يوميات عائلة مكاويه

[منال]

الأم ____ مصباح
الأب ____ حمزه
البنت ____ عيشه
الاولاد ____ عدنان وعمر



الأم : عيـــــــشه يا عيــــــشه ردي عليا نشفتي
ريقي يابنتي
البنت:نعم ياست الحبايب تبي شي
الأم : جيبيلي حق الصلصا والحقيني على المركب
البنت : تبي حق ولا حقين ياست الحبايب
الأم : لاحق واحد بس لاتنسي المغراف
البنت: انشاالله ياست الكل

الأب: عدنــــــــان ياواد عدنـــــــان
الأبن: نعم يابويا
الأب:شيل المقاضي هادي واستكري تاكسي
ووديها شعب عامر لستك ولا تتأخر لأعطيك بالشوحط



_________________________________________-

حق الصلصا : علبة الصلصة

المركب : المطبخ

استكري : استأجر

الشوحط : الحزام

[منال]

الأب : ياواد ياعمر يا عمر

عمر : نعم يا بويا

الأب : قوم ياواد استحي على وشك نايم إلين دحين ؟ ايش المرض دا .

عمر : طااااايب خلاص قايم,

الأب : يا مصباح ،،، جيبيلي كاست موية ترى ريقي نشف منك ومن بزورتك

لأم : يعني انا دحين سرت البطاله .. هيا خيررر .. اجيب كاسة المويه وامري لله !!

عمر :: ياماما اخصؤيكي منه لا تجيبيلوو مويه

الام : ياواااااد عيبببب ابوك ياقليل المروووه هيا امشي عن وشي

عمر :ياماما هلكني وجابلي البلا فحياتي حتى شوفي بالله من كتر زعيقو وصريخو على الطالعه والنازله جالو السكر والضغط وباينيو كده ناوي يجيبلي هو هديه العيد ههههههههههههه<<<<<<<ضحكه استهزاء طبعا

الام (وهيا بتشيل اللى فرجلها الله يكرمكم ):اما عليك يامصيبا امشي اقلب وجهك من قدامي احسلك ترى واصله معايا لهنا (وتأشر على اعلى ارنبه انفها )

عمر :يامي وانا كل ماجي واكلمك تقعدي تقوليلي واصله معايا ومي واصله معايا اوف وهو الواحد يعني مايقدر يقول كلمه الحق فدا البيت

الام :قولها يمصيبا بس باحترام وادب
عمر :يعني تبغيني اقلك والله يامي ياحبيبتي ابويا حبيبي جابلي البلى ربي يسعدلي هو ومايحرمني منو لا
وجزاه الله الف خير مدلعني السنه وناوي يجيبلي هديه العيد مرض السكر يامي ايش الكلام دا

الام (وهيا كاتمه الضحكه ):طب روح عن وجههي ربنا يهديك
الاب :ياواد يعمر ايش بتبربر مع امك عساك الدهاب انا ماني قايلك ياواد تروح عند عمك اسعد وتجيب منو كم غرض

عمر :متى يابويا ماني مفتكر
الاب :ايوه طلباتي تنساها اما لو ينادوك اصحابك تنزل جري والهمه تبان عليك
امشي ياواد انقلع وبالحوايج اللى عليك وربي منت مغير وحاشوف ايش حاتسوي

__________________________________________________ _______________


بزورتك : اطفالك

الحوايج : الملابس

[منال]

طيب

عدنان دوبو داخل البيت بعد ماراح عند ستو : سلام عليكم يا جماعة . ايشبكم بسم الله عليكم صوتكم واصل لأخر الحارة
ايش في يا أمي ؟
الأم : ماني فايقتلك إنتا التاني . مو كفاية مقصوف الرقبة عمر جاي تكمل عليا

عدنان : وي وي وي هيا العصبية دي وراثة عندكم وألا أيه ؟
ما أجي أكلم واحد في البيت إلا يالطيف كأني سبيتو ؟
أروح غرفتي أحسلي

عيشه: امي ايش رائيك بكره نروح نقيل عند عمه علويه ترى وحشتني مره كتير
الأم : شاوري ابوكي اول ازا وافق من عيني دي لي عيني دي



عيشة : يووووه عليكي يا أمي إنتي كدا دايما تكسفيني وتخليني آخد على خاطري منك
إنتي عارفه إنو ما أحد يقدر على أبويا غيرك إنتي

الأم : وه هوا أبوكي دا في أحد يقدر عليه
مايقدر عليه إلا الشديد القوي

عيشه : هيا صلي على النبي لا يصير في أبويا شئ
الأم : روحي أقلبي وجهك يعني أنا بأحسدو يعني مهو زوجي بلا في شكلك

الأم : دحين اروح لأبوكي قرينه تقرنك اكلتي ادني

مصباح: اسمع ياابو عدنان وجه الله ما عليه غطا

حمزه : ايش عندك هاتي من الأخر

مصباح : انا وبنتك نبغي نروح لعلويه اختك في جبل السودان

حمزه : قومي ياحرمه خدي عيشه وعدنان وعمر والبسي قنعتك
والحقيني عند علويه انا اجيب معايا راس مندي نتغدى
ونتجمع عند الحبايب
مصباح : ابشر يا فؤدي



الأم تبشر الأولاد : هيا يا ستي عيشه انبسطي
ابوكي حياخدنا ونروح كووولنا نزور عمتك

عيشه : الله لا يحرمنا منك يا ست الكل ويطوول في عمرك انتي وأبويا

عمر : احم احم ونحنا مالنا رب يعني بدعوة على الطاير

عيشه : ولا تزعل يا فصعون ويخليك ليا يا اخويا عمر انتا واخويا عدنان ولا يحرمنا من بعض

الام : هيا خلصونا قبل أبوكم لا يبطلنا في أم الخرجة وينكد علينا يالله بسرعة أخلصو

الام: هيا خلصونا قبل ابوكم لا يبطلنا في ام الخرجه وينكد علينا يالله بسرعه اخلصو

مصباح: يابنت عيشه لاتنسي الساقودانه جيبي زبديتين خلينا ندوق عمتك واخلصي قوام
وتزهم على عمر ياواد عمر قوام اتحيرنا اخلص انتا واخوك

عمر:بس يامي بلبس فستان انا جاهز وعدنان جالس يستنى على الكرويته

عيشه: يامي مو قليل اخد زبديتين ساقودانه

الام: وه يابنت مين قلك زبديتين

عيشه : انتي يامي

الام : انا قتلك عساكي القله هيا قوامن روحي جيبها وخلينا نمشي



حمزة بيحمي السيارة وبيطوط بواري : هيا ياواد

ياعدنان
يا عمر

يا أم عدنان

خلصونا ورانا مشوار لآخر الدنيا قبل ما تضلم الدنيا


نزلو الاولاد
جري على السياره

والام وهيا نازله اخده الدرج كلو وهيا تزهم عيشه وتزعق

وعيشه وهيا لاحقه امها في الدرجه ولمن وصلت عند باب العماره اتزحلقت وطاحت زبادي السوقودانه من يدها واتكسرت والبنت اتدردبت على الارض

عمر وعدنان :ههههههههههههههههههههههههههههههههههاي يخص عليك ياعيشه شوفي كيف طحتي بصراحع يبغالك تصوير

الاب وهو من كتر الزغر حاتخرج عيونو:عساك الدهبا من بنت شوفي كيف من كتر ماتبرمتي منتى قادره تمشي



الاب وهو من كتر الزغر حاتخرج عيونو:عساك الدهبا من بنت شوفي كيف من كتر ماتبرمتي منتى قادره تمشي

الام: وه ياهو قومو ارفعو البنت وشوفو لا يكون سرلها حاجه

عدنان: ايش يكون سرلها يعني منتي شايفتها قامت زي الجن

عيشه: يخص عليكم بدال ما تجو ترفعوني جالسين تتضاحكو

الاب :اركبي قوامن

عيشه : حاضر (والدموع تتسلل من عينها)

عدنان بيراضي عيشه : بس يا عيووووشه والله سلامتك
ماتشوفي شر ،،، والله ما تزعل القمر حقتنا ،،، هيا خلاص لاتوجعيلي قلبي بطلي بكا

عمر : خلاص ياعيشه إللي صار صار يالله تكبري وتحكي عيالك

عيشه وهيا بتضحك من كلام عمر : اسكت إنتا الله يقطع شياطينك

[منال]

الاب : انا ماني عارف ليش ماجوني بزوره يرفعو راسي قدام الخليقه ليش
الام :صللي على النبي يحمزه لاتصحلي على البزوره وه اشبهم اولادي والله محل ماروح متشرفه بيهم

عمر بصوت واطي :يابويا حل عن سمانا يعني هو نحنا طلعنا لمين مو انت ابونا طبيعي نطلع كدا
عدنان :عيب يعمر دا ابونا مايسير تهرج كدا عليه
عمر :ياشيخ روح انت التاني يعني تبغى تعمللي دور الواد الرضي وانت قلبك معبي منو

الاب :ايش بتبربر منك له عساكم العمى تلاقيكم بتحشو فاختكم عيشه وبتضحكو عليها
عمر :ايوا هيا دي يابويا انحنا كنا بنحش فعيشه



عيشه وهيا بتضحك بعد الطيحة إللي طاحتها :آخ منكم آخ ،ربي رزقني بزوج أخوان يرفعوا الراس
لسانهم يرش ويكنس ما شاء الله عليهم

مصباح : اسم الله عليكي يااختي يعني إنتي ما شاء الله المؤدبـــة ، ماانتي لسانك أطول منهم يا فصيحة
عيشه : أنا , حرام عليكي يا ماما لاتقولي عني كدا ترى والله أزعل منك

مصباح : هيا اتلهي بلا مجاغة

عمر : يا أبويــا أدعس شويا ترى طفشنا وإنتا ماشي بتكبس الأرض كدا

الأب : طيب هيا أنسدح على ضهرك عشان أجي أدعس على رقبتك يا فصيح

ما انتا شايف الزحمة إللي في الطريق عساك العمى

الأم : يا شيخ لا تدعي على الولد هوا أيش قال

الأب : اسكتي إنتي يعني ما سمعتيه ؟ بدل ما تعقليه جايا تقروشي راسي

الأم : الواحد ما ياخد منك لاحق ولاباطل

الاب : اللهم صلي عليك يانبي وبعدين يعني هيا انكتمي احسن لارجعكم البيت وانكد عليكم

الام :ياساتر عليك محد يقدر يمزح معاك

الاب :اووووووووووووووف وبعدين يعني

عيشه :لاحد يحرقلي فدم بابا حبيبي ماحب اشوفو وهو معصب ومحروق دمو

الاب:الله يرضى عليكي ياعيشه انا قايل مالى فدا البيت اللا بنتي حبيبتي

الام :وه ياحمزه وانا ايش ضرفه باب في البيت واللا ايش
الاب :لا بس برضو عيشه غير بس ماتكوني غيرانه منها يمصباح

وه يمصباح تغاري من بنتك ههههههههههههههههههههههه

الام :مافي ام تغار من بنتها بس برضو حتى نحنا ترى نحب نسمع الكلام الحلو
الاب :يعني مين انتو
الام :انا والاولاد

عمر بصوت واطي :لا الحمدللله انا مكتفي مابدي اسمع منو ولاكلمه سكاتو عندي اشتريه بالغالي
عدنان لمن سمع كلام عمر: عمر والله انت تجنن هههههههههههههههههههههههههههه
والاتنين غطسو ضحك



عمر بصوت واطي :لا الحمدللله انا مكتفي مابدي اسمع منو ولاكلمه سكاتو عندي اشتريه بالغالي
عدنان لمن سمع كلام عمر: عمر والله انت تجنن هههههههههههههههههههههههههههه
والاتنين غطسو ضحك

الأم : قوم ياواد من هنا انتى وياه بلا زغده زايده
الأب : ياواد اسمع كلام امك وقوم لا ارقعك بلمغراف




وبعد مشوار طويل وصلووووو لبيت عمتهم علوية

الاب: هيا وصلنا انزلو وقفلو الطيق والبيبان لايجي احد ويلقط حاجه من السياره

الاب :اااااااااااااااااااه ياربي الحمدلله

الام :اشبك يحمزه بتتأوه يخويا سلامتك بس مايكون شي واجعك

الاب : لامقهور على زبادي السقدانه اللى طاحت واتكسرت يعني خساره اننا ماكلناها والزبادي اتكسرت
هيا دحين اعرفك تمتحني اهلى عشان انزلك السوقواجيبلك ودي خساره

عمر:وي يابويا يندامه عليك زعلان وشويه وحاتبكي على زبادي بعشره ريال
اما انك ابو كندي صحيح

عدنان :واللهي انك ماتستحي يعمر احد يقول على ابوه دا الكلام اشبك انت ترى انتبه اتعديت حدودك ولازم تفرمل
فيا اما تفرمل بنفسك او انا اقول لابويا يخليك مو تفرمل اللا توقف ولا عد تعرف تمشي


عمر :يعني منت سام كلام ابوك شوف وجههو بس مايروح السكر يرتفع عندو واللا حاجه ود كلو عشان زبادي أأأأأأأأأأأأأه يقهري

عيشه :بتبربر فيه ياواد منك لو هيا اطلعو ابويا طلع وامي كمان وانتو قاعدين بتهرجو مابقي غير ننزلكم الشاهي عشان تشربوهنا

وطلعو الاولاد

[منال]

الأم : عيشه يا عيشه سوكي الجوال تتكلمي مع مين

عيشه: ايشبك يأمي بأكلام ام عبد الرزاق جارتنا

عدنان:وربي ياعيشه ولو ماسكرتي الخط لاجي أرقمك قلمين أكسر صف سنونك دحين
مستني مكالمه من صاحبي عباس بنجر
عيشه:أقوووووووولك قرينه تقرننك
كل ما أمسك السماعه تقوللي عبااس
ولا قصدك اللي بالللي باااالك...هااااااااااااااا
عيشه:تغمز وتلو لو في وجها لعدنان
عدنان:أنطمي ترا ماأوديكي تجيبي مقاضي العيد..لاتفضحيني قدام امك وأبوكي
مصباح:ياوااد ايش الهرجه..طاايح تناقر في أختك
عدنان:سلامتك ياأومي بس بأقولها لاتكتري هرج عشان الفاتوره..مسكين ابويا ياحبة عيني يدفع أيش ويخلي أيش
عيشه:تشاور من بعيد..طيب ياعدناان طيييييييييييييييييب

عدنان:وربي ياعيشه ولو ماسكرتي الخط لاجي أرقمك قلمين أكسر صف سنونك دحين
مستني مكالمه من صاحبي عباس بنجر
عيشه:أقوووووووولك قرينه تقرننك
كل ما أمسك السماعه تقوللي عبااس
ولا قصدك اللي بالللي باااالك...هااااااااااااااا
عيشه:تغمز وتلو لو في وجها لعدنان
عدنان:أنطمي ترا ماأوديكي تجيبي مقاضي العيد..لاتفضحيني قدام امك وأبوكي
مصباح:ياوااد ايش الهرجه..طاايح تناقر في أختك
عدنان:سلامتك ياأومي بس بأقولها لاتكتري هرج عشان الفاتوره..مسكين ابويا ياحبة عيني يدفع أيش ويخلي أيش
عيشه:تشاور من بعيد..طيب ياعدناان طيييييييييييييييييب

[منال]

مصباح : وي يندامه الرجال خرف , اقولك يا ابو عدنان
حمزه :ايش عندك
مصباح :ايش رائيك نسافر جده في العيد
حمزه : فينك وفين العيد لسا بدري
مصباح : بدري ايش الله يهديك العيد باقيلو يومين



مصباح : اقولك يا حمزه
حمزه : قولي يا ستي
مصباح : شوف يا سيدي انا شغلت النت البارح ودخلت موقع اسمه منتدى مكاوي ولقيت فيه انوا اللي يبغى يقدم الزكاة يقدر يرسل للمنتدى وهما يوصلوها لعوائل مكاوية محتاجه .
حمزه : والله فكره يا مصباح .. انا لي زمان ومن سنين اروح لبسطات الزكاه وادفع عن كل كيس عشرة ريال عني وعنك وعن عيشه وعدنان وعمر يعني خمسين ريال في خمسه اكياس والمشكله يا مصباح اني ما اشيل الاكياس معايا وعلى هذا الحال طول السنين اللي راحت




وكملو السيناريو انتو

بس بالهجه المكااااااااااااااااااااااويه

[سندريلا طيبه]

ههههههههههه

المركب : المطبخ

استكري : استأجر

الشوحط : الحزام
هذي المصطلحات كلها اول مره اعرفه


والله يا منال استمتعت ونا اقرى القصه


الام: وه ياهو قومو ارفعو البنت وشوفو لا يكون سرلها حاجه
عدنان: ايش يكون سرلها يعني منتي شايفتها قامت زي الجن
عيشه: يخص عليكم بدال ما تجو ترفعوني جالسين تتضاحكو
هههههههههههههه



والله استانسنا مع ها العيله




عيشه
عدنان وعمر
الله يحفظهم لاهلهم ههههه



ونشا الله يا منال راح ارجع وكمل السيناريوا لان عقلي الحين مقفل مقدر افكر

[منال]

اهلا سندريلا



يلا يابت شغلي مك وكملي القصه



ا اجيك بالشوحط



ههههههههههههههههههههههههه

[سندريلا طيبه]

لا يا ست الكل لا تجيبي شوحط ولا حاجه
انادحين اشغل مخي
مع اني ما عمري شغلته يعني تحملي النتايج
جاري تشغيل المخ

انا دحينة حكمل
وأقولكم أيش صار للبت عيشه لما راحت الجامعه

نبدأ ................ ا
ولا اعرفكم على الممثلين

ابله فاطمه الملقبه ب ( فتو )
ابله لولواه ( ابله حامل و متكبره )
ابله مريم ( عصبيه وسماكة نظارتها 4 سم )

مع جماعه من طالبات الجامعه

مع الفنان العظيم : البواب او ( الحارس)
مع منقذين الموقف : المطافي
نبدأ القصه ...
___________________________

في يوم من الايام عيشه )كانت تعبانه ما فيها تطلع بالدرجه
فقامت استخدمت اصانصير المعلمات والمعلمات ما كانوا يعرفوا
بس وفجـــــــــــــــــــــــــــأه ...؟؟
الساعه : ( 10ونص)
انعزقت في الاصانصير


طبعا الابلات مايعرفوا
وكانوا يتكلمو ويهيصوا

لولواه : ايوا يا فاطمه ما شفتي العقد الي جابلي هو جوزي
فتو : ايوا مرره يجنن وي يا أوختي ما شفتي جوزي امس وي وداني
بعدين بعد خمسه دقايق جات ابله مريم ...
مريم : يا فتو والله ما شفتي امس سويت فرموزا تاكلي اصابيع يديك ورجلك معاها


....................بعد مرور 10 دقايق
جات بنت ودخلت غرفة المعلمات
والمعلمات مازالوا يتكلموا
ساره (من صحبات عيشه ) : ابله فاطم
مريم تقاطع البنت....
وتقول : يا فتو وين الفووول
ساره : ابل ....
لولواه : ها يا بت وش تسوي هنا في غرفة المعلمات
ساره : ابله ...؟؟
فتو : هاا ايش فيه
ساره : ابله ... عيشه اتوقف عليها الاصانصير
لولوا: اي اصانصيل انتوا ماعنكم اصانصيل
ساره : هي استعملت اصانصير المعلمات
مريم : وش تقولي يابت ايش الكلام الفاضي هذه
ساره : ا ا ...بله انا مالي شغل
لولواه: بنات اخر زمن مفعوصات قليلات ادب ما يحترمونا

فتو: تعالوا نشوف وش في
الساعه الان (11 )
البنت تصرخ تصرخ تصرخ

البنات كلهم اتلموا عند المصعد


جوا الثلاثي الغبي .. اقصد المعلمات
قالوا للخاله جبي اي شي من المطبخ عشان نحاول نفتحه

الختــــــــــــــــابع
----------------------------------------

الابلات عصبوا من الخاله
وطبعا المديره جات ووقعت حضورها وشردت من الساعه 9

الابلات رجعوا غرفتهم
ولا كأنه صار شي
مريم : ايوا يا فتو افتكرت شي
جبت لكم من الفرموزا
خذي حبيبتي ذوقي والحسي اصابيعك وراها
مريم لل لولواه : خذي دوقي ولا تبغينا نعزمك بكرت دعوه
لولواه: لا لا انا ما اكل اكل بلدي هدا
انا ما اكل الا الاكل المتحضر
مريم : تدوقي وتنطمي ولا ارفزلك بطنك
فتو : بس خلاص انا با أكل صديتولي نفسي
مريم : يا فتووو وين الاكل

الساعه ( 12 ونص )


طبعا في الجامعه يسمحوا بالجوالات
فوحده من البنات اتصلت بالدفاع المدني


الابلات الهوانم مازاااالوا يبربروا

قرقرقرقرقرقرقر

لما جا الدفاع المدني البواب خاف ومنعهم من الدخول
واتصل بالمعلمات ....
البواب: يا ابله فتو
ترى الدفاع المدني براا ويقول بيدخل عشان
في بنت معزوقه في مادري وش تسموا انتوا
ايوا افتكرت
يقول في بنت معزوقه في العلبه اللي تسموها صرصار

فتو : ياعم محمد لاتخليهم يدخلوا
5 دقايق تحكي مريم ولولواه

لولواه : بنات قليلات ادب كمان يجيبوا رجال في الجامعه
لا هذه شي ما يتصدق

الدفاع المدني دف عم محمد ( البواب )
ودخل والبنات مبلمات
كذه
الساعه ( 1)

الدفاع المدني فتح المصعد ولقوا البنت مغمى عليها
وعالطول عالمستشفى..

لولواه: احسن تستاهلي عشان المره الثانيه ما تعيديها

وبعدين اليوم الثاني انطردوا المعلمات
وش رايكم فيني
أدري اني خرجت عن قصة منال بس والله مو ذنبي عصرت مخي من هنا ومن هنا ما نفع شي مقفل يعني مقفل
بس هه طلعت بشووووي من عصرة هلمخ
هههههه