::أقمـــاع التمـــــر:: حلى قهوه روعه وبالصوره
حلى أقماع التمر...شكله روعه وغريب..يواجه..
وتقدرين تحفظينه في الفريزر مايتأثر طعمه ولاشكله ابد..ايام نفاس اختي سوينا منه كميات
وحفظناها بالفريزر وكل ماجانا زوار نطلع كميه ونسخنها..وكل من شافه يسأل عن
الطريقه..تفضلوها..
المقادير::
2كأس دقيق
2كأس سميد
1 ملعقه صغيره باكنج باودر
ثلاثة ارباع الكأس زيت (يعني كاس الا ربع على قول الوالده)
ذرة ملح
كأس ماء
تمر عجوه للحشو
الطريقه::
*اخلطي جميع المقادير ماعدا التمر واعجينها واتركيها ترتاح ربع ساعه تقريبا..
*قطعي العجينه كور صغيره,,وكذلك قطعي التمر كور صغيره..الحين نجي لطريقة اللف
والحشو..
*افردي كل كورة عجين بالنشابه..وافردي كل كورة تمر ايضا..وانا اقولكم انا شلون افرد التمر
عشان مايلصق وكل واحده تفرد التمر حسب الطريقه اللي تريحها بس اهم شي بالنهايه يطلع
مفرود على شكل دائره ومتساوي..
المهم طريقتي في الفرد..جيبي كيس نايلون اللي نحفظ فيه اللحم بالفريزر تعرفونه..قصيه
وخليه يصير قطعتين منفصلتين عن بعض..وادهنيهم بزيت..حطي قطعه من الكيس على الطاوله
وحطي بوسطها كورة تمر وغطيها بقطعة الكيس الثانيه وبعدين افرديها بالنشابه او فراده
العجين الحديد اسهل واسرع(اللي تجي قرصين حديد ونحط العجين بينهم وبعدين نضغط بذراع
حديد اعتقد يستخدمونها اغلب شي للمطازيز)..
واذا انفرد التمر ازيلي قطعة الكيس اللي فوق وتطلع لك قطعة التمر بسهوله ومفروده وشكلها
متساوي
*جيبي قطعة عجين مفروده على شكل دائره وحطي فوقها التمر اللي فردتيه ولفي العجين مع
التمر مثل السويسرول..مع ملاحظه اغلاق جوانب العجينه يعني تقريبا يطلع شكلها مثل
الكبه ..
*اقليها بالزيت..وخليها تبرد..قطعيها بالسكين الى نصفين بشكل مائل..ورشي الوجه بسكر
بودره وقدميها...
ترا طعمها وشكلها جدا رائع..لايغركم كثرة كلامي ترا عملها سهل بس شرحي يمكن خلاها
صعبه..
وبالهناااااااء والعافيه..
وتفضلوا الصوره
منقوووول
هذه الرسالة تفيد بأنك غير مشتركه أو لم تسجلي دخولك بعد. للاشتراك الرجاء اضغطي هنــا 
العرض العادي
