صينية ريم للقوارب لاتفوتكم تهبل

[~ ريم ~]

هلا فيكم حبيباتي المنولات ومبارك عليكم الشهر الكريم

طبعاً صينية ريم هذي لانقلتها ولايحزنون هذي طريقتي الخاصه وانا بسويها بكره ولازم الكل يسويها
وانا سميتها صينية ريم للقوارب لأني غرت من عصير قمرهم >>>ياشين الغيره هههههههه

وتبغون تعرفون قوارب ايش حبايبي هي قوارب كوسه
انا عارفه ان فيه كثير مايحب الكوسه او يحس ان الكوسه ما تصلح الامحشي طبعاً هالكلام غلط>>>اخلصي مهيب قصه
طيب طيب خلاص ببدأ

نجيب الكوسه ونقسمها قمين بالطول ونسلقها زين لين تستوي بمويه وملح بعدين نفرغها من اللب بملعقه صغيره
ونتركها على جنب لين نصلح حشوتها

طبعاً الحشوه عباره عن صدور دجاج مسلوقه ومنتفه او دجاجه نسلقها ونتفها براحتك الموجود عندك
بعدين نحمس بصل مع زيت شوي ونضع عليه ادجاج ويقلب مع اضافة جميع انواع اليهارات اللي عندك مع ملح
وبزاليا علب واذا مثلجه اسلقيها شوي وكروم او ملفوف وجزر مبشور وفلفل بارد مقطع صغير وفي الاخير قبل ما اطفي النار احط بقدونس مفروم وكل شي تكون كميته شويه مو كثير بعدين احشي الكوسه واصفها في صينية بايركس
وفي الاخير اخلط قشطه واحده مع علبة جبن سايل صغير الحجم واضيف شوي مويه مع الخلط او كريمه مخفوقه شوي
واصبها على الكوسه في الصينيه وادخلها الفرن للتحمير شوي من فوق وشوي من تحت

طبعاً الصلصه البيضاء هذي مقدارها صغير اذا بتكثرين كوسه وحشوه زودي كمية الصلصه البيضاء

وبالهناء والعافيه
ابغ اشوف ردودكم الحلوه

ودمتم سالمين........

[ام وئام]

تسلمم ايديك الحلوه
والله من خبرتي باالطبخ شكلها طعمه>>الله واكبر ياطباخه
بس حجرب يا حياتي وارد عليك

[قمرهم كلهم]

تسلمي حبيبتي على الوصفه

[ام عزوزي]

تسلم الايادي

والله انك خطييييييييره

يعطيك العافيه

[بشرى]

تسلم ايدك ريما

باين انها لذيذة

مشكورة

[سندريلا طيبه]

الله يعطيك العافيه

[بنت سكر]

تسلم ايديك الحلوه

[تعبت اشكي]

تسلم ايدينك ريوووووووووووم


واكيد ان من عندك لازم تكون لذيذه

[~ ريم ~]

ياهلا فيكم حبيباتي
وتسلمون على طلتكم المميزه واهم شي تجربوها

ودمتم سالمين..........

[بنت المدينه]

يسلمو يدينك باين عليها طعععععععععمه


ومشكوره قلبي