كلام الناس

[منال الخليج]

سلام بنوتات

المشهد الاول :
بنت وحيده امها وابوها ... امها وابوها كبار في السن يبيلهم من يرعاهم ويهتم فيهم ... البنت بتتزوج .. اذا طلعت من بيت اهلها وسكنت مع رجلها قالوا الناس هاللي مافي قلبها رحمه تطلع وتخلي اهلها هالعاقه ... اذا سكن رجلها مع اهلها .. نقدوا عليه الناس قالوا ساكن مع اهل مرته ... واذا سكنت البنت واهلها مع الرجال قالوا جت وجابت اهلها معها الرجال ناقصها ولا ناقص اهلها؟؟
وش الحل؟؟؟ تقعد البنت ما تتزوج احسن عشان كلام الناس؟؟؟


المشهد الثاني :
اخوين ساكنين في فله الاخ الاكبر في الدور الاول والاصغر في الدور الثاني .. الاخ الاكبر عنده درزن بزران مزعجين الاصغر ما عنده بزران وحالته الماديه سيئه والدور كبير عليه هو ومرته .. اذا اجر الاصغر الدور بامكانه يستفيد ماديا ويفتك من الازعاج اللي تحته ... لكن اذا اجر الدور بيقولون الناس اللي ما يستحي ماجر الدور ومدخل في بيت اهله غريب
وش يسوي في هالحاله؟؟ يسمع كلام الناس ويقعد على حاله الميؤوس منه ولا يطاوع عقله وياجر البيت؟؟


المشهد الثالث :
امرأه مقطوعه من شجرة .. لا ام ولا اب .. لا اخ ولا اخت ... لا شهاده ولا وظيفه ... عندها ست بزران ومات ابوهم ... اذا تزوجت قالوا الناس ما عندها وفاء ما صدقت يموت رجلها وتزوجت ... واذا قعدت ما تزوجت ماتوا عيالها من الجوع
وش الحل؟؟




المشهد الرابع :
جحا (مدري ليه كل ما ذكرت اسمه ضحكت .... والله انه يوسع الصدر )
اكيد كلكم تعرفون قصه جحا وولده والحمار بس معليش ابقولها واسمحوا لي بشوي تحريف
مشى جحا وولده والحمار .. شافوهم الناس قالوا هالاغبياء معهم حمار ولا ركبوا عليه ... ركب الولد قالوا الناس شوفوا العاق راكب ومخلي ابوه يمشي ... ركب حجا ونزل الولد قالوا الناس شوفوا هالاب اللي ما يرحم راكب ومخلي ولده يمشي .. ركبوا الاثنين فوق الحمار ... قالوا هاللي ما يرحمون راكبين فوق الحمار مسكين ... في الاخير شال حجا وولده الحمار ....
ما قلت لكم يوسع الصدر



والمشاهد كثيرررره ... واللي عنده زياده يكتبها الله لا يهينه

الزبده :
* الناس ما يسكتون
* .. رضا الناس غايه لا تدرك
* كلام الناس ما بيوكلش عيش ... يعني ما ينفع
* كلام الناس ما ياخر ولا يقدم
* اللي في راسك سووه ولا عليك من احد ... دام انه لا يخالف الدين
اكيد بتقولون ما جبتي شيء جديد


لكن

الســـــؤال :
مع علمك بالاشياء اللي فوق
هل تقدر تتجاهل كلام الناس ؟؟؟
هل تقدر تتخذ قراراتك ... من دون ما يكون لكلام الناس تاثير فيها؟؟؟؟
اذا وقعت في حيرة من كلام الناس ... وشهو الراي اللي بيمشي؟؟ كلام الناس ولا عقلك؟؟

[wonderful]

سلاااااااااااااام
قطعتي قلبي محد رد عليك
ههههههههههههههههههههههههههههههه
منجد مسكيييينة يلا بنعبرك شوي بس مو اكثرالمشهد الثالث :
امرأه مقطوعه من شجرة .. لا ام ولا اب .. لا اخ ولا اخت ... لا شهاده ولا وظيفه ... عندها ست بزران ومات ابوهم ... اذا تزوجت قالوا الناس ما عندها وفاء ما صدقت يموت رجلها وتزوجت ... واذا قعدت ما تزوجت ماتوا عيالها من الجوع
وش الحل؟؟
في هاذي
اقول لو خليت خربت اهل الخير كثيير صح ولا لا؟؟؟
وعلى الموضوع بشكل عااااام
كلام الناس لابيقدم ولا ياخر
كلاااام الناس ملامة وغيرة مش اكتر

خخخخخخ
اكيييد حتقولي اغنية مغبببببببببببببببرة
بس الصرااااااحة انها معببببببببببببببببببرة جدا

[منال الخليج]

حياك وندوده يا عسلسل

[شوق القصيم]

هههههههههههههههههههههههه



الف شكر



واسفين وحقك علينا على التاخبر في الرد


والي لفت انتباهي هو
بنت وحيده امها وابوها


ذكرتني بعضوه عندنا اسمها دلووووعة امها وابووها







خخخخخخخخخخخخخخخخخخ

[منال الخليج]

ايه حتى ولا وحده تبغى ترد علي ولا الموضوع الاولاني معدا انتم الثنتين العسلسلتين
مرحبا شقووقه