين يينا على البال
سارة : حبيبتي انت دوم على البال بس تعرفين الكلية وبروجكتاتها ما تخلي الواحد يتنفس الحمد لله خلصنا.. ميروه نحنا البنات قررنا نجتمع باجر في الكلية
ميرة بسرعة : ليش ما علينا دوام.. ليش انسير الكلية
سارة : لحظة لحظة اسمعي كلامي كلاه و بعدين ارمسي
ميرة : ان شا الله
سارة : قررنا نحن البنات نجتمع في الكلية عسب نطلع مع بعض انروح سنتر .... شو رايج ؟!
ميرة : فكرة حلوة ....... بس لازم اخذ أذن من السلطات العليا
سارة : ان شا الله يوافقون و انت لازم تحاولين تقنعينهم
ميرة : ان شا الله انا بحاول المستحيل عسب اطلع معاكم
سارة : انزين مي مي ما بطول عليج ... الحين بدق على البنات و اتاكد انهم بيون take care honey
ميرة : you too my love
راحت ميرة عند هند وقعت معاها تخبرها شو بسوون باجر استانست هند وايد وتمنت اتكون معاهم, هند بدت بسوالفها مين بفك ميرة من هند وسوالفها
هند : ميروه أنا و ربيعتي فكرنا نلعب على وحدة و بقولج الخطة و عطيني رايج
ميرة : انزين ليش تبين تلعبين على المسكينة
هند : شو تقولين.. هاي مش المسكينة هاي اللي ادافعين عنها اكبر لعابه ويكون في علمج هاي اللي تسمينها المسكينة لعبة على ربيعتي أنا برد لها الصاع صاعين
ميرة تباه تخلص من سوالف هند : انزين قوليلي الخطة
هند تخبر ميرة الخطه كلها بس ميرة ضد الفكرة لأنها مب من هالنوع من البنات وما تحب تجرح حد, أذن العشاء وصلوا ونزلت ميرة وهند ومعاهم فيصل و ساروا صوب غرفة الطعام لقوا حمد وأبوها يالسين يتريونهم تعشوا وراح كل واحد غرفته حط راسه ورقد , الا ميرة يلسة مع ابوها ورمسته واقنعة ابوها في الاخير وافق ابوها شو بعد طلعت الروح , راح ابوها يرقد و هي بعد
اليوم الثاني قامت ميرة مستانسة تلبسة وجحلة عيونها كانها عيون غزال وعلى فكرة ميرة مب من البنات اللي يترسون ويوهم بالميك اب لانها من بونها حلوه, نزلت تحت حصلت هند تترياها ركبوا سيارة وصلت هند المدرسة وميرة وصلت الكلية , اجتمعوا البنات في waiting room ما عاد ريم وحمدة اعتذروا لانهم تعبانين اضايقة ميرة يوم سمعت ان ريم ما بتي بس البنات ما خلوها في حالها خلوها اتسير وياهم وتحركوا البنات و ركبن السيارة و سارن صوب السنتر ..وصلوا السنتر وتعرفون البنات شو يسوون في السنتر غيرshopping الساعة 2:30 دخلوا محل يبيع شموع، ميرة اتحب الشموع فتمت اتنقيلها شموع، في نفس الوقت كان سيف طالع مع ربيعه من الدوام سايرين السنتر وفي السنتر مروا من جدام محل الشموع وكان يطالع المحل فلمح وحدة تم يطالعها وعرف أنها ميرة (ما كانت متغشية) قال حق ربيعه يبا يدخل المحل، اول ما دخلوا المحل ميرة لفت يوم جافت سيف اتغشت وسارت صوب ربيعاتها وهي فرحانة وخايفة في نفس الوقت ؛ سيف راح صوب الشموع اللي كانت واقفة عندهم ووقف بطريقة يجوف فيها ميرة والشموع وكان يتكلم مع ربيعه عشان ما يحس ربيعه انه قاعد يطالع ميرة، حاسبوا البنات وطلعوا من المحل بس ميرة كان خاطرها تقعد في المحل عسب اجوف سيف بس ماباليد حيلة.
تموا يحوطون و يوم خلصوا ردوا البيت.الفليل ميرة منسدحة على الشبرية وتفكر في سيف وتقول متى بسمع صوت هالإنسان متى ؟؟.....ورقدت.
قامت الصبح طبعا يوم الخميس واجازة دقت على هند الباب بس هند ما فتحته فدخلت عليها وحصلتها راقدة ، وعتها عشان ينزلون ويتريقون مع بعض..
وهي نازلة مرت على غرفة فيصل دقت الباب و دخلت ، حصلت فيصل قاعد يذاكر لانه ثانوية عامة و الآخر سنة..
ميرة : صباح الخير...
فيصل : صباح النور..
ميرة : فيصل اتريقت ؟
فيصل : هي اتريقت .. انا قايم من الفير ، صليت و ما ياني رقاد قلت بدرس .
ميرة : شو مستعد ترى ماباقي شيء حق الامتحانات ..
فيصل : هي الحمدلله بس متوتر اشوي ..
ميرة : ان شاء الله بتنجح..
فيصل : الله يسمع منج ..
ميرة : خلاص عيل أنا بنزل ابوي و حمد اكيد واعيين..
فيصل : ok خلاص ..
نزلت ميرة وحصلت ابوها وحمد قاعدين ..
ميرة : السلام عليكم..
بوحمد و حمد : وعليكم السلام
دخلت ميرة المطبخ عشان اتقول حق الخدامة اتييب الريوق..
بوحمد : ها حمد باجر الجمعة شو رايك انروح عند عمك محمد نسلم عليهم..
حمد : والله يا بوي انا عادي عندي ..
هند نزلت و سمعتهم يتكلمون.
هند : شو وين بتروحون؟؟؟
حمد : يا فضول .. ما بنخبرج
هند : ابوي قولي وين بتروحون..
بوحمد : بنسير انسلم على عمج محمد..
هند : أها
بوحمد : و انت و ميرة بعد تعالوا سلموا عليهم ..
هند : okik ما وراي شيء
ميرة : أكيد .. انت شو وراج غير الطلعات و التيلفونات و الماسنجر ..
هند : بس عاد أحين بنتريق و لا شو ؟
ميرة : اتريقي فكينا من حشرتج ..
واتريقوا و قعدوا اسولفون بعدين كل واحد راح حجرته.
اليوم الجمعة الكل متعدل لانهم بيروحون بيت عمهم ( وقوم عمهم ما عندهم غير بنت وحدة اسمها ود وهي كبر ميرة (
بعد صلاة الجمعة وصلوا بيت عمهم ..
بوحمد: السلام عليكم
محمد : و عليكم السلام و الله نورتوا البيت
بو حمد : منور بوجودكم
محمد : اشحالج ميرة
ميرة : الحمدلله عمي انت اشحالك ؟
محمد : و الله الحمدلله بخير يسرج الحال .. و انت حمد شخبارك؟
حمد : بخير
محمد : ها هنودة شخبارج ؟
هند : تمام الحمدلله..
حرمة محمد دخلت وسلمت عليهم وبعدين راحت تزقر ود عشان اتسلم على عمها و تقعد مع ميرة ..
دخلت ود الميلس طبعا ما كانت متغشية ، و سلمت على عمها و بنات عمها ، حمد تم يطالع ود و ما نزل عينه..
حمد : اشحالج ود ؟
ود : الحمدلله بخير انت اشحالك ؟
حمد : و الله دام انج بخير انا بعد بخير..
هند : بس عاد بدينا..
حمد : شو هاذي بدينا بعد ؟ ... حرام اسلم على بنت عمي ؟
هند : لا هب حرام سلم كم تبا ..
ود : حرام عليج هنود خليه الا ولد عمي و ما فيها شيء
وعاد حمد استانس عليها و طول الوقت كان يطالعها و ود حست ان حمد يطالعها ..وقعدوا كلهم مع بعض و تموا اسولفون
ود : ميرة محلوة وايد ..
ميرة : والله .. انت المحلوة هب انا ..
حمد : ميرة من بونها حلوة شو بعد محلوة

[قمرهم كلهم]

احمر ويه ود
هند : شو و أنا مب محلوة؟
ود : لا انت احلى وحدة فينا......
وبعدين اتغدوا و بعد الغداء الغداء رجعوا البيت

الجزء السادس
حمد راح حجرته وانسدح على السرير تم يفكر في ود كيف كانت وكيف استوت صح هي من صغرها حلوة بس يوم كبرت احلوت أكثر اصبحت أنوثة بمعنى الكلمة يعني ربة البيت , بعد صلاة العصر أبوهم و حمد و هند يالسين في الصالة .
بو حمد : هند نشي امايا ويبيينا فواله و قهوة
هند : ان شا الله انت تامر و نحن نلبي
بو حمد : كفو جي اباج حرمة تسمعين الكلام
راحت هند المطبخ تحط لهم الفواله وقهوة وودت الفواله وقهوة الصالة , نزلت ميرة من فوق وسارت صوب الصالة وأول ما دشت الصالة
بو حمد : فديت أنا شيخة الحريم ....... تعالي صوبي غناتي
ميرة مستانسة : فديتك أنا الله لا يحرمني منك
سارت صوب أبوها وباسته على راسه وخده ولوت عليه, هند وحمد فاجين عيونهم ويطالعونهم باستغراب, هند طبعا غارت من ميرة
هند : حمد مالنا رب نحن
حمد : لا خويتي مقطوعين من شيرة.. اقول شو رايج نسير وندورنا على حد يحبنا و يرعانا
هند : هي صدقك يبانا....... الحين محد يعبرنا ولا يحبنا جنا بشاكير
بو حمد : فديتكم كلكم غاليين و أحبكم ....... تعالي امايا
ركضت هند صوب ابوها و لوت عليه و دزت ميرة من عند ابوها
ميرة تغايظ هند : مهما اسوين ابويه يحبني اكثر منج يكون في علمج
هند مغيظه : ابوي تسمعها شو تقول
بو حمد : ميرة غناتي سكتي عن اختج الله يخليج
ميرة : ان شاء الله عشانك بسكت
أذن المغرب راحوا يصلون, بعد الصلاة يلست هند تسمع أغاني , ميرة يلست ترتب حجرتها وكبتها وفي هاي الحز رن تيلفون ميرة
ريم : الو اشحالج
ميرة : بخير يسرج الحال و انت
ريم : الحمدالله الله يعافيج ....... ميروه لاعت جبدي من البيت في خاطري اسير البحر
اهني ميرة راحت عالم ثانية محد في غير سيف, فجأة تسمع ميرة صريخ ريم
ريم : ميروه وينج وين سرتي انت معايا ولا لا
مير ة ( انتبهة حق ريم واتغطي على السالفة ) : لا انا معاج كنت افكر في البحر و جو حلو بكون
ريم : شو بتطلعين ولا لا
ميرة : ثواني و انا راد عليج باي
ريم : اترياج باي
نزلت ميرة بسرعة و سارت صوب حجرة ابوها , دقت الباب و دخلت و لقت ابوها
ميرة مرتبكة : ابوي رديت البيت ما رحت عند بو خالد اليوم خير ان شاء الله
بو حمد : هي بنيتي مارحت مالي نفس قلت اروح البيت و ارتاح اشوية
ميرة : هيه زين سويت.. ابوي حبيبي بغيت اطلع مع ريم من زمان ما طلعت بدتة الاجازة و ما ظهرت
بو حمد : اطلعي بس وين رايح
ميرة فرحانه : ما شي رايحين البحر
بو حمد : سيري ولا تتاخرين ها الله الله بعمرج
ميرة : ما يهمك الله لا يخليني منك
طلعت ميرة مع ريم وهيا تفكر في سيف بجوف ولا لا.. بكون راكب الجتسكي, طول الطريج وهيا تفكر وصلوا البحر نزلت ميرة بسرعة و اتجهة صوب البحر ودور على حبيب قلبها بس يا خسارة وين سيف ما لقت من بين هالناس , اضايقة ميرة ويلس تحت وقعدت اطالع البحر خلت نفسها عادي جن ما استوى شي , ريم لاحظت ميرة
ريم : ميروه شو بلاج ليش تغيرتي فجأة عسى ما شر
ميرة : لا ما شي ما فيني شي
ريم : ميرة حياتي قوليلي شو بلاج صدقيني ما بخبر حد و انا شرات اختج خبريني و ريحي عمرج
ميرة استسلمت و خبرت ريم السالفة كلها .
مرت الايام وخلص فيصل الامتحانات ونجح وكانت نسبة 90,8 , حطاه ابوه هدية سيارة جاكور استانس فيصل بسيارة, خبر فيصل اهله ان هو يبا يسافر برع يكمل دراسته وياخذ الدكتوراه في الهندسة وبعدها يرجع البلاد, في البدايه رفض ابوه لان محد من عيال ابتعد عنه بس بعد الحاح من فيصل وافق ابوه , بسافر فيصل بعد 4 شهور .
اما سيف كان يفكر يخبر اخته عن ميرة ان هوه يبا يخطبها بس كيف يخبرها, تم يفكر في الاخير وصل للتنيجة يكلم ريم واتصل في ريم
سيف : مرحبا بنت خالة اشحالج
ريم : تمام و انت
سيف : الحمد الله
ريم : خير ان شاء الله ... غريبه متصل شو السالفة
سيف : ريم ..... أنا .... اق .......
ريم : شبلاك ......... يالله اتكلم لا تقعد اتسوي نفس كل مرة
سيف : ريم ابا اخبرج بتن انا اباه اخطب ربيعتج ميرة
ريم مو مصدق : شو اتقول ....... انت متأكد انك تباه تخطب ميرة ... قول الصراحه الله يخليك
سيف مستانس : هي و الله العظيم و راس الغالين اباه اخطبها ...... بس حبيت اعرف اذا هي مخطوبة ولا لا
ريم : لا لا مب مخطوبة
سيف : متاكد
ريم : متاكد ربيعتي ما عرف
سيف : انزين ... اختي تعرف ميرة
ريم : اختك تعرف ميرة ترانا ربع مع بعض في الكلية نيلس مع بعض في البريكات
سيف فرحان : الله يخليج ان شاء الله طمنتي قلبي الله يريحج خلاص عيل انا ببند التيلفون في خاطرج شيء
ريم : هي
سيف : امري
ريم : ابا حلاوة البشارة
سيف : انت اول وحدة بتاكلين الحلاوة بس مب الحين بعدين يوم بخطب وتوافق ميرة وانا اللي بييب الحلاوة حقج بس ريم ماباج تعلمين حد بالموضوع اتفقنا
ريم : اتفقنا بس الله يرضى عليك بسرعة ترى مافيني صبر
سيف : اسمع اللي يقول انها هي اللي بتعرس مب انا
ريم : هههههههه سخيف مب جي انا فرحانه عسب ربيعتي بتعرس وبياخذها واحد من جماعتنا.. وعسب اعرف رد فعلها
سيف : اذا السالفة جي خلاص عيل برمس الاهل بالسالفة و بعطيج خبر يوم بروح عندهم عسب تعرفين رد فعلها و تخبريني .... ريموه ابا اعرف اذا البنت تحب حد ولا
ريم : لا البنت مب من هاالنوع
سيف : مع السلامة
ريم : في حفظ الرحمن
سيف بعد ما بند التيلفون طاير من الفرحة ومستعيل وراح صوب حجرة أخت دق الباب بس أخت ما ردت قال في نفس يمكن راقدة قام و فتح الباب ما لقى أخت في حجرة سار تحت دخل حجرة أمه ما لقاها بعد سأل البشكارة خبرت أنهم راحوا السوق , ما ورا سيف غير يترياهم يرجعون شو بصبر سيف الحين .
في بيت بو حمد , ود و امها و ابوها يالسين سوالف و ضحك
هند : ها ود متى بنجو فج عروس
ود : قولي متى بنجو ميرة عروس
ميرة : هي و الله متى بيي هاليوم
هند : نعم ........ أعرف تبين تفتكين مني ولا من حمد او فيصل
ميرة : لا حبيبتي .... بس ـفتك من حشرتج .... فديت حمد و فيصل و الله
الكل يضحك , فجأة دق حمد الباب ودخل ....
حمد : يالله قومي بسكم سوالف ..... حطوا العشاء

[قمرهم كلهم]

ود : عمرك طويل يا حمد
حمد : كنتوا اتحشون فيني ها ؟
هند : و اذا كنا انحش فيك شو فيها هب اخونا ..
حمد : هي اخوكم لكن اذا كانت ود اتحش فيني عادي انتوا لا ....... ( ود استحت و احمر ويها(
هند : نعم .... نعم .... بدينا حركات بسك عاد
حمد : شو حركات ..... ما سويت حركة ولا شي ... جفتيني اسوي أي حركة؟
ميرة : بس عاد حشرتوني و انت اللي ياي تزقرنا حق العشاء اجوفك يلست اتسولف ها ؟
حمد : كلا من ود هيه خلتني اسولف
ود : الحين اتعق علي ها ؟
حمد في خاطر يقول فديتج يعلني ما انحرم منج متى بيي اليوم يجمعنا في .......
ميرة : بس لوعتوا جبدي خلنا نسير نتعشى يالله وراحوا يتعشون ..
في بيت غانم ( ابو سيف) رجعت أخته وامه من السوق , سيف كان يالس في الصالة يترياهم و اول ما دخلوا
حمدة : السلام عليكم
سيف : وعليكم السلام
حمدة : غريبه يالس في البيت ما طلعت اليوم , شو السالفة
سيف ( يصاصر اخته): السالفة بقولج اياها فوق
حمدة : Ok يالله انسير فوق
حمدة : ها سوافي شو تبا
سيف : امممممممم ...... ما اعرف كيف ابدا
حمدة : يالله عاد اتكلم
سيف : أريد أتزوج ..
حمدة : هههههههه ......... شو بتزوج روح علم امي و ابوي هب انا ...... انا مب امك ولا ابوك
سيف : ما عليه انت محد يخبرج شيء انزين ....... انا الغلطان ييت عندج
حمدة : ـفا ..... تعال انا آسفه ....... يالله قول صدق تبا تتزوج
سيف : هي ......... و االبنت اللي ابا اتزوجها انت تعرفينها عدل
حمدة : اعرفها عدل منو هيه ؟ ..... لا تكون ريم
سيف : لا مب ريم ... هيا ....... ميرة بنت حمد
حمدة فاجه عيونها : ميرة ربيعت ريم بنت خالتي
سيف : هي ميرة ربيعت ريم ....... و انا كلمت ريم و قلتلها اني ابا اخطبها و استانسة وايد...
حمدة : اها ..... Ok الحين انت خبر امي و ابوي عسب يخطبونها حقك.....
سيف : بس اخاف من رد فعلهم ....... ما اعرف كيف ابدا
حمدة : عادي كيف ما خبرتني خبرهم و انا بحاول معاك لا تخاف و توكل على الله
سبف : مشكورة اختي العزيزة .... حب اخت على خدها
حمدة : Ok حبيبي روح الحين لاني ابا ارقد.......... تصبح على الخير
سيف : احلام سعيدة
حمد يالس على الكمبيوتر و يفكر في ود ...... دخلت عليه هند .......
هند : حمد شو يالس اتسوي ؟
حمد :.......
هند : حووووووو اكلمك
حمد : ها .... شو قلتي
هند : احم احم في منو تفكر ؟
حمد : محد هب يالس افكر انزين وانت شو يايبنج هني
هند : اكيد اتفكر في حبيبة القلب
حمد : ............
هند : منو سعيدة الحظ ممكن اعرف
حمد ابتسم
هند : حمد انت صدق اتحبها
حمد : .........
هند : حمد ليش ما ترد
دخلت عليهم ميرة : ها شو اسوون
هند : الظاهر حمد يحب
حمد قتطع هند : ما احب اجذب عليج
هند : لا حبي اصلا حمد يحب وحدة ما
ميرة : حمد صح كلام هند
هند : هي حبيبتي ما جوفين سرحان يفكرطول الوقت
حمد : انزين و اذا حبيت فيها شيء .......؟
بو حمد ينادي على هند , هند تنزل تحت عند ابوها .....
ميرة : حمد خبرني الصدق هند محد ........ انت تحب ولا لا
حمد : ميرة انت اختي و انا ما بخبي عليج ...... الصراحة احب ود و افكر اني اخطبها ..
ميرة : شو تخطبها
حمد : هي اخطبها شو فيها
ميرة : لا ما فيها شي ....... بس صدمتني ...... و متى بتكلم ابوي
حمد : ما عرف يوم بتشجع ..
ميرة : وانا واثقة و ابصملك على العشرة ان ابوي اول ما تخبر بفرح و بروح يخطبها
حمد : صدق ؟
ميرة : هي صدقني ........ خلاص انا بروح حجرتي برقد
حمد : Ok الله معاج
تم يفكر في ود و متى بكلم ابوه وقرر الاسبوع الياي ...... ما يقدر يصبر اكثر من جيذي .....
اليوم الثاني ميرة قاعدة في حجرتها ورن تيلفونها
ميرة : هلا و الله بالزين .
ريم : أهلين .... اشحالج
ميرة : تمام الحمدلله و انت .....
ريم : و الله بخير ...... اتولهت عليج
مير ة : انا اكثر
ريم : ميرووه اليوم انت فاضية
ميرة : ليش
ريم : بس حبيت أي عندج البيت
ميرة فرحانه : صدق انا فاضية و اذا كنت مشغولة بفضالج
ريم : احم احم ..... اليوم العصر بيي خلاص
ميرة : اترياج
بو حمد و هند يالسين في الصالة اجوفون تلفزيون , اما حمد كان برع مع ربعه ....... رن تيلفون البيت ........ ركضت هند اترد عليه
هند : هلا
فيصل : اهلين
هند : اشحالك فيصل و شخبارك ؟
فيصل : الحمدلله بخير و انت اشحالج
هند : تمام الحمدلله ........ و الله اتولهت عليك وايد
فيصل : انا بعد اتولهت عليكم ...... وين ابوي
هند تعطي ابوها السماعة
بو حمد : هلا بوليدي اشحالك ؟
فيصل : الحمدلله ابوي وانت شخبارك و شخبارشغل و حمد وميرة ؟
بو حمد : يسرك الحال كلهم بخير و صحة ...... شخبار الدراسة معاك ؟
فيصل : الحمدلله زينة .......
بو حمد : الله يوفقك ان شاء الله .......
فيصل : آمين ......... خلاص ابوي بخليك ........ سلم على حمد وميرة
بو حمد : ان شاء الله يوصل و اهتم بنفسك مع السلامة
فيصل : ان شاء الله و دير بالك على نفسك مع السلامة

الجزء السابع

بعدين اكمل اذا اعجبتكم القصه

[قمرهم كلهم]

ود : عمرك طويل يا حمد
حمد : كنتوا اتحشون فيني ها ؟
هند : و اذا كنا انحش فيك شو فيها هب اخونا ..
حمد : هي اخوكم لكن اذا كانت ود اتحش فيني عادي انتوا لا ....... ( ود استحت و احمر ويها(
هند : نعم .... نعم .... بدينا حركات بسك عاد
حمد : شو حركات ..... ما سويت حركة ولا شي ... جفتيني اسوي أي حركة؟
ميرة : بس عاد حشرتوني و انت اللي ياي تزقرنا حق العشاء اجوفك يلست اتسولف ها ؟
حمد : كلا من ود هيه خلتني اسولف
ود : الحين اتعق علي ها ؟
حمد في خاطر يقول فديتج يعلني ما انحرم منج متى بيي اليوم يجمعنا في .......
ميرة : بس لوعتوا جبدي خلنا نسير نتعشى يالله وراحوا يتعشون ..
في بيت غانم ( ابو سيف) رجعت أخته وامه من السوق , سيف كان يالس في الصالة يترياهم و اول ما دخلوا
حمدة : السلام عليكم
سيف : وعليكم السلام
حمدة : غريبه يالس في البيت ما طلعت اليوم , شو السالفة
سيف ( يصاصر اخته): السالفة بقولج اياها فوق
حمدة : Ok يالله انسير فوق
حمدة : ها سوافي شو تبا
سيف : امممممممم ...... ما اعرف كيف ابدا
حمدة : يالله عاد اتكلم
سيف : أريد أتزوج ..
حمدة : هههههههه ......... شو بتزوج روح علم امي و ابوي هب انا ...... انا مب امك ولا ابوك
سيف : ما عليه انت محد يخبرج شيء انزين ....... انا الغلطان ييت عندج
حمدة : ـفا ..... تعال انا آسفه ....... يالله قول صدق تبا تتزوج
سيف : هي ......... و االبنت اللي ابا اتزوجها انت تعرفينها عدل
حمدة : اعرفها عدل منو هيه ؟ ..... لا تكون ريم
سيف : لا مب ريم ... هيا ....... ميرة بنت حمد
حمدة فاجه عيونها : ميرة ربيعت ريم بنت خالتي
سيف : هي ميرة ربيعت ريم ....... و انا كلمت ريم و قلتلها اني ابا اخطبها و استانسة وايد...
حمدة : اها ..... Ok الحين انت خبر امي و ابوي عسب يخطبونها حقك.....
سيف : بس اخاف من رد فعلهم ....... ما اعرف كيف ابدا
حمدة : عادي كيف ما خبرتني خبرهم و انا بحاول معاك لا تخاف و توكل على الله
سبف : مشكورة اختي العزيزة .... حب اخت على خدها
حمدة : Ok حبيبي روح الحين لاني ابا ارقد.......... تصبح على الخير
سيف : احلام سعيدة
حمد يالس على الكمبيوتر و يفكر في ود ...... دخلت عليه هند .......
هند : حمد شو يالس اتسوي ؟
حمد :.......
هند : حووووووو اكلمك
حمد : ها .... شو قلتي
هند : احم احم في منو تفكر ؟
حمد : محد هب يالس افكر انزين وانت شو يايبنج هني
هند : اكيد اتفكر في حبيبة القلب
حمد : ............
هند : منو سعيدة الحظ ممكن اعرف
حمد ابتسم
هند : حمد انت صدق اتحبها
حمد : .........
هند : حمد ليش ما ترد
دخلت عليهم ميرة : ها شو اسوون
هند : الظاهر حمد يحب
حمد قتطع هند : ما احب اجذب عليج
هند : لا حبي اصلا حمد يحب وحدة ما
ميرة : حمد صح كلام هند
هند : هي حبيبتي ما جوفين سرحان يفكرطول الوقت
حمد : انزين و اذا حبيت فيها شيء .......؟
بو حمد ينادي على هند , هند تنزل تحت عند ابوها .....
ميرة : حمد خبرني الصدق هند محد ........ انت تحب ولا لا
حمد : ميرة انت اختي و انا ما بخبي عليج ...... الصراحة احب ود و افكر اني اخطبها ..
ميرة : شو تخطبها
حمد : هي اخطبها شو فيها
ميرة : لا ما فيها شي ....... بس صدمتني ...... و متى بتكلم ابوي
حمد : ما عرف يوم بتشجع ..
ميرة : وانا واثقة و ابصملك على العشرة ان ابوي اول ما تخبر بفرح و بروح يخطبها
حمد : صدق ؟
ميرة : هي صدقني ........ خلاص انا بروح حجرتي برقد
حمد : Ok الله معاج
تم يفكر في ود و متى بكلم ابوه وقرر الاسبوع الياي ...... ما يقدر يصبر اكثر من جيذي .....
اليوم الثاني ميرة قاعدة في حجرتها ورن تيلفونها
ميرة : هلا و الله بالزين .
ريم : أهلين .... اشحالج
ميرة : تمام الحمدلله و انت .....
ريم : و الله بخير ...... اتولهت عليج
مير ة : انا اكثر
ريم : ميرووه اليوم انت فاضية
ميرة : ليش
ريم : بس حبيت أي عندج البيت
ميرة فرحانه : صدق انا فاضية و اذا كنت مشغولة بفضالج
ريم : احم احم ..... اليوم العصر بيي خلاص
ميرة : اترياج
بو حمد و هند يالسين في الصالة اجوفون تلفزيون , اما حمد كان برع مع ربعه ....... رن تيلفون البيت ........ ركضت هند اترد عليه
هند : هلا
فيصل : اهلين
هند : اشحالك فيصل و شخبارك ؟
فيصل : الحمدلله بخير و انت اشحالج
هند : تمام الحمدلله ........ و الله اتولهت عليك وايد
فيصل : انا بعد اتولهت عليكم ...... وين ابوي
هند تعطي ابوها السماعة
بو حمد : هلا بوليدي اشحالك ؟
فيصل : الحمدلله ابوي وانت شخبارك و شخبارشغل و حمد وميرة ؟
بو حمد : يسرك الحال كلهم بخير و صحة ...... شخبار الدراسة معاك ؟
فيصل : الحمدلله زينة .......
بو حمد : الله يوفقك ان شاء الله .......
فيصل : آمين ......... خلاص ابوي بخليك ........ سلم على حمد وميرة
بو حمد : ان شاء الله يوصل و اهتم بنفسك مع السلامة
فيصل : ان شاء الله و دير بالك على نفسك مع السلامة

الجزء السابع

اكمل اذا عجبتكم القصه