علشان ربنا يحبك؟؟

[منى زكى]

بتحبوا ربنا؟............

أرجوكم فكروا كويس قبل الإجابة
أيوه؟
طب إيه دليلكم..؟
بتعملوا اللي قايل لكم عليه وتبعدوا عن اللي ناهيكم عنه؟
طب بنسبة كام في المية
فكروا كويس
ممكن تثبتوا إنكم بتحبوا ربنا ازاي واحنا في الأيام المفترجة دي؟

سؤال صعب
أنا برضه شايفه كده
بس شايفه كمان إن الإجابة عليه ممكنة

تابعنا عزيزتي القارئه لكي نحاول أن نخبرك
تعملي إيه
عشان
ربنا يحبك

 

 

[منى زكى]

ما تيجو نتقي الله

عارفين ربنا بيحب مين؟
ربنا سبحانه وتعالى بيحب المتقين
يقول عز وجل في كتابه العزيز "إن الله يحب المتقين" (التوبة..آية4)

لكن يعني إيه تقوى؟.. ومين هم المتقين؟
نسمع الكلمة كثيراً وأكثرنا لا يعرف معناها.. ونكتفي دائماً بالسخرية ممن يقول لنا "اتقي الله يا أخي".. على اعتبار إنه مالهوش دعوة واركن لنا على جنب يا عم الشيخ.. والردود إياها على منوال "صل ع النبي ف قلبك".. و"اقعد لنا في حتة ناشفة والنبي".. رغم أن النبي عليه الصلاة والسلام يقول: "الدين النصيحة"
ورمضان أفضل فرصة لكي نتقي الله.. واللي يتقي الله ربنا يحبه..

يقول الله عز وجل في صفات المتقين: "الذين يؤمنون بالغيب ويقيمون الصلاة ومما رزقناهم ينفقون. والذين يؤمنون بما أنزل اليك وما أنزل من قبلك وبالآخرة هم يوقنون" (البقرة..آية3،4)... وقد هداهم الله عز وجل ووعدهم بأن يفلحوا.. أكمل الآيات لتجد الله عز وجل يقول: "أولئك على هدى من ربهم وأولئك هم المفلحون"(البقرة.. آية 5)

والرسول صلى الله عليه وسلم قال: "التقوى ها هنا" وأشار إلى صدره ثلاث مرات.. يعني التقوى مش بالكلام..
لأ..
بالقلب النضيف اللي لازم واحنا في رمضان نشيل من عليه تراب كتير وعنكبوت معشش.. وأمراض وأحقاد ونفسنة وضديات عشان نعرف نتقي الله صح..

ولو نظرت للغرض من الصيام ستجده في جزء منه هو أن نصل لمرتبة تقوى الله.
يقول الله عز وجل: "يا أيها الذين آمنوا كتب عليكم الصيام كما كتب على الذين من قبلكم لعلكم تتقون"

وكان الإمام "علي بن أبي طالب" كرم الله وجهه يقول عن التقوى إنها: "الخوف من الجليل والعمل بالتنزيل والرضا بالقليل والاستعداد ليوم الرحيل"...
جميل جداً..

دلوقتي أرجوكِ تسألي نفسك: كام حاجة من الحاجات دي بتطبقيها صح..
بتخافي من الجليل.. من المولى عز وجل.. يعني أكيد بتصلي وبتعملي المفروض عليكي من العبادات وأكيد بتخافي تعملي حاجة حرام.. يا ترى إنتي كده فعلاً؟.. وبعدين كملي "العمل بالتنزيل".. بتعملي بالقرآن اللي ربنا نزله.. وهل تتذكري قول رسول الله في حجة الوداع: "تركت فيكم ما إن تمسكتم به لن تضلوا بعدي أبداً.. كتاب الله وسنتي"..؟ بتعملي بكتاب الله وسنة رسوله.. ما هو حتى سنة النبي من التنزيل مصداقاً لقول الله تعالى في سورة النجم: "وما ينطق عن الهوى. إن هو إلا وحي يوحى" وبعدين ربنا سبحانه وتعالى بيقول: "وما آتاكم الرسول فخذوه وما نهاكم عنه فانتهوا".. ها.. بتطبق الفرض والسنة كما يجب.. طبعاً لأ.. لا أنا ولا إنتي ولا أي حد أعرفه من أصدقائي حتى لا أظلم أصدقاءك.. أعط إذن لنفسك هنا أيضاً درجة من عشرة وكمل تعريف سيدنا "علي" للمتقين وفي النهاية أوعدني وعد أمام الله عز وجل كما سأعدك أنا أننا سنحاول أن نكون من المتقين خلال شهر رمضان.. وبعده أيضاً لأننا لا نعبد رمضان وإنما نعبد رب رمضان.
ما تيجي بقى نتقي الله..

يلا نتقي الله وربنا سبحانه وتعالى يقول في آخر سورة القمر: "إن المتقين في جنات ونهر. في مقعد صدق عند مليك مقتدر".. صدق الله العظيم

ربنا يجعلنا من المتقين
ويجمعنا في جنات ونهر بإذن الله


ودلوقتي مقتنعه ولا لأ بالبداية دي
وهتعملي إيه لغاية المقالة الجاية

* * *



ارجعي لـ" عشان ربنا يحبك"

 

 

[قمرهم كلهم]

ربنا يجعلنا من المتقين
ويجمعنا في جنات ونهر بإذن الله


ياااارب


الف شكر منى وجزاك الله خير

 

 

[ام عزوزي]

جزاك الله خيرا

 

 

[جواهر]

جزاكي الله خير يا منى
موضوعك قيم
جعله الله في موازين حسانتك

 

 

[منى زكى]

وجزاكم الله خير وشــــــــــــــكـــــــــــرا علي المشاركه